 |
 |
 |
 |
 |
 |
 |
 |
 |
 |
 |
 |
 |
 |
ഒളിമ്പ്യന്‍മാരായ ഷൈനി വില്‍സണ്‍, ഗുരുബച്ചന്‍സിംഗ് രണ്‍‍ധാവ എന്നിവരെ ഖത്തറിലെ ഇന്ത്യന്‍ കള്‍ച്ചറല്‍ സെന്ററിന്റെ ആഭിമുഖ്യത്തില്‍ ആദരിച്ചു. ഇന്ത്യന്‍ കായിക രംഗത്തിന് ഇരുവരും നല്‍കിയ സംഭാവനകളെ മാനിച്ചാണ് ആദരിക്കല്‍ ചടങ്ങ് സംഘടിപ്പിച്ചത്. ദോഹയില്‍ നടന്ന ചടങ്ങില്‍ ഖത്തറിലെ ഇന്ത്യന്‍ അംബാസഡര്‍ ഡോ. ജോര്‍ജ്ജ് ജോസഫ്, എംബസിയിലെ ഉന്നത ഉദ്യോഗസ്ഥര്‍, വിവിധ പ്രവാസി സംഘടനാ ഭാരവാഹികള്‍ എന്നിവര്‍ പങ്കെടുത്തു.
-
ദമാമിലെ ഇന്ത്യന്‍ കള്‍ച്ചറല്‍ വെല്‍ഫെയര്‍ സൊസൈറ്റി കുടുംബ സംഗമം നടത്തി. ഇന്ത്യന്‍ സ്കൂള്‍ പ്രിന്‍സിപ്പല്‍ ഇ.കെ മുഹമ്മദ് ഷാഫി ഉദ്ഘാടനം ചെയ്തു. ചിത്ര രചനാ മത്സര വിജയികളേയും സാമൂഹ്യ പ്രവര്‍‍ത്തകരേയും ചടങ്ങില്‍ ആദരിച്ചു. അബ്ദുല്ല നസീര്‍, ജോണ്‍ തോമസ്, നസീര്‍ തുടങ്ങിയവര്‍ പ്രസംഗിച്ചു. വിവിധ കലാപരിപാടികളും അരങ്ങേറി.
-
തിരുമുറ്റം അക്ഷരക്കൂട്ടം അടുത്ത മാസം മൂന്നിന് ദോഹ ഇന്ത്യന്‍ കള്‍ച്ചറല്‍ സെന്‍ററില്‍ നടക്കുമെന്ന് സംഘാടകര്‍ അറിയിച്ചു. താല്‍പര്യമുള്ളവര്‍ക്ക് പരിപാടിയില്‍ കഥകളും കവിതളും അവതരിപ്പിക്കാം.
മികച്ച സൃഷ്ടികള്‍ക്ക് സര്‍ട്ടിഫിക്കറ്റുകള്‍ നല്‍‍കും. ദോഹയിലെ പ്രശസ്ത എഴുത്തുകാരും പരിപാടിയില്‍ സംബന്ധിക്കും.
-
ജിദ്ദയില്‍ ഐ.ഡി.സിയുടെ ആഭിമുഖ്യത്തില്‍ ഇസ്ലാമിക സംഗീത സന്ധ്യ സംഘടിപ്പിച്ചു. ഐഡിസുടെ ദശവാര്‍ഷിക ആഘോഷങ്ങളുടെ ഭാഗമായിട്ടായിരുന്നു പരിപാടി. കെ.എ.കെ ഫൈസി ഉദ്ഘാടനം ചെയ്തു. എം.എസ് അലി, ജമാല്‍ പാഷ, സലീം നിലമ്പൂര്‍, മഷൂദ് തങ്ങള്‍, ഹാരിസ് മോങ്ങം തുടങ്ങിയവരുടെ നേതൃത്വം നല്‍കി.
-
സൗദിയിലെ മാധ്യമ പ്രവര്‍ത്തകരെ റിയാദ് കണ്ണൂര്‍ ജില്ലാ കെ.എം.സി.സി ആദരിക്കുന്നു. ഏഷ്യാനെറ്റ് പ്രതിനിധി ജലീല്‍ കണ്ണമംഗലം, മലയാളം ന്യൂസ് റിപ്പോര്‍ട്ടര്‍ കെ.യു ഇഖ്ബാല്‍, ചന്ദ്രികയിലെ റഫീഖ് ഹസന്‍ വെട്ടത്തൂര്‍, ബഷീര്‍ പാങ്ങോട്, നജീം കൊച്ചുകലുങ്ക് എന്നിവരെയാണ് ആദരിക്കുന്നത്. ഏപ്രീല്‍ 14 ന് റിയാദില്‍ നടക്കുന്ന ചടങ്ങില്‍ കേന്ദ്രമന്ത്രി ഇ.അഹമ്മദ് പുരസ്ക്കാരങ്ങള്‍ വിതരണം ചെയ്യും. ഇന്ത്യന്‍ അംബാസഡര്‍ എം.ഒ.എച്ച് ഫാറൂഖ് പരിപാടിയില്‍ സംബന്ധിക്കും.
-
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
