ദുബായ്: സീതി സാഹിബ് വിചാര വേദി യു.എ.ഇ. ചാപ്റ്ററിന്റെ സ്വാതന്ത്ര്യ ദിന ആഘോഷം കെ. എം. സി. സി. കേന്ദ്ര കമ്മറ്റി വൈസ് പ്രസിഡന്റ് എ. എം. അബ്ദുല്ല ഉദ്ഘാടനം ചെയ്തു. ഒ. ഐ. സി. പ്രസിഡന്റ് പുന്നക്കന്‍ മുഹമ്മദലി സ്വാതന്ത്ര്യ ദിന പ്രഭാഷണവും ബഷീര്‍ തിക്കൊടി മുഖ്യ പ്രഭാഷണവും നടത്തി.
കെ. എ. ജെബ്ബാരിയുടെ അധ്യക്ഷതയില്‍ ചേര്‍ന്ന യോഗത്തില്‍ ഹ്രസ്വ സന്ദര്‍ശനത്തിന് യു. എ. ഇ. യില്‍ എത്തിയ വനിതാ ലീഗ് നേതാവ് അഡ്വ: കെ. പി. മറിയുമ്മയ്ക്ക് സ്വീകരണം നല്‍കി. കെ. എം. എ. ബക്കര്‍ മുള്ളൂര്‍ക്കര മറിയുമ്മയ്ക്ക് ഉപഹാരം നല്‍കി. ഏരിയല്‍ മുഹമ്മദ് കുഞ്ഞി, മുഹമ്മദ് കാസിം, ഇസ്മായില്‍ ഏറാമല, ടി. കെ. അലി, ബഷീര്‍ മണലാടി തുടങ്ങിയവര്‍ പ്രസംഗിച്ചു. അഷ്രഫ് കൊടുങ്ങല്ലൂര്‍ സ്വാഗതവും മുഹമ്മദ് ബഷീര്‍ മാമ്പ്ര നന്ദിയും പറഞ്ഞു. നവാസ് പലേരി ഗാനാ ലാപനം നടത്തി.
