അജ്മാനിലെ താമസസ്ഥലത്ത് ഉറങ്ങിക്കിടക്കവേ മലയാളി ഹൃദയാഘാതം മൂലം മരിച്ചു. തിരുവനന്തപുരം മുരുക്കുംപുഴ ചെറുകായല്‍ സ്വദേശി നൗഷാദ് ആണ് മരിച്ചത്. 36 വയസായിരുന്നു. നസീറയാണ് ഭാര്യ. നാസിലയാണ് മകള്‍. അജ്മാനിലെ ഒരു കാര്‍ഗോ കമ്പനിയിലെ ജീവനക്കാരനായിരുന്നു.

പേരാമംഗലം : ബസ്സും കാറും കൂട്ടിയിടിച്ച്‌ തൃശ്ശൂര്‍ പ്ലാസാ ഹോട്ടല്‍ ഉടമ ഗുരുവായൂര്‍ ഇരിങ്ങപ്പുറം പുതുവീട്ടില്‍ അബ്ദുറഹ്‌മാന്‍ (64) (കബൂത്തര്‍ഭായ്‌- എന്നറിയപ്പെടുന്നു), ഡ്രൈവര്‍ ഇരിങ്ങാലക്കുട കൊമ്പാത്ത്‌ അവിട്ടത്തൂര്‍ സുധന്‍ മേനോന്‍ (54) എന്നിവര്‍ മരിച്ചു. ബസ്‌ യാത്രികരായ നാലു പേര്‍ക്ക്‌ പരിക്കേറ്റു.

ചൊവ്വാഴ്‌ച വൈകീട്ട്‌ മൂന്നിന്‌ പേരാമംഗലം പോലീസ്‌ സ്റ്റേഷനു സമീപത്താണ്‌ അപകടം. അബ്ദു റഹ്‌മാന്‍ മദര്‍ ആസ്‌പത്രിയിലും സുധന്‍ മേനോന്‍ അമല ആസ്‌പത്രിയിലുമാണ്‌ മരിച്ചത്‌. വേലൂര്‍ സ്വദേശി സിത്താര (21), പാവറട്ടി സ്വദേശി ജൈഷ ജോണ്‍സണ്‍ (7), വേലൂര്‍ സ്വദേശിനി രജനി (46) ഒതല്ലൂര്‍ സ്വദേശി സരിത്‌ (20) എന്നിവര്‍ക്കാണ്‌ പരിക്കേറ്റത്‌. ഇവരെ പ്രഥമ ശുശ്രൂഷ
നല്‍കി വിട്ടു.

ഇരിങ്ങപ്പുറത്തുനിന്ന്‌ തൃശ്ശൂരിലേക്ക്‌ പോകുകയായിരുന്നു കാര്‍. അപകടത്തില്‍പ്പെട്ട സ്വകാര്യ ബസ്സ്‌ തൃശ്ശൂരില്‍ നിന്ന്‌ വേലൂരിലേക്ക്‌
പോകുകയായിരുന്നു. മുംതാസാണ്‌ അബ്ദുറഹ്‌മാന്‍റെ ഭാര്യ. മക്കള്‍: അസ്‌ലാം, ബഷീര്‍, വാഹിദ (മൂവരും ദുബായ്‌). ഖബറടക്കം ബുധനാഴ്‌ച തൈക്കാട്‌ ജുമാ മസ്‌ജിദ് ഖബര്‍സ്ഥാനില്‍.

വനജയാണ്‌ സുധന്‍റെ ഭാര്യ. മക്കള്‍: വിനോദ്‌, വിനീത്‌.

തൃശൂര്‍ പുത്തന്‍ചിറ സ്വദേശി ബഹ്റിനില്‍ മരിച്ചു. വീട്ടു ഡ്രൈവറായി ജോലി നോക്കിയിരുന്ന നടുപറമ്പില്‍ ഹനീഫയാണ് മരിച്ചത്. 53 വയസായിരുന്നു. 20 വര്‍ഷമായി ബഹ്റിനില്‍ ജോലി ചെയ്യുന്ന ഹനീഫയ്ക്ക് ഭാര്യയും മൂന്ന് മക്കളുമുണ്ട്

ഷാര്‍ജയില്‍ ഹൃദയാഘാതം മൂലം മലയാളി മരിച്ചു. ആലങ്കാട് അക്കാനത്ത് കൊച്ചൗസേപ്പ് പവിയാനൂസ് ആണ് മരിച്ചത്. 55 വയസായിരുന്നു. ഷാര്‍ജയിലെ കറം ഗ്രൂപ്പിലെ ജീവനക്കാരനായിരുന്നു. മേരിയാണ് ഭാര്യ. രശ്മി, റീമ എന്നിവരാണ് മക്കള്‍.

മലയാളി യുവാവ് ദുബായില്‍ ഹൃദയാഘാതം മൂലം മരിച്ചു. പാലക്കാട് ചെര്‍പ്പുളശേരി സ്വദേശി ശംസുദ്ദീന്‍ മുഹമ്മദ് ഇസ്മായീല്‍ ആണ് മരിച്ചത്. 37 വയസായിരുന്നു. ദുബായ് അല്‍ ശറാവി കമ്പനിയിലെ ഇലക്ട്രിക്കല്‍ ടെക്നീഷ്യനായിരുന്നു. സജ്നയാണ് ഭാര്യ. ഹന, തഹാനി എന്നിവര്‍ മക്കളാണ്. ഖബറടക്കം ഇന്ന് ഉച്ചയ്ക്ക് രണ്ടിന് ദുബായ് സോനാപൂര്‍ ഖബര്‍ സ്ഥാനില്‍ നടക്കുമെന്ന് ബന്ധുക്കള്‍ അറിയിച്ചു.