പ്രശസ്ത പത്രപ്രവര്‍ത്തകന്‍ റഹിം മേച്ചേരിയുടെ സ്മരണക്കായി ജിദ്ദയിലെ കൊണ്ടോട്ടി മണ്ഡലം കെ.എം.സി.സി പുറത്തിറക്കിയ റഹിം മേച്ചേരിയുടെ തെരഞ്ഞെടുത്ത ലേഖനങ്ങള്‍ എന്ന പുസ്തകം ശനിയാഴ്ച പ്രകാശനം ചെയ്യും.
കോഴിക്കോട് ഈസ്റ്റ് അവന്യൂ ഓഡിറ്റോറിയത്തില്‍ നടക്കുന്ന പരിപാടിയില്‍ മുസ്ലീലീഗ് അധ്യക്ഷന്‍ പാണക്കാട് മുഹമ്മദലി ശിഹാബ് തങ്ങളാണ് പ്രകാശനം നിര്‍വഹിക്കുക. ജിദ്ദയില്‍ വാര്‍ത്താ സമ്മേളനത്തില്‍ സംഘാടകര്‍ അറിയിച്ചതാണിത്. റഹിം മേച്ചേരി സ്മാരക കെ.എം.സി.സി അവാര്‍ഡിന് എഴുത്തുകാരനായ എം.സി വടകരയെ തെരഞ്ഞെടുത്തെന്നും ഇവര്‍ അറിയിച്ചു.
