ദുബായ്: ഭാവനാ ആര്‍ട്‌സ് സൊസൈറ്റി കുടുംബ സംഗമം സംഘടിപ്പിച്ചു. പ്രസിഡന്‍റ് പി. എസ്. ചന്ദ്രന്റെ അദ്ധ്യക്ഷതയില്‍ കൂടിയ യോഗത്തില്‍ ജനറല്‍ സെക്രട്ടറി സുലൈമാന്‍ തണ്ടിലം സ്വാഗതവും കലാ വിഭാഗം സെക്രട്ടറി ഷാനവാസ് ചാവക്കാട് നന്ദിയും പറഞ്ഞു.
ഉമ കണ്‍വീനര്‍ ആര്‍. ശ്രീകണ്ഠന്‍ നായര്‍, കൈരളി കലാകേന്ദ്രം പ്രസിഡന്‍റ് എന്‍. നൗഷാദ്, ഭാവന വൈസ് പ്രസിഡന്‍റ് ത്രിനാഥ് കറുപ്പയില്‍, ട്രഷറര്‍ ശശീന്ദ്രന്‍ ആറ്റിങ്ങല്‍ എന്നിവര്‍ ആശംസകള്‍ അര്‍പ്പിച്ചു. ഉമ യുടെ ഓണാഘോഷത്തില്‍ ഭാവന അവതരിപ്പിച്ച ‘ജയ കേരളം’ എന്ന ചിത്രീകരണ ത്തില്‍ പങ്കെടുത്തിരുന്ന കലാകാരന്മാര്‍ക്ക്‌ സര്‍ട്ടിഫിക്കറ്റുകള്‍ വിതരണം ചെയ്തു. തുടര്‍ന്ന്‍ ഗാനം, കവിതാലാപനം, ചിത്രീകരണം, മിമിക്രി തുടങ്ങി വിവിധ കലാ പരിപാടികള്‍ അരങ്ങേറി.
- ജെ.എസ്.
(അയച്ചു തന്നത് : സുലൈമാന്‍ തണ്ടിലം)
അനുബന്ധ വാര്‍ത്തകള്‍
വായിക്കുക: സംഘടന
