 |
 |
 |
 |
 |
 |
 |
 |
 |
 |
 |
 |
 |
 |
യു.എ.ഇയിലെ സ്കുളുകള്‍ക്ക് നവംബര്‍ ഒന്ന് ശനിയാഴ്ച പ്രവര്‍ത്തി ദിവസമായിരിക്കുമെന്ന് വിദ്യാഭ്യാസ മന്ത്രാലയം അറിയിച്ചു. വരാനിരിക്കുന്ന ഈദ് അവധി ദിനങ്ങള്‍ കണക്കിലെടുത്താണ് ശനിയാഴ്ചയിലെ പ്രവര്‍ത്തി ദിനമാക്കുന്നതെന്നും മന്ത്രാലയ അധികൃതര്‍ വിശദീകരിച്ചു. രാജ്യത്തെ ഉന്നത വിദ്യാഭ്യാ സ്ഥാപനങ്ങള്‍ക്കും ശനിയാഴ്ച പ്രവര്‍ത്തി ദിനമായിരിക്കും.
-
ഷാര്‍ജയില്‍ നിന്നും ദുബായിലേക്കുള്ള ഏറ്റവും കുറഞ്ഞ ടാക്സി നിരക്ക് 20 ദിര്‍ഹമാക്കിയതിനു പിന്നാലെ ദുബായില്‍ നിന്ന് ഷാര്‍ജയിലേക്കുള്ള നിരക്കും കുത്തനെ കൂട്ടുന്നു. ദുബായില്‍ നിന്ന് ഷാര്‍ജയിലേക്കുള്ള ഏറ്റവും കുറഞ്ഞ ടാക്സി നിരക്കും 20 ദിര്‍ഹമായി തന്നെയാണ് ഉയര്‍ത്തുകയെന്ന് റോഡ്സ് ആന്‍ഡ് ട്രാന്‍സ്പോര്‍ട്ട് അഥോറിറ്റി അധികൃതര്‍ അറിയിച്ചു.
എന്നാല്‍ എന്നുമുതലായിരിക്കും ഇത് നിലവില്‍ വരുകയെന്ന് വ്യക്തമാക്കിയിട്ടില്ല. ഡിസംബര്‍ ഒന്നുമുതല്‍ ഷാര്‍ജയില്‍ നിന്നുള്ള ടാക്സി നിരക്ക് ഉയര്‍ത്തുമെന്ന വിവരം ഇന്നലെയാണ് പുറത്തുവന്നത്.
-
ദര്‍ശന അബുദാബിയുടെ ആഭിമുഖ്യത്തില്‍ കുട്ടികള്‍ക്കായി കളിയരങ്ങ് സംഘടിപ്പിയ്ക്കുന്നു. ഒക്ടോബര്‍ 31 വെള്ളിയാഴ്ച രാവിലെ ഒന്‍പത് മണി മുതല്‍ വൈകീട്ട് ആറ് മണി വരെ അബുദാബി മലയാളി സമാജത്തില്‍ വെച്ചായിരിയ്ക്കും ഈ ക്യാമ്പ് നടക്കുക. കുട്ടികളുടെ സര്‍ഗ്ഗ വാസനകള്‍ ഉണര്‍ത്തുവാനും ഒളിഞ്ഞിരിയ്ക്കുന്ന കഴിവുകളെ കണ്ടെത്തി പ്രോത്സാഹിപ്പിയ്ക്കുവാനും വേണ്ടി പ്രത്യേകം രൂപകല്‍പ്പന ചെയ്തിരിയ്ക്കുന്ന ഈ ക്യാമ്പില്‍ അഞ്ച് വയസ്സിനു മുകളില്‍ പ്രായമുള്ള കുട്ടികള്‍ക്കാണ് പ്രവേശനം. മാതാ പിതാക്കള്‍ കുട്ടികളോടൊപ്പം നില്‍ക്കേണ്ടതില്ല എന്ന് സംഘാടകര്‍ അറിയിച്ചു. ചിത്ര രചന, സംഗീതം, കഥ പറയല്‍, ചര്‍ച്ചകള്‍, കുട്ടികളുടെ നാടകം എന്നിങ്ങനെ ഒട്ടേറെ പരിപാടികള്‍ ആസൂത്രണം ചെയ്തിട്ടുണ്ട് എന്നും ദര്‍ശന അബുദാബി കൊ ഓര്‍ഡിനേഷന്‍ കമ്മറ്റിയ്ക്ക് വേണ്ടി ശ്രീ ഒമര്‍ ഷരീഫ് അറിയിച്ചു.
-
അബുദാബി : ഈ മഹാ പ്രപഞ്ചത്തിന്റെ അപാരത, അതിന്റെ ആഴവും പരപ്പും, കാലം എന്ന മഹാ സമസ്യ … ഇതിന്റെ യെല്ലാം പൊരുള്‍ അറിയാന്‍ ശ്രമിക്കുക എന്നത് ഏറെ അല്‍ഭുതങ്ങള്‍ കാഴ്ച വെക്കും. ഫ്രണ്ട്സ് ഓഫ് കേരള ശാസ്ത്ര സാഹിത്യ പരിഷത്ത് അബുദാബി യൂനിറ്റ് സംഘടിപ്പിക്കുന്ന, ഏറെ വിജ്ഞാന പ്രദമായ ഒരു പരിപാടിയാണ് ‘മാനത്തേക്കൊരു കിളി വാതില്‍’.
