ഖത്തറില്‍ മലയാളി യുവാവിനെ തൂങ്ങി മരിച്ച നിലയില്‍ കണ്ടെത്തി. തൃശൂര്‍ സ്വദേശി സുരേഷിനെയാണ് റാസ് ലഫാനിലെ കമ്പനി വക താമസ സ്ഥലത്ത് മരിച്ച നിലയില്‍ കണ്ടെത്തിയത്. 32 വയസായിരുന്നു. റാസ് ലഫാനില്‍ ഫോര്‍മാനായി ജോലി ചെയ്യുകയായിരുന്നു സുരേഷ്.

മലയാളി ഹൃദയാഘാതം മൂലം ഷാര്‍ജയില്‍ മരിച്ചു. തിരുവനന്തപുരം വിഴിഞ്ഞം സ്വദേശി റോബര്‍ട്ട് ഗോമസാണ് മരിച്ചത്. 57 വയസ്സായിരുന്നു. ഇംപാക്ട് അഡ്വര്‍ടൈസിംഗ് കമ്പനി ജീവനക്കാരനായിരുന്നു. 30 വര്‍ഷത്തോളം ഗള്‍ഫിലുണ്ടായിരുന്ന റോബര്‍ട്ട് ഗോമസ് ഒരിടവേളയ്ക്കു ശേഷം ഏതാനും മാസം മുന്‍പാണ് നാട്ടില്‍ നിന്നും വീണ്ടും ഗള്‍ഫിലെത്തിയത്. റോസ് മേരിയാണ് ഭാര്യ.
മൃതദേഹം നാട്ടിലേക്ക് കൊണ്ടുപോകാനുള്ള ശ്രമങ്ങള്‍ ആരംഭിച്ചു.

ജിദ്ദയില്‍ വാഹനാപകടത്തില്‍ മലയാളി മരിച്ചു. മലപ്പുറം ഇരുമ്പുഴി സ്വദേശി പറമ്പന്‍ കൊടക്കാട്ടില്‍ സൈഫുദ്ദീന്‍ എന്ന മച്ചുവാണ് മരിച്ചത്. 32 വയസായിരുന്നു. റോഡ് മുറിച്ച് കടക്കുമ്പോള്‍ ഒരു സൗദി പൗരന്‍ ഓടിച്ചിരുന്ന വാഹനം ഇടിക്കുകയായിരുന്നു. ആയിശാബിയാണ് ഭാര്യ. ഒരു കുട്ടിയുണ്ട്.

ഖത്തറില്‍ മലയാളി മരിച്ചു. കഴിഞ്ഞ 30 വര്‍ഷമായി ഖത്തറിലുള്ള കൊടുങ്ങല്ലൂര്‍ സ്വദേശി ടി.കെ അഷ്റഫാണ് മരിച്ചത്. 47 വയസായിരുന്നു. ഭാര്യയും രണ്ട് കുട്ടികളുമുണ്ട്. മൃതദേഹം ഞായറാഴ്ച നാട്ടിലേക്ക് കൊണ്ടുപോവുമെന്ന് ബന്ധുക്കള്‍ അറിയിച്ചു.

എറിയാട് പരേതനായ അയ്യാരില്‍ ചെളുക്കയില്‍ മുഹമ്മദ് കുഞ്ഞിയുടെ ഭാര്യ് ഖദീജ നിര്യാതയായി. 75 വയസ്സായിരുന്നു.

മക്കളായ അബ്ദുള്‍ ലത്തീഫ്, അബ്ദുള്‍ കരീം, സലിം എന്നിവര്‍ യു.എ.ഇ യിലുണ്ട്