 |
 |
 |
 |
 |
 |
 |
 |
 |
 |
 |
 |
 |
 |
ന്യൂ യോര്‍ക്ക്: സോഫ്റ്റ്‌വെയര്‍ രംഗത്തെ അതികായന്മാരായ മൈക്രോസോഫ്റ്റും മൊബൈല്‍ ഫോണ്‍ നിര്‍മാതാക്കളായ നോക്കിയയും ചേര്‍ന്ന് പുതിയ സ്മാര്‍ട്ട്‌ ഫോണ്‍ ഇറക്കുന്നു. വിന്‍ഡോസ് ഓപ്പറേറ്റിംഗ് സിസ്റ്റം മൊബൈല്‍ ഫോണില്‍ ഉള്‍പ്പെടുത്തി കൂടുതല്‍ മെച്ചപ്പെട്ട ഒരു സ്മാര്‍ട്ട്‌ ഫോണാണ്‌ ഇവര്‍ ഇറക്കുന്നത്. ഇതോടെ മൊബൈല്‍ ഫോണ്‍ ഉപഭോക്താക്കളില്‍ 40ശതമാനം വര്‍ദ്ധനവാണ് പ്രതീക്ഷിക്കുന്നത്.
-
സൗഹൃദത്തിന്റെ പുതിയ ഭാഷയായ ഫേസ്‌ ബുക്ക്‌, തങ്ങളുടെ പോപ്പുലാരിറ്റി മുതലാക്കാനായി പുതിയ മൊബൈല്‍ ഫോണുമായി രംഗത്ത്‌. ഐ.എന്‍.ക്യുവാണ്‌ ഫേസ്‌ബുക്ക്‌ റെഡിയായ രണ്ട്‌ മൊബൈല്‍ ഫോണുമായി രംഗത്തെത്തിയിരിക്കുന്നത്‌. ക്ലൗഡ്‌ ടച്ച്‌, ക്ലൗഡ്‌ ക്യു എന്നിങ്ങനെ രണ്ട്‌ ആന്‍ഡ്രോയ്‌ഡ്‌ ഫോണുകളാണ്‌ അവതരിപ്പിക്കുക. 18-28 പ്രായ പരിധിയിലുള്ളവരെ ഉദ്ദേശിച്ചുള്ളതാണ്‌ ഈ ഫോണുകള്‍. ഉപയോക്‌താക്കള്‍ക്ക്‌ അപ്‌ഡേറ്റുകള്‍, ഫോട്ടോകള്‍, വീഡിയോകള്‍, ഫേസ്‌ ബുക്കിന്റെ മറ്റ്‌ പ്രധാന ഫീച്ചറുകള്‍ എന്നിവ അതിവേഗം കാണാനും ഉപയോഗിക്കാനും പറ്റുന്ന രീതിയിലാണ്‌ ഇവയുടെ ഹോം സ്‌ക്രീന്‍ തയാറാക്കിയിരിക്കുന്നത്‌.
ഫേസ്‌ബുക്ക്‌ ടീം സജീവമായി പങ്കെടുത്തായിരുന്നു ഈ സ്‌ക്രീനുണ്ടാക്കാന്‍ സഹായിച്ചത്‌. ഫേസ്‌ബുക്കിന്റെ മറ്റ്‌ പ്രധാന ഫീച്ചറുകളായ ചാറ്റ്‌, മെസേജുകള്‍, വാള്‍ പോസ്‌റ്റിംഗ്‌, നോട്ടിഫിക്കേഷനുകള്‍ എന്നിവ വളരെ വേഗം അക്‌സസ്‌ ചെയ്യാവുന്ന രീതിയിലാണ്‌ ഇത്‌ രൂപകല്‍പന ചെയ്‌തിരിക്കുന്നത്‌. ഉപയോക്‌താക്കള്‍ക്ക്‌ അതിവേഗം ഫേസ്‌ബുക്ക്‌ ഉപയോഗിക്കാവുന്നതു പോലെയാണ്‌ ഇതു തയാറാക്കിയിരിക്കുന്നതെന്ന്‌ ഫേസ്‌ ബുക്ക്‌ മൊബൈല്‍ ബിസിനസിന്റെ തലവന്‍ ഹെന്റി മൊയിസിനാക്‌ പറഞ്ഞു. ഹോം സ്‌ക്രീനില്‍ തന്നെ ഫേസ്‌ ബുക്ക്‌ പ്ലേസസ്‌ അക്‌സസ്‌ ചെയ്യാനാവും.
