ചാവക്കാട്‌: ദേശീയ പാതയില്‍ തിരുവത്രയില്‍ നിന്ന് മന്ദലാം കുന്നത്തേക്ക് ഭര്‍ത്താവുമൊത്ത് ബൈക്കില്‍ പോകുക യായിരുന്ന മന്ദലാം കുന്ന്‌ പണിക്ക വീട്ടില്‍ ഹാരിസിന്റെ ഭാര്യ സൌജ (28) അപകടത്തില്‍ മരിച്ചു. ശനിയാഴ്‌ച രാത്രി എടക്കഴിയൂര്‍ നാലാം കല്ലില്‍ വെച്ച്‌ ഭര്‍ത്താവും മകനുമായി ബൈക്കില്‍ യാത്ര ചെയ്യുന്നതി നിടെയാണ്‌ അപകടം. യാത്രക്കിടെ ഷാള്‍ പിന്നിലെ ചക്രത്തില്‍ കുടുങ്ങിയാണ് അപകടമുണ്ടായത്. ഗുരുവായൂര്‍ രാജ ആശുപത്രിയി ലെത്തിച്ചെങ്കിലും അവിടെ നിന്നും അശ്വിനി യിലെത്തി ക്കാനുള്ള യാത്രക്കിടെ മരണം സംഭവിച്ചു. തിരുവത്ര സ്വദേശികളായ മൊയ്തീന്‍ കുഞ്ഞി നഫീസ കുട്ടി ദമ്പതികളുടെ രണ്ടാമത്തെ മകളാണ്.

മണത്തല ജുമാ‍അത്ത് കമ്മിറ്റി മെംബറും പൊതു പ്രവര്‍ത്തകനുമായ കെ. സി. ഹംസ(65) നിര്യാതനായി. ശനിയാഴ്ച രാത്രി ഹൃദയ സ്തംഭനത്തെ തുടര്‍ന്നായിരുന്നു അന്ത്യം. ദീര്‍ഘ കാലം ഖത്തറില്‍ ബിസിനസ്സ് ചെയ്തിരുന്നു. നഫീസയാണ് ഭാര്യ. ദോഹ ബാങ്കില്‍ ജോലി ചെയ്യുന്ന ഖമറുദ്ദീന്‍, ഹാജറ എന്നിവരാണ് മക്കള്‍. അബുദാബിയിലെ ബാച്ച് ചാവക്കാട് ട്രഷറര്‍ ബഷീര്‍ കുറുപ്പത്ത്,
മ്യൂസിക് കമ്പോസര്‍ നൌഷാദ് ചാവക്കാട്, ഖത്തര്‍ ടൊയോട്ട യിലെ കെ. സി. മുസ്തഫ എന്നിവര്‍ അനന്തിരവന്‍മാരാണ്. ഖബറടക്കം മണത്തല പള്ളി ഖബര്‍സ്ഥാനില്‍ നടന്നു.

– പി. എം. അബ്ദുല്‍ റഹിമാന്‍, അബുദാബി

അജ്മാനില്‍ മലയാളി കുഴഞ്ഞ് വീണ് മരിച്ചു. ആലപ്പുഴ കൊടച്ചനാട് മുണ്ടക്കല്‍ ഭാര്‍ഗവന്‍ പിള്ളയുടെ മകന്‍ ജയദേവന്‍ ആണ് മരിച്ചത്. 44 വയസായിരുന്നു. അജ്മാന്‍ സനിയ്യയിലെ ഫ്ലാറ്റില്‍ കുഴഞ്ഞു വീണ് മരിക്കുകയായിരുന്നു. കലയാണ് ഭാര്യ. വിദ്യാര്‍ത്ഥികളായ ആദിത്യ, അഭിരാമി എന്നിവരാണ് മക്കള്‍. ദുബായിലെ മോട്ടീവേറ്റീവ് പബ്ലിംഷിംഗ് കമ്പനിയില്‍ പ്രൊഡക്ഷന്‍ എക്സികുട്ടീവ് ആയി ജോലി ചെയ്യുകയായിരുന്നു. ഒന്‍പത് വര്‍ഷമായി യു.എ.ഇയിലുണ്ട്.

അലൈനില്‍ ജോലി സ്ഥലത്തുണ്ടായ അപകടത്തില്‍ ഒരു മലയാളി അടക്കം രണ്ട് പേര്‍ മരിച്ചു. ഒരാള്‍ക്ക് പരിക്കേറ്റു. മലപ്പുറം എടരിക്കോട്, ക്ലാരി, പണിക്കര്‍പടി കുളത്തുമാട്ടില്‍ മൊയ്തീന്‍കുട്ടിയും സിറിയക്കാരനായ എഞ്ചീനീയര്‍ ബസാംമുമാണ് മരിച്ചത്. ഡ്രെയിനേജ് മെക്കാനിക്കല്‍ ജോലിക്കാരായ ഇവര്‍
വേസ്റ്റ് വാട്ടര്‍ ഗട്ടറില്‍ നിന്നുള്ള വാതകം ശ്വസിക്കുകയായിരുന്നു. ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനമായില്ല. ഇന്ന് വൈകുന്നേരം അഞ്ചോടെയായിരുന്നു അപകടം. അലി സയ്യിദ് എന്ന ഈജിപ്റ്റുകാരന്‍ പരിക്കുകളോടെ അലൈന്‍ ഗവണ്‍മെന്‍റ് ആശുപത്രിയില്‍ ചികിത്സയിലാണ്. ഫൗസിയയാണ്36 വയസുള്ള മൊയ്തീന്‍ കുട്ടിയുടെ ഭാര്യ. രണ്ട് മക്കളുണ്ട്. കഴിഞ്ഞ 13 വര്‍ഷമായി അലൈനില്‍ ജോലിക്കാരനാണ്.

ഇന്ത്യന്‍ വംശജനും ഒമാനി പൗരനുമായ നവീന്‍ ഷാ മുംബൈയില്‍ നിര്യാതനായി. 69 വയലായിരുന്നു.
ഒമാനിലെ പ്രമുഖ വ്യാപാര സ്ഥാപനമായ ഷാ നഗാര്‍ഡ്സ് കമ്പനി മാനേജിംഗ് ഡയറക്ടര്‍ ആയിരുന്ന നവീന്‍ ഷാ കരള്‍ സംബന്ധമായ അസുഖത്തെ തുടര്‍ന്ന് മുംബൈയില്‍ ചികിത്സയിലായിരുന്നു. കഴിഞ്ഞ 50 വര്‍ഷത്തോളമായി ഒമാനിലെ വ്യാപാര രംഗത്ത് സജീവ സാനിധ്യമായിരുന്നു ഇദ്ദേഹം.