ദുബായ് : ധന വിനിമയ രംഗത്തെ പ്രമുഖരായ യു.എ.ഇ. എക്സ്ചേഞ്ച് ഉപഭോക്താക്കള്‍ക്ക്‌ വേണ്ടി ഏര്‍പ്പെടുത്തിയ മണി മജ്ലിസ് പ്രമോഷന്‍ സമാപിച്ചു. മെഗാ സമ്മാനമായ ബി. എം. ഡബ്ല്യു. കാര്‍ മലപ്പുറം സ്വദേശിയായ ഷാജി ഹംസ നേടി.
ഷാജി ഹംസ
യു.എ.ഇ. യിലെ എല്ലാ യു.എ.ഇ. എക്സ്ചേഞ്ച് ശാഖകള്‍ വഴിയും ഓഗസ്റ്റ്‌ 22 മുതല്‍ ഒക്ടോബര്‍ 20 വരെ കാലയളവില്‍ പണമിടപാട്‌ നടത്തിയ എല്ലാവരെയും ഉള്‍പ്പെടുത്തി കൊണ്ടുള്ള ഈ പ്രൊമോഷനില്‍ ഏറ്റവും പുതിയതായി തുറന്ന അല ഖിസൈസ്‌ രണ്ട് ശാഖയിലൂടെ ഒക്ടോബര്‍ 18ന് ഷാജി ഹംസ നടത്തിയ ഇടപാടാണ് സൌഭാഗ്യ വാഹനം കൊണ്ടു വന്നത്. ഇതേ ശാഖയില്‍ വെച്ച് നടന്ന മെഗാ നറുക്കെടുപ്പിന് ദുബായ് സാമ്പത്തിക വികസന വകുപ്പ്‌ പ്രതിനിധി മോസാ മത്താര്‍ നേതൃത്വം നല്‍കി. യു.എ.ഇ. എക്സ്ചേഞ്ച് ചീഫ്‌ ഓപ്പറേറ്റിംഗ് ഓഫീസര്‍ വൈ. സുധീര്‍ കുമാര്‍ ഷെട്ടി, ഗ്ലോബല്‍ ബിസിനസ് ഹെഡ്‌ ഗോപകുമാര്‍ ഭാര്‍ഗവന്‍, കണ്‍ട്രി ഹെഡ്‌ വര്‍ഗീസ്‌ മാത്യു, ബിസിനസ് ഡെവലപ്മെന്റ് ഹെഡ്‌ ദീപക്‌ നായര്‍, ഏരിയ മാനേജര്‍ ജേക്കബ്‌ മാത്യു തുടങ്ങിയവരും സംബന്ധിച്ചു.
ധന വിനിമയ രംഗത്തെ ആഗോള പ്രശസ്തമായ യു.എ.ഇ. എക്സ്ചേഞ്ച് ഉപഭോക്താക്കള്‍ക്ക്‌ വേണ്ടി മണി മജ്ലിസ് പ്രമോഷന്‍ പ്രഖ്യാപിച്ചു. യു.എ.ഇ. യിലെ ഏത് യു.എ.ഇ. എക്സ്ചേഞ്ച് ശാഖ വഴിയും ഓഗസ്റ്റ്‌ 22 മുതല്‍ ഒക്ടോബര്‍ 20 വരെയുള്ള കാലയളവില്‍ നടത്തുന്ന പണമിടപാടുകള്‍ എല്ലാം നറുക്കെടുപ്പിന് പരിഗണിക്കപ്പെടും. ഒക്ടോബര്‍ 24ന് നടക്കുന്ന മെഗാ നറുക്കെടുപ്പിലൂടെ ഒരു ഭാഗ്യശാലിക്ക് ഒരു പുത്തന്‍ ബി.എം.ഡബ്ല്യൂ കാര്‍ മെഗാ സമ്മാനമായി ലഭിക്കും.
അബുദാബി : ലോകോത്തര മണി ട്രാന്‍സ്ഫര്‍ സംരംഭമായ എക്സ്പ്രസ്‌ മണി യു.എ.ഇ. യിലെ ഉപഭോക്താക്കള്‍ക്ക്‌ വേണ്ടി കഴിഞ്ഞ രണ്ടു മാസമായി നടത്തി വന്ന ഡബിള്‍ ഡിലൈറ്റ് പ്രമോഷന്‍ പദ്ധതിയിലെ മെഗാ സമ്മാന വിജയികള്‍ക്കുള്ള സമ്മാന ദാന ചടങ്ങ ഗംഭീരമായി. അബുദാബിയിലെ എക്സ്പ്രസ്‌ മണി ആസ്ഥാനത്ത് നടന്ന വര്‍ണ്ണാഭമായ ചടങ്ങില്‍ വെച്ച് നാല് ദ്വൈവാര നറുക്കെടുപ്പുകളിലെ വിജയികള്‍ക്കാണ് സമ്മാനങ്ങള്‍ നല്‍കിയത്‌. അരക്കിലോ സ്വര്‍ണ്ണം സമ്മാനമായി നേടിയ സാജിദ്‌ മഹ്മൂദ്‌ മുഹമ്മദ്‌ വൈ. സുധീര്‍ കുമാര്‍ ഷെട്ടിയില്‍ നിന്നും, ഫോര്‍ഡ്‌ ഫിയസ്റ്റ കാര്‍ നേടിയ ഹുസൈന്‍ മുഹമ്മദ്‌ മന്‍സൂര്‍ സുധീര്‍ ഗിരിയനില്‍ നിന്നും, പതിനായിരം ദിര്‍ഹം ക്യാഷ്‌ നേടിയ ജോസഫൈന്‍ ഓള്‍ഗ പ്രശാന്ത്‌ വീരമംഗലയില്‍ നിന്നും സമ്മാനങ്ങള്‍ സ്വീകരിച്ചു. പ്രായോജകരായ സ്വിസ്സ് അറേബ്യന്‍ പെര്ഫ്യൂമ്സിന്റെ പ്രതിനിധി ശിവാനന്ദ് ഹെബ്ബാര്‍ സംസാരിച്ചു.