സ്‌റ്റോറുകള്‍, റെസ്‌റ്ററന്റുകള്‍ മറ്റു സ്‌ഥലങ്ങള്‍ എന്നിവ കണ്ടെത്താന്‍ സഹായിക്കുന്ന ഫീച്ചറാണ്‌ ഇത്‌. ഷെഡ്യൂളുകള്‍ തയാറാക്കാന്‍ സഹായിക്കുന്ന ഇവന്റ്‌സ്‌ വിഭാഗവും എളുപ്പത്തില്‍ സന്ദര്‍ശിക്കാം. ഓരോ വിഭാഗത്തിലും പ്രത്യേകം സൈന്‍ ഇന്‍ ചെയ്യുന്നതിനു പകരം ഒറ്റ സൈന്‍ ഇന്‍ വഴി എല്ലാം ഉപയോഗിക്കാമെന്നതാണ്‌ ഫോണിന്റെ മറ്റൊരു പ്രത്യേകത. ഫോണ്‍ രംഗത്തേക്കു കടക്കുന്നുവെന്നത്‌ ഫേസ്‌ബുക്ക്‌ നിരന്തരമായി നിഷേധിച്ചു കൊണ്ടിരിക്കുകയായിരുന്നു. എന്നാല്‍, തങ്ങള്‍ ഈ മേഖലയില്‍ കൂടുതല്‍ നിക്ഷേപം നടത്താന്‍ പോവുകയാണെന്ന്‌ മൊയിസിനാക്‌ പറഞ്ഞു.
ക്ലൗഡ്‌ ടച്ചില്‍ ക്വാല്‍കോം 600 മെഗാഹെട്‌സിന്റെ 7227 ചിപ്‌സെറ്റ്‌, 3.5 ഇഞ്ച്‌ എച്ച്‌.ജി.വി.എ ടച്ച്‌ സ്‌ക്രീന്‍, വര്‍ധിപ്പിക്കാവുന്ന 4എം.ബി മെമ്മറി, 5എം.പി മെഗാപിക്‌സല്‍ കാമറ എന്നിവയാണുള്ളത്‌. ഇത്‌ ഏപ്രിലില്‍ വിപണിയിലെത്തും. വൈഫൈ, ബ്ലൂടൂത്ത്‌, ജി.പി.എസ്, എഫ്‌.എം.റേഡിയോ, ആക്‌സിലെറോമീറ്റര്‍, വടക്കുനോക്കിയന്ത്രം എന്നിവയും ഈ ഫോണിലുണ്ട്‌. ക്ലൗഡ്‌ ക്യു മൂന്നാം ത്രൈമാസ കാലയളവിലേ വിപണിയിലെത്തൂ. രണ്ടു ഫോണിന്റെയും വില പ്രഖ്യാപിച്ചിട്ടില്ല. എന്നാല്‍, ചെറുപ്പക്കാരെ ആകര്‍ഷിക്കാനായി വില കുറവായിരിക്കാനാണു സാധ്യത എന്നു കരുതപ്പെടുന്നു.