ഒക്ടോബര്‍ 31, വെള്ളിയാഴ്ച്ച രാത്രി 7 മണിക്ക് കേരള സോഷ്യല്‍ സെന്റര്‍ മിനി ഹാളില്‍ പ്രദര്‍ശിപ്പിക്കുന്ന ബഹിരാകാശ ജാലകം, കുട്ടികള്‍ക്ക് അറിവും കൌതുകവും വിനോദവും നല്കുന്ന ഒന്നായി രിക്കുമെന്ന് സംഘാടകര്‍ അവകാശപ്പെടുന്നു. ഭാരതത്തിന്റെ അഭിമാന മായി മാറിയ ചാന്ദ്രയാന്‍ വിക്ഷേപണത്തെ കുറിച്ചും കൂടുതല്‍ അറിയാന്‍ കുട്ടികള്‍ക്കും മുതിര്‍ന്നവര്‍ക്കും ഒരു അസുലഭാ വസരമായിരിക്കും സണ്‍റൈസ് സ്കൂളിലെ അദ്ധ്യാപകനായ ഡോക്ടര്‍. മനു കമല്‍ജിത്തിന്റെ അവതരണം.
(കൂടുതലറിയാന്‍ വിളിക്കുക: ഇ. പി. സുനില്‍, 050 58 109 07)
– പി. എം. അബ്ദുല്‍ റഹിമാന്‍, അബുദാബി
-
ദുബായില്‍ കഴിഞ്ഞ ഏതാനും വര്‍ഷങ്ങളായി പ്രോപ്പര്‍ട്ടി, റിയല്‍ എസ്റ്റേറ്റ് മേഖലയിലെ വിലയില്‍ വന്‍ വര്‍ധനവാണ് ഉണ്ടായിട്ടുള്ളത്. എന്നാല്‍ ഇപ്പോള്‍ അനുഭവപ്പെടുന്ന സാമ്പത്തിക മാന്ദ്യം പ്രോപ്പര്‍ട്ടി വില്‍പ്പനയെയും വിലയേയും കാര്യമായി തന്നെ ബാധിച്ചു. ഈ വര്‍ഷം ആദ്യ ക്വാര്‍ട്ടറില്‍ പ്രോപ്പര്‍ട്ടി വിലയില്‍ 42 ശതമാനത്തിന്‍റെ വര്‍ധനവുണ്ടായിരുന്നിടത്ത് രണ്ടാം ക്വാര്‍ട്ടറില്‍ 16 ശതമാനം വില വര്‍ധന മാത്രമാണ് രേഖപ്പെടുത്തിയത്.
പ്രോപ്പര്‍ട്ടികള്‍ വാങ്ങാന്‍ ആളില്ലാതെ വന്നതോടെ വില കുത്തനെ ഇടിയുമെന്ന് വിദഗ്ധര്‍ ചൂണ്ടിക്കാട്ടുന്നു. ഇപ്പോള്‍ ആരും വസ്തു വാങ്ങുന്നില്ലെന്നും വില്‍പ്പനയ്ക്ക് വച്ചിരിക്കുന്ന പ്രോപ്പര്‍ട്ടികളുടെ എണ്ണം മാസം തോറും വര്‍ധിക്കുകയാണെന്നും ഖലീജ് ടൈംസ് ബിസിനസ് ഡെപ്യൂട്ടി എഡിറ്റര്‍ ഐസക് പട്ടാണി പറമ്പില്‍ പറയുന്നു.
ബൈറ്റ്..
പ്രോപ്പര്‍ട്ടി വില കുറയുന്നതോടെ കെട്ടിട വാടകയിലും കുറവ് അനുഭവപ്പെടുമെന്നാണ് വിലയിരുത്തല്‍. ഇപ്പോള്‍ അമിത കെട്ടിട വാടക അനുഭവപ്പെടുന്ന ദുബായില്‍ ഇത് യഥാര്‍ത്ഥ്യ തുകയിലേക്ക് വരുമെന്നാണ് കണക്ക് കൂട്ടല്‍. എന്നാല്‍ അമിതമായ വാടകക്കുറവ് അനുഭവപ്പെടാനുള്ള സാധ്യത വിദഗ്ധര്‍ തള്ളിക്കളയുന്നു.
ബൈറ്റ്..
ഏതായാലും വാടക വര്‍ധനവില്‍ ബുധിമുട്ടുന്ന ദുബായിലെ സാധാരണക്കാര്‍ക്ക് വാടക കുറയുമെന്ന ഈ വാര്‍ത്ത ഏറെ ആശ്വാസകരമാകും.
-
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
