കുവൈറ്റില്‍ പ്രവര്‍ത്തനം ആരംഭിക്കുന്ന ഷിഫ അല്‍ ജസീറ മെഡിക്കല്‍ സെന്‍റര്‍ സൗജന്യ നിരക്കില്‍ വിദഗ്ധ ചികിത്സ ലഭ്യമാക്കുന്നതിനുള്ള ഹെല്‍ത്ത് കാര്‍ഡ് പുറത്തിറക്കി. ക്രൗണ്‍ പ്ലാസ ഹോട്ടലില്‍ നടന്ന ചടങ്ങില്‍ പ്രതിപക്ഷ നേതാവ് ഉമ്മന്‍ചാണ്ടിയാണ് കാര്‍ഡുകള്‍ പുറത്തിറക്കിയത്. സ്റ്റുഡന്‍റ്സ് കെയര്‍ കാര്‍ഡ്, ടാക്സി ഡ്രൈവേഴ്സ് കെയര്‍ കാര്‍ഡ്, ഫാമിലി കെയര്‍ കാര്‍ഡ് എന്നിങ്ങനെ വിവിധ വിഭാഗം ജനങ്ങള്‍ക്ക് കാര്‍ഡുകള്‍ ലഭ്യമാണ്. മന്ത്രി ബിനോയ് വിശ്വം, ഡോ. എം.കെ മുനീര്‍, എം.ഐ ഷാനവാസ്, ഷിഫാ അല്‍ ജസീറ മെഡിക്കല്‍ ഗ്രൂപ്പ് ജനറല്‍ മാനേജര്‍ റബീഉള്ള എന്നിവര്‍ പങ്കെടുത്തു.
-