-
വായിക്കുക: telecom, കേരളം, വികസനം, വിപണി, സ്വകാര്യ നിക്ഷേപം
പ്രവര്‍ത്തന ചരിത്രത്തില്‍ ആദ്യമായി ബി. എസ്. എന്‍. എല്‍. നഷ്ടം രേഖപ്പെടുത്തി. ഇന്ത്യയിലെ ഏറ്റവും വലിയ ടെലികോം കമ്പനിയായ ഈ പൊതു മേഖലാ സ്ഥാപനം 2009 – 2010 സാമ്പത്തിക വര്‍ഷത്തില്‍ 1822.65 കോടി രൂപയുടെ നഷ്ടമാണ് ഉണ്ടാക്കിയത്. ജീവനക്കാരുടെ മൂന്നു വര്‍ഷത്തെ ശമ്പള കുടിശ്ശിക വിതരണം ചെയ്യേണ്ടി വന്നതിനാലാണ് നഷ്ടം നേരിട്ടതെന്നാണ് കമ്പനി ചെയര്‍മാന്‍ വ്യക്തമാക്കുന്നത്.
സ്വകാര്യ ടെലികോം കമ്പനികളുടെ എണ്ണത്തില്‍ ഉണ്ടായ വര്‍ദ്ധനവ് വരുമാനത്തെ ബാധിച്ചിട്ടുണ്ട്. കൂടാതെ 3ജി, ബ്രോഡ് ബാന്‍ഡ് വയര്‍ലെസ് സേവന ങ്ങള്‍ക്കായുള്ള ഫീസ് നല്‍കേണ്ടി വന്നതും കമ്പനിക്ക് സാമ്പത്തിക നഷ്ടത്തിനു കാരണമായി ചൂണ്ടിക്കാണിക്കുന്നു.
മികവുറ്റ സേവനവും ആകര്‍ഷകമായ നിരക്കുകളും ഉപഭോക്താക്കള്‍ക്ക് നല്‍കുന്നത് മൂലം സ്വകാര്യ മേഖലയിലെ കമ്പനികളില്‍ നിന്നും ബി. എസ്. എന്‍. എല്‍. കനത്ത വെല്ലു വിളിയാണ് നേരിടുന്നത്. കടുത്ത കിട മത്സരമാണ് ഇന്ത്യന്‍ ടെലികോം വിപണിയില്‍ ഇപ്പോള്‍ നടന്നു കൊണ്ടിരിക്കുന്നത്. മൊമ്പൈല്‍ ഫോണിന്റെ വ്യാപകമായ പ്രചാരം ബി. എസ്. എന്‍. എല്‍. ലാന്‍ഡ്‌ ഫോണ്‍ കണക്ഷനുകളുടെ എണ്ണത്തില്‍ അടുത്ത കാലത്തായി വലിയ കുറവു വരുത്തിയിട്ടുണ്ട്.
-
വായിക്കുക: telecom
അബുദാബി: യു. എ. ഇ യിലെ ടെലിഫോണ്‍ കമ്പനിയായ ഇത്തിസാലാത്തിന്റെ 2009 ലെ ലാഭം 883 കോടി ദിര്‍ഹം എന്നു കണക്കുകള്‍ പറയുന്നു. സര്‍ക്കാര്‍ വിഹിതം കഴിച്ച് മൊത്തം ലാഭം 121.7 കോടി ദിര്‍ഹം. 2008 ല്‍, 851 കോടിയായിരുന്നു ലാഭം. ഇക്കുറി 16 ശതമാനം ലാഭത്തില്‍ വര്‍ദ്ധനവുണ്ട്. യു. എ. ഇ. യില്‍ മൊത്തം 77.4 ലക്ഷം മൊബൈല്‍ ഉപഭോക്താക്കളുണ്ട്. കഴിഞ്ഞ വര്‍ഷത്തേക്കാള്‍ 6% വര്‍ദ്ധനവ് മൊബൈല്‍ ഉപഭോക്താക്കളിലുണ്ട്. ലാന്റ് ലൈന്‍ ഉപഭോക്താക്കള്‍ 13.3 ലക്ഷമാണ് ഇതിലും ഈ വര്‍ഷം 16% വര്‍ദ്ധനവ് ഉണ്ടായിട്ടുണ്ട്.
