ചേറ്റുവ: ചേറ്റുവ രായംമരക്കാര്‍ വീട്ടില്‍ മൊയ്തുണ്ണി ഹാജി (80) നിര്യാതനായി. ഭാര്യ: ആച്ചു. മക്കള്‍: സുബൈദ, മുസ്തഫ (ബഹ്റൈന്‍), ഷംസു, താഹിറ, സിദ്ദീഖ്, അക്ബര്‍ (ഇരുവരും ബഹ്റൈന്‍). മരുമക്കള്‍: അലിമോന്‍, സുഹറ, നദീറ, യൂസഫ്, സുമയ്യ, ജെസി.
 
– മൊഹമദ് യാസീന്‍ ഒരുമനയൂര്‍
 
 

ഹൃദസംബന്ധമായ അസുഖം മൂലം മലയാളി ദുബായില്‍ മരിച്ചു. കോഴിക്കോട് അരീക്കാട് ദേവദാസ് യു.പി സ്കൂളിനു സമീപം ബൈത്തുല്‍ ഖദീശിബയില്‍ വി.പി.ഇസ്മായിലാണ് മരിച്ചത്. 54 വയസ്സായിരുന്നു. മൃതദേഹം നാളെ വെളിപ്പിന് 3.30ന് ദുബായില്‍ നിന്നും കോഴിക്കോട്ടേയ്ക്ക് പുറപ്പെടുന്ന എമിറേറ്റ്സ് വിമാനത്തില്‍ നാട്ടിലെത്തിക്കുമെന്ന് ബന്ധപ്പെട്ടവര്‍ അറിയിച്ചു. പരേതയായ സാബിറയാണ് ഭാര്യ. മൂന്ന് മക്കളുണ്ട്.

സൗദിയിലുണ്ടായ വാഹനാപകടത്തില്‍ മലയാളികളായ അമ്മയും മകളും മരിച്ചു. കൊല്ലം ജില്ലയിലെ മടത്തറ, കൊച്ചുകലുങ്ക് സ്വദേശി തനിമയില്‍ അസ്ലം കൊച്ചുകലുങ്കിന്‍റെ ഭാര്യ ഷീജയും 11 വയസ്സുള്ള മകള്‍ ഹസ്നയുമാണ് മരിച്ചത്. മൂത്ത മകള്‍ തസ്നിയെ പരിക്കുകളോടെ ആശുപത്രിയില്‍ പ്രവേശിപ്പിച്ചിരിക്കുകയാണ്.

നാട്ടിലേക്ക് വരാന്‍ ബുറൈദയില്‍ നിന്നും റിയാദ് വിമാനത്താവളത്തിലേക്ക് വരുംവഴി മജ്മയില്‍ വച്ചാണ് അപകടമുണ്ടായത്. ഗള്‍ഫ് മാധ്യമം റിപ്പോര്‍ട്ടറാണ് അസ്ലം കൊച്ചുകലുങ്ക്.

വെഞ്ഞാറമൂട് ആലുംതറ വാറുവിള വീട്ടില്‍ പരേതനായ പരമേശ്വരന്‍ എന്നവരുടെ ഭാര്യ പാറുക്കുട്ടിയമ്മ(76) ബുധനാഴ്ച വൈകീട്ട് മരണപ്പെട്ടു.

കേരളാ സോഷ്യല്‍ സെന്‍റ്റര്‍, അബുദാബി ശക്തി തിയ്യറ്റേഴ്സ്, വെണ്മ യു. എ. ഇ. എന്നീ സംഘടനകളുടെ സജീവ പ്രവര്‍ത്തകന്‍ രാജേന്ദ്രന്‍ വെഞ്ഞാറമൂട് അടക്കം ആറു മക്കളുണ്ട്.

ശവ സംസ്കാര കര്‍മ്മം ഇന്നു രാവിലെ വീട്ടു വളപ്പില്‍ നടക്കും

ജിദ്ദയില്‍ മലയാളി ഹൃദയാഘാതം മൂലം മരിച്ചു. മലപ്പുറം കൊണ്ടോട്ടി ചിറയില്‍ ചുങ്കം സ്വദേശി പുളിക്കത്തൊടി അഹമ്മദ് കുട്ടിയാണ് മരിച്ചത്. 46 വയസായിരുന്നു.

10 വര്‍ഷമായി സൗദില്‍ ജോലി ചെയ്യുന്നു. സഹീദയാണ് ഭാര്യ. ഇര്‍ഫാന, ഇഹ്സാന, സഹ് ല, മുഹമ്മദ് റാഷിദ്, തസ്നി എന്നിവരാണ് മക്കള്‍.