സൗദി ആരോഗ്യ മന്ത്രാലയം എല്ലാ സ്വദേശികളോടും വിദേശികളോടും എച്ച് 1 എന്‍ 1 പനിയെ നേരിടാന്‍ മുന്‍ കരുതലെടുക്കാന്‍ ആവശ്യപ്പെട്ടു. ശ്വാസതടസം, മൂന്ന് ദിവസത്തിലധികം നീണ്ട് നില്‍ക്കുന്ന നെഞ്ച് വേദന, തുപ്പലില്‍ രക്തം കലരല്‍, ശരീരം നീല നിറമാകല്‍ എന്നീ ലക്ഷണങ്ങള്‍ കണ്ടാല്‍ ഉടന്‍ തന്നെ പരിശോധിപ്പിക്കണമെന്നും മന്ത്രാലയം ആവശ്യപ്പെട്ടു.
ഇതിനിടെ എച്ച് 1 എന്‍ 1 പനി ബാധിച്ച് സൗദിയില്‍ ഒരു സ്ത്രീ കൂടി മരിച്ചു. ഇതോടെ രാജ്യത്ത് പനി ബാധിച്ച് മരിച്ചവരുടെ എണ്ണം എട്ടായി. മിഡില്‍ ഈസ്റ്റില്‍ ഏറ്റവും കൂടുതല്‍ മരണ നിരക്ക് റിപ്പോര്‍ട്ട് ചെയ്യപ്പെട്ടത് സൗദിയിലാണ്.
-