ടെലി കമ്യൂണിക്കേഷന്‍ മേഖലയില്‍ വന്‍ കുതിച്ചു ചാട്ടം അവകാശ പ്പെടാവുന്ന മറ്റൊരു സംരംഭമാണ് ഫൈബര്‍ ഒപ്റ്റിക് കേബിളു കളിലേക്കുള്ള മാറ്റം. അബു ദാബിയില്‍ ഏറെക്കുറെ പൂര്‍ത്തിയായി ക്കഴിഞ്ഞ ഈ സംവിധാ‍നം, 2011 ആകുമ്പൊഴേക്ക് യു. എ. ഇ. മൊത്തം ഫൈബര്‍ ഒപ്റ്റിക് കേബിള്‍ വഴി ബന്ധിപ്പിക്കാനുള്ള പ്രവര്‍ത്തനങ്ങള്‍ പൂര്‍ത്തിയാക്കും.
- ജെ.എസ്.
വായിക്കുക: telecom
ദോഹ: രാജ്യത്തെ രണ്ടു ടെലികോം സ്ഥാപനങ്ങളായ ഖത്തര്‍ ടെലികോ (ക്യുടെല്‍) മിന്റേയും വൊഡാ ഫോണിന്റേയും ശൃംഖലകള്‍ തമ്മില്‍ ഇന്റര്‍കണക്ഷന്‍ സൌകര്യം യാഥാര്‍ത്ഥ്യമായി.
ഇതോടെ ക്യുടെല്‍ ഉപഭോക്താ ക്കള്‍ക്ക് വൊഡഫോണ്‍ ഉപഭോക്താക്കളുടെ നമ്പറിലേക്ക് വിളിക്കാന്‍ സൌകര്യം ലഭിക്കും. ക്യുടെലിന്റെ ലാന്റ് ലൈനില്‍ നിന്നും മൊബൈല്‍ ലൈനില്‍ നിന്നും ഈ സൌകര്യം ലഭ്യമാണ്.
ക്യുടെലിന്റെ ശഹ്രി, ഹല, ലാന്റ് ലൈന്‍, പേ ഫോണ്‍, ക്യു കാര്‍ഡ് നമ്പറില്‍ നിന്ന് വൊഡാഫോണ്‍ നമ്പറിലേക്ക് വിളിക്കാന്‍ മിനുട്ടിന് 55 ദിര്‍ഹമായിരിക്കും ഈടാക്കുക. എസ് എം എസിന് 40 ദിര്‍ഹവും എം എം എസിന് 90 ദിര്‍ഹമും വീഡിയോ കാളിന് 65 ദിര്‍ഹമുമാണ് ക്യുടെല്‍ ഈടാക്കുക.
ഉപഭോക്താക്കള്‍ക്ക് മികച്ച സേവനം നല്‍കുന്നതില്‍ മത്സരിക്കുന്ന രാജ്യത്തെ രണ്ടു ടെലികോം സേവന ദാതാക്കള്‍ തമ്മില്‍ ഇന്റര്‍കണക്ഷന്‍ ലഭ്യമായത് ഖത്തറിന്റെ ചരിത്രത്തില്‍ ഒരു പ്രധാന നാഴിക ക്കല്ലാണ്.
തങ്ങള്‍ തെരഞ്ഞെടുക്കുന്ന ടെലികോം കമ്പനിയില്‍ നിന്ന് രണ്ടാമത്തെ കമ്പനിയുടെ സേവനം ഉപയോഗിക്കുന്ന തങ്ങളുടെ സുഹൃത്തുക്കളേയും ബന്ധുക്കളേയും ബന്ധപ്പെടാന്‍ ഇതിലൂടെ സൌകര്യം ലഭിച്ചതായി ക്യുടെല്‍ ഗ്രൂപ്പ് കമ്മ്യൂണിക്കേഷന്‍ എക്സിക്യുട്ടീവ് ഡയറക്ടര്‍ ആദില്‍ ആല്‍മുത്വവ്വ അറിയിച്ചു.
മൊഹമദ് യാസീന്‍ ഒരുമനയൂര്‍, ഖത്തര്‍
- ജെ.എസ്.
വായിക്കുക: telecom
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ്‌ പംക്തികള് ചരമം |