ചാവക്കാട് : ചലച്ചിത്ര നിര്‍മ്മാതാവും ബിസിനസ്സു കാരനുമായ മണവാളന്‍ അബു എന്ന എന്‍. പി. അബു (73) അന്തരിച്ചു. നവംബര്‍ 8 ചൊവ്വാഴ്ച വൈകീട്ട് 5.30നാണ് അന്ത്യം സംഭവിച്ചത്. പ്രിയ ഫിലിംസ് ബാനറില്‍ ദ്വീപ്, പ്രിയ, അണിയാത്ത വളകള്‍, വിസ തുടങ്ങിയ സിനിമകള്‍ നിര്‍മ്മിച്ച അബൂബക്കര്‍, എന്‍. പി. അബു എന്ന പേരില്‍ ചലച്ചിത്ര വൃത്തങ്ങളില്‍ ശ്രദ്ധേയനായി. നാട്ടുകാര്‍ക്ക് അദ്ദേഹം മണവാളന്‍ അബു ആയിരുന്നു.
ഒരുമനയൂര്‍ കിണര്‍ സ്റ്റോപ്പിന് സമീപം നാലകത്ത് പടുവിങ്കല്‍ മമ്മദ്‌ – കയ്യുമ്മ ദമ്പതികളുടെ മകനാണ്. ഒരു മാസമായി ഹൃദയ സംബന്ധമായ അസുഖത്തെ ത്തുടര്‍ന്ന് ചികിത്സയില്‍ ആയിരുന്നു.
ഭാര്യ : സുഹറ. മക്കള്‍ : റഫീഖ്, ഫൈസല്‍, ഷബാന. മരുമക്കള്‍ : റസിയ, സബീന, നൗഷാദ് (അജ്മാന്‍).
എന്‍. പി. അബുവും സഹോദരന്‍ എന്‍. പി. ഖാദറും
എന്‍. പി. അബു ആശുപത്രി യില്‍ മരിച്ച വിവരം അറിഞ്ഞ് സഹോദരനായ നാലകത്ത് പടുവിങ്കല്‍ ഖാദറും (71) കുഴഞ്ഞു വീണ് മരിച്ചു. സഹോദര ന്മാരുടെ ഖബറടക്കം ബുധനാഴ്ച, ഒരുമനയൂര്‍ തൈക്കടവ് ജുമാഅത്ത് പള്ളി ഖബര്‍സ്ഥാനില്‍ നടന്നു.
ചാവക്കാട് : തൃശൂര്‍ ചാവക്കാട് സ്വദേശി മദീനയില്‍ വെച്ച് ഹൃദയാ ഘാതത്തെ തുടര്‍ന്ന് മരിച്ചു. ചാവക്കാട് തെക്കന്‍ പാലയൂര്‍ അമ്പലത്തു വീട്ടില്‍ എ. വി. അലിക്കുട്ടി യാണ് (63) മരിച്ചത്. ഒക്ടോബര്‍ 27 വ്യാഴാഴ്ച രാവിലെ മദീനയിലെ താമസ സ്ഥലത്ത്‌ ചായകുടിച്ചു കൊണ്ടിരിക്കുമ്പോള്‍ പെട്ടെന്ന് കുഴഞ്ഞു വീഴുക യായിരുന്നു എന്നറിയുന്നു. ഈ മാസം 6 ന് ഭാര്യ യുമൊത്ത് അലിക്കുട്ടി സ്വകാര്യ ഹജ്ജ് ഗ്രൂപ്പിന്‍റെ കീഴില്‍ പരിശുദ്ധ ഹജ്ജ് കര്‍മ്മം നിര്‍വഹിക്കാന്‍ പോയതായിരുന്നു. ഖബറടക്കം മദീനയില്‍ നടത്തി.
