വാഹനാപകടത്തില്‍ പരിക്കേറ്റ് അബുദാബി മഫ്റഖ് ആശുപത്രിയില്‍ ചികിത്സയിലായിരുന്ന മലയാളി മരിച്ചു. മാട്ടൂല്‍ സെന്‍ട്രല്‍ കുഞ്ഞഹമ്മദ് ഹാജിയുടെ മകന്‍ കെ.ടി റഫീഖാണ് മരിച്ചത്. 33 വയസായിരുന്നു. റഫീഖ് സഞ്ചരിച്ചിരുന്ന കാര്‍ മറ്റൊരു വാഹനവുമായി കൂട്ടിയിച്ചാണ് അപകടമുണ്ടായത്. സയ്യിദയാണ് ഭാര്യ. ഫാത്തിമ ഏക മകളാണ്. ഒരു സ്വകാര്യ കമ്പനിയില്‍ സെയില്‍സ്മാനായിരുന്നു റഫീഖ്.

സൗദിയിലെ ഖുന്‍ഫുദയില്‍ മലയാളി ഹൃദയാഘാതം മൂലം മരിച്ചു. മലപ്പുറം പടപ്പറമ്പ് വിളഞ്ഞിപ്പുലാന്‍ കുഞ്ഞിമൊയ്തീനാണ് മരിച്ചത്.48 വയസായിരുന്നു. 12 വര്‍ഷമായി സൗദിയിലുള്ള ഇദ്ദേഹത്തിന് ഒരു ലോഡ്ജിലായിരുന്നു ജോലി. ജമീലയാണ് ഭാര്യ. അഞ്ച് മക്കളുണ്ട്.

അബുദാബി മിനിസ്റ്ററി ഓഫ് പ്രസിഡന്‍ഷ്യല്‍ അഫയേഴ്സിലെ പ്രോട്ടോക്കോള്‍ വിഭാഗത്തിലെ ജീവനക്കാരനായിരുന്ന തുപ്പത്ത് കാസിം ഹ്യദയാഘാതത്തെതുടര്‍ന്ന് നിര്യാതനായി.

50 വയസ്സായിരുന്നു.

ഒരുമനയൂര്‍ തൈക്കടവ് സ്വദേശിയായ കാസിം 2 ആഴ്ച മുന്‍പാണ് നാട്ടിലേക്ക് പോയത്.

മകന്‍ ഹാഷിം അബുദാബിയില്‍ ജോലി ചെയ്യുന്നു.

ദുബായില്‍ ജോലിക്കിടെ മലയാളി സ്കഫോള്‍ഡില്‍ നിന്നും വീണു മരിച്ചു. ആലുവ ചുങംവേലി എരുമത്തല മുട്ടന്തോട്ടില്‍ ജോര്‍ജിന്‍റെ മകന്‍ ഷിനോയ് ആണ് മരിച്ചത്. 28 വയസ്സായിരുന്നു. ദുബായ് നോളജ് വില്ലേജിലെ ഒരു കെട്ടിടത്തില്‍ ഗ്ളാസ് വൃത്തിയാക്കുന്നതിനിടെയാണ് ഷിനോയ് സ്കഫോള്‍ഡില്‍ നിന്നും വീണത്.

ജിദ്ദയില്‍ മലയാളി യുവാവ് മരിച്ചു. മലപ്പുറം പുത്തൂര്‍പള്ളിക്കല്‍ സ്വദേശി പാലയില്‍ ചേമ്പട്ടിയില്‍ അബ്ദുല്‍ കരീമാണ് മരിച്ചത്. 39 വയസായിരുന്നു. ബ്രയിന്‍ ട്യൂമര്‍ ബാധിച്ച് ജിദ്ദാ നാഷണല്‍ ആശുപത്രിയില്‍ ചികിത്സയിലായിരുന്നു. 10 വര്‍ഷമായി സൗദിയിലുള്ള ഇദ്ദേഹം പെട്രോമില്‍ കമ്പനിയിലാണ് ജോലി ചെയ്തിരുന്നത്. നിഷാദയാണ് ഭാര്യ. ഷാന, അമല്‍ഷാഫി എന്നിവര്‍ മക്കളാണ്.