 |
 |
 |
 |
 |
 |
 |
 |
 |
 |
 |
 |
 |
 |
ഷാര്‍ജയില്‍ ഹൃദയാഘാതം മൂലം മരിച്ച ബി. സുദീപിന്‍റെ മൃതദേഹം ഇന്ന് നാട്ടിലേക്ക് കൊണ്ടു പോകും. 45 വയസായിരുന്നു. ഉഷാ കുമാരിയാണ് ഭാര്യ. ആതിര, ആരതി എന്നിവരാണ് മക്കള്‍. മൃതദേഹം ഇന്ന് ഉച്ചയ്ക്ക് 12 ന് ദുബായ് സോണാപൂരിലെ മക്തൂം ക്ലിനിക്കില്‍ മൃതദേഹം പൊതു ദര്‍ശനത്തിന് വയ്ക്കും.
-
ചാവക്കാട് ആശുപത്രി പ്പടിക്ക് സമീപം അനു ഗ്യാസ്‌ ഏജന്‍സിക്ക് അടുത്ത് താമസിക്കുന്ന നാലകത്ത് ഹംസയുടെ മകന്‍ മുഹമ്മദ് റഫീക്ക്‌ (39), ഇന്ന് (ചൊവ്വ) പുലര്‍ച്ചെ ഷാര്‍ജയില്‍ വെച്ച് മരണപ്പെട്ടു. ദുബായ് എയര്‍പോര്‍ട്ടില്‍ ജോലി ചെയ്തു വരികയായിരുന്നു. ഭാര്യ കുഞ്ഞു മോള്‍. മൂന്നു ആണ്മക്കളും ഒരു പെണ്‍കുട്ടിയും ഉണ്ട്. കുടുംബ സമേതം ഷാര്‍ജ യിലായിരുന്നു. റാനൂഫ്‌ , റാനീഷ്‌ എന്നിവര്‍ സഹോദരങ്ങള്‍ ആണ്. ഖബറടക്കം നാട്ടില്‍ നടക്കുമെന്ന് ബന്ധുക്കള്‍ അറിയിച്ചു. ചാവക്കാട് എം. ആര്‍. ആര്‍. എം. ഹൈസ്കൂളിലും, കുന്നംകുളം യൂനിക്‌ കോളേജിലും വിദ്യാഭ്യാസം പൂര്‍ത്തിയാക്കിയ മുഹമ്മദ് റഫീക്ക്‌, പതിനഞ്ചു വര്‍ഷത്തോളമായി ദുബായില്‍ ആയിരുന്നു.
– പി. എം. അബ്ദുല്‍ റഹിമാന്‍, അബു ദാബി
- ജെ.എസ്.
മലയാളി യുവാവ് അബുദാബിയില്‍ വാഹനമിടിച്ച് മരിച്ചു. കാഞ്ഞങ്ങാട് പരപ്പ കമ്മാടം ബാനം റോഡിലെ പാടിക്കമുറിയില്‍ അബ്ദുല്‍ റഷീദ് ആണ് മരിച്ചത്. 25 വയസായിരുന്നു. അവിവാഹിതനാണ്. ഫര്‍സാന സൂപ്പര്‍മാര്‍ക്കറ്റ് ജീവനക്കാരനായ അബ്ദുല്‍ റഷീദ് സാധനങ്ങള്‍ വിതരണം ചെയ്യാന്‍ സ്കൂട്ടറില്‍ പോകുമ്പോള്‍ സ്വദേശി ഓടിച്ചിരുന്ന കാറിടിക്കുകയായിരുന്നു.
-
ദുബായ് കെ. എം. സി. സി., വായനക്കൂട്ടം, സര്‍ഗ്ഗ ധാര എന്നീ സംഘടനകളുടെ സജീവ പ്രവര്‍ത്തകനും കവിയുമായ അബ്ദുള്ള ക്കുട്ടി ചേറ്റുവയുടെ പിതാവ് എന്‍. പി. കുഞ്ഞു മുഹമ്മദ് ഹാജി (68) മരണമടഞ്ഞു. ചേറ്റുവ പാലത്തിനു സമീപം ഇന്നലെ രാത്രി ഉണ്ടായ വാഹന അപകടത്തില്‍ ആയിരുന്നു മരണം സംഭവിച്ചത്. മത പണ്ഡിതനും ചേറ്റുവ ഖത്തീബും ആയിരുന്ന ആലി മുസ്ല്യാരുടെ മരുമകനും പി. കെ. ഹമീദ് സാഹിബിന്റെ മകനും ആയ എന്‍. പി. കുഞ്ഞു മുഹമ്മദ് ദീര്‍ഘ കാലം ദുബായില്‍ ബിസിനസ് ചെയ്തിരുന്നു. ഏക മകന്‍ ആണ് അബ്ദുള്ള കുട്ടി. ദുബായ് കെ. എം. സി. സി. വൈസ് പ്രസിഡണ്ട് ഉബൈദ് ചേറ്റുവ അദ്ദേഹത്തിന്റെ അളിയനാണ്. അബ്ദുസ്സലാം, സഫൂറ എന്നീ സഹോദരങ്ങള്‍ ഉണ്ട്.
- ജെ.എസ്.
തിരുവനന്തപുരം ജില്ലയിലെ കഠിനം‌കുളം സ്വദേശി എഡ്വിന്‍ പരേര (70) ഇന്ന് രാവിലെ മരണപ്പെട്ടു. ഫ്രണ്ട്സ് ഓഫ് കേരള ശാസ്ത്ര സാഹിത്യ പരിഷദ് യു. എ. ഇ. നിര്‍വ്വാഹക സമിതി അംഗവും, അബുദാബി കേരള സോഷ്യല്‍ സെന്ററിന്റെ സജീവ പ്രവര്‍ത്തകനുമായ ഇ. പി. സുനില്‍ മകനാണ്. ഖത്തറില്‍ ജോലി ചെയ്യുന്ന വിമല്‍ അടക്കം എട്ട് മക്കളുണ്ട്.
സംസ്ക്കാരം നാളെ (വ്യാഴം) രാവിലെ പുതുക്കുറിശ്ശി സെന്റ് മൈക്കിള്‍ പള്ളി സെമിത്തേരിയില്‍ നടക്കും.
– പി. എം. അബ്ദുല്‍ റഹിമാന്‍, അബുദാബി
- ജെ.എസ്.
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
