ഞായറാഴ്ച ഹൃദയാഘാതം മൂലം മസ്കറ്റില്‍ വെച്ചു മരണ മടഞ്ഞ ചാവക്കാട് കടപ്പുറം പുത്തന്‍ പുരയില്‍ ബീരുണ്ണി യുടെ മകന്‍ അശ്‌റഫ് ഷായുടെ മയ്യിത്ത് നാളെ 11/6/2009 വ്യാഴാഴ്ച്ച കാലത്ത് 11 മണിക്ക് കടപ്പുറം അഞ്ചങ്ങാടി പള്ളി ഖബര്‍സ്ഥാനില്‍ നടത്ത പ്പെടും.
 
– ദാവൂദ് ഷാ

താഴത്തു വടകര പണിക്കരു വീട്ടില്‍ പരേതനായ പി. ജി. ഐപ്പിന്റെ (ഉണ്ണിക്കുഞ്ഞ്) ഭാര്യ ഏലിയാമ്മ (കുഞ്ഞമ്മ – 84) നിര്യാതയായി. പുല്ലാട് പുല്ലാവള്ളിയില്‍ കുടുംബാംഗമാണ്. മക്കള്‍ : അമ്മിണി, ആലീസ്, വത്സ, ജെസി. മരുമക്കള്‍: ചന്ദനപ്പള്ളി മേലേതില്‍ എം. ഒ. ചെറിയാന്‍ (അബുദാബി), വാളക്കുഴി കൈനാടത്ത് ലാലു തോമസ് (കുവൈറ്റ്), വെണ്ണിക്കുളം വലിയ പറമ്പില്‍ വി. എ. ജേക്കബ് (അബുദാബി), മുണ്ടത്താനം കല്ലറയ്ക്കല്‍ ജോര്‍ജ് തോമസ് (മസ്കറ്റ്).
 
– അഭിജിത് പാറയില്‍, എരവിപേരൂര്‍

ചാവക്കാട് കടപ്പുറം ആശുപത്രിപടിക്ക് സമീപം താമസിക്കുന്ന പരേതനായ പുത്തന്‍ പുരയില്‍ ബീരുണ്ണിയുടെ മകന്‍ അഷറഫ് ഷാ (41) മസ്ക്കറ്റില്‍ വെച്ച് ഹൃദയാഘാതം മൂലം മരണപ്പെട്ടു. പരേതയാ‍യ എടശ്ശേരി നഫീസ മാതവും, മന്ദലാംകുന്ന് സ്വദേശി റഹ്മത്ത് ഭാര്യയുമാണ്. നാല് മക്കളുണ്ട്. ഔദ്യോഗിക നടപടി ക്രമങ്ങള്‍ പൂര്‍ത്തിയാക്കി മയ്യത്ത് നാട്ടില്‍ ഖബറടക്കുമെന്ന് റിയാദിലുള്ള സഹോദരീ പുത്രന്‍ ഇഖബാല്‍ പറഞ്ഞു. അബൂദാബിയിലുള്ള മുഹമൂദ്ഷാ ഏക സഹോദരനും പൂവി, ഷരീഫ, സുബൈദ, പരേതരായ മുംതാസ്, ഫാത്തിമ എന്നിവര്‍ സഹോദരിമാരുമാണ്.
 
– ദാവൂദ് ഷാ

ഷാര്‍ജയില്‍ മലയാളി ഹൃദയാഘാതം മൂലം മരിച്ചു. കാസര്‍ക്കോട് ഉദുമ ബലക്കാട് അബ്ദുല്ലയുടെ മകന്‍ അബ്ദുല്‍ റസാക്ക് ആണ് മരിച്ചത്. 35 വയസായിരുന്നു. സക്കീനയാണ് ഭാര്യ. മൂന്ന് മക്കളുണ്ട്.

ദുബായ് ഷേഖ് സായിദ് റോഡില്‍ വെള്ളിയാഴ്ച്ച പുലര്‍‍‍ച്ചെ ഉണ്ടായ വാഹനാപകടത്തില്‍ രണ്ട് സൗദി സ്വദേശികള്‍ മരിച്ചു. വാഹനമോടിച്ച സൗദി പൗരനും അദേഹത്തിന്‍റെ കൂടെയുണ്ടായിരുന്ന പെണ്‍കുട്ടിയുമാണ് മരിച്ചത്. ഇവരോടൊപ്പം ഉണ്ടായിരുന്ന ഒരാളെ ഗുരുതരമായ പരിക്കുകളോടെ ആശുപത്രിയില്‍ പ്രവേശിപ്പിച്ചു. ഇവര്‍ ഓടിച്ചിരുന്ന വാഹനം നിയന്ത്രണം വിട്ട് നിര്‍ത്തിയിട്ടിരുന്ന മറ്റൊരു വാഹനത്തില്‍ ഇടിക്കുകയായിരുന്നു. ഈ വാഹനത്തില്‍ ആരും ഉണ്ടായിരുന്നില്ല. ഉയര്‍ന്ന പോലീസ് ഉദ്യോഗസ്ഥര്‍ സ്ഥലത്തെത്തി തെളിവെടുത്തു.