കഴിഞ്ഞ ആഴ്ച മക്കയിലുണ്ടായ വാഹനാപകടത്തില്‍ പരിക്കേറ്റ് ചികിത്സയിലായിരുന്ന മലയാളി വീട്ടമ്മ മരിച്ചു. നിലമ്പൂര്‍ വടപുറം സ്വദേശി ഇല്ലിക്കല്‍ നൗഷാദിന്‍റെ ഭാര്യ ഷക്കീലയാണ് മരിച്ചത്. ഇതോടെ ഈ അപകടത്തില്‍ മരിച്ചവരുടെ എണ്ണം മൂന്നായി. ഷക്കീലയുടെ മക്കളായ മിഷീല്‍, ഫാത്തിമ എന്നിവര്‍ അപകട സ്ഥലത്ത് വച്ച് തന്നെ മരിച്ചിരുന്നു.

റോഡരികില്‍ സംസാരിച്ച് നില്‍ക്കവേ നിയന്ത്രണം വിട്ട് പാഞ്ഞുവന്ന വാഹനമിടിച്ച്തിരൂര്‍ സ്വദേശി റാസല്‍ഖൈമയില്‍ മരിച്ചു. തിരൂര്‍ കട്ടച്ചിറ വാണിഭപീടിയേക്കല്‍ മുഹമ്മദ് ഹനീഫയാണ് മരിച്ചത്. 40 വയസായിരുന്നു.

കഫറ്റീരിയ ജീവനക്കാരനാണ്. റഹ്മത്തുന്നീസയാണ് ഭാര്യ. മാജിദ, ഫാരിസ്, ഹാജിന എന്നിവരാണ് മക്കള്‍. നാല് വര്‍ഷമായി റാസല്‍ഖൈമയില്‍ ഉള്ള ഇദ്ദേഹം രണ്ടാഴ്ച മുമ്പാണ് നാട്ടില്‍ പോയി തിരിച്ചെത്തിയത്.

ആറ്റിങ്ങല്‍ വക്കം പറമ്പില്‍ വീട്ടില്‍ പുരുഷോത്തമന്‍റെ മകന്‍ ചന്ദ്രബോസ് ഷാര്‍ജയില്‍ നിര്യാതനായി. 55 വയസായിരുന്നു. റോഡ് മുറിച്ച് കടക്കവേ വാഹനമിടിക്കുകയായിരുന്നു. യമുനയാണ് ഭാര്യ. രണ്ട് കുട്ടികളുണ്ട്. 30 വര്‍ഷമായി യു.എ.ഇയിലുള്ള ചന്ദ്രബോസ് ഷാര്‍ജ അല്‍ ഖാസ്മി ആശുപത്രി ജീവനക്കാരനായിരുന്നു.

അബുദാബി മുസഫയില്‍ വാഹനമിടിച്ച് മലയാളി മരിച്ചു. കിളിമാനൂര്‍ കടമുക്ക് രോഹിണിയില്‍ സോമന്‍റെ മകന്‍ സുമേഷ് ആണ് മരിച്ചത്. 37 വയസായിരുന്നു. ട്രക്ക് ഡ്രൈവറായ സുമേഷ് ട്രക്ക് റോഡരികില്‍ നിര്‍ത്തി ഇറങ്ങിയ സമയത്ത് മറ്റൊരു ട്രക്ക് വന്നിടിക്കുകയായിരുന്നു. രാജിയാണ് ഭാര്യ. ലക്ഷ്മിയാണ് മകള്‍.

കഴിഞ്ഞ ദിവസം മക്കയില്‍ മലയാളി കുടുംബം സഞ്ചരിച്ചിരുന്ന കാര്‍ അപകടത്തില്‍പ്പെട്ട് മരിച്ച രണ്ട് കുട്ടികളുടെ മൃതദേഹങ്ങള്‍ ഇന്ന് സംസ്ക്കരിക്കും. രാവിലെ മക്കയിലാണ് സംസ്ക്കാരം നടക്കുക. നിലമ്പൂര്‍ വടപുറം ഇല്ലിക്കല്‍ നൗഷാദിന്‍റെ മക്കളായ മിഷാല്‍, ഫാത്തിമ എന്നിവരാണ് ജിദ്ദയില്‍ നിന്നും ത്വാഇഫിലേക്കുള്ള യാത്രാമദ്ധ്യേ ഉണ്ടായ അപകടത്തില്‍ മരിച്ചത്. അപകടത്തില്‍ പരിക്കേറ്റ നൗഷാദിന്‍റെ ഭാര്യ ഷക്കീലയുടെ ആരോഗ്യസ്ഥിതി ഗുരുതരമായി തന്നെ തുടരുകയാണ്.