 |
 |
 |
 |
 |
 |
 |
 |
 |
 |
 |
 |
 |
 |
റിയാദ് : മലപ്പുറം ജില്ല സുന്നി സെന്റര് റിയാദ് കമ്മിറ്റി ജില്ലയിലെ നിര്ധനരായ ആളുകള്ക്ക് നിര്മ്മിച്ച് നല്കുന്ന വീടിന്റെ ഒന്നാം ഘട്ട പ്രവര്ത്ത നത്തിന്റെ ഫണ്ട് കൈമാറി. ആദ്യ ഘട്ടത്തില് തിരഞ്ഞെടുക്കപ്പെട്ട അരിപ്ര സ്വദേശി സംഘാടകരില് നിന്നും ആദ്യ തുക ഏറ്റു വാങ്ങി. സുന്നി സെന്റര് ഭാരവാഹികളായ ബഷീര് ഫൈസി ചെരക്കാ പറമ്പ് , ഷാഫി ദാരിമി, കൊയാമു ഹാജി, കോയ ഫൈസി പനങ്ങാങ്ങര അസീസ് വാഴക്കാട് എന്നിവര് ചടങ്ങില് പങ്കെടുത്തു.
– നൌഷാദ് അന്വരി, റിയാദ്
-
വായിക്കുക: saudi, ജീവകാരുണ്യം
അബുദാബി: യു. എ. ഇ., ബഹ്റൈന്, സൗദി അറേബ്യ, ഖത്തര് തുടങ്ങിയ രാജ്യങ്ങളിലെ ബാഡ്മിന്റണ് ചാമ്പ്യന്മാര് ഏറ്റുമുട്ടുന്ന മുപ്പത്തി മൂന്നാമത് “ഐ. എസ്. സി – യു. എ. ഇ. എക്സ്ചേഞ്ച് ഓപ്പണ് ബാഡ്മിന്റണ് ടൂര്ണമെന്റ് ” ഫെബ്രുവരി 4 മുതല് 19 വരെ അബുദാബി ഇന്ത്യാ സോഷ്യല് സെന്ററില് നടക്കും. പതിനാല് വയസ്സിനു താഴെയുള്ള ഗേള്സ് സിംഗിള്സ്, ഗേള്സ് ഡബിള്സ്, ബോയ്സ് സിംഗിള്സ്, ബോയ്സ് ഡബിള്സ് പതിനെട്ട് വയസ്സിനു താഴെയുള്ള ബോയ്സ് സിംഗിള്സ്, ബോയ്സ് ഡബിള്സ്, മെന്സ് സിംഗിള്സ്, മെന്സ് ഡബിള്സ്, മിക്സഡ് ഡബിള്സ്, ലേഡീസ് ഡബിള്സ്, നാല്പത് വയസ്സിനു മുകളിലുള്ള മാസ്റ്റേഴ്സ് സിംഗിള്സ്, മാസ്റ്റേഴ്സ് ഡബിള്സ്, 45 വയസ്സിനു മുകളിലുള്ള വെറ്ററന്സ് സിംഗിള്സ്, വെറ്ററന്സ് ഡബിള്സ്, വെറ്ററന്സ് മിക്സഡ് ഡബിള്സ്, 50 വയസ്സിന് മുകളിലുള്ള സീനിയര് വെറ്ററന്സ് ഡബിള്സ് എന്നീ വിഭാഗങ്ങളിലാണ് മത്സരം അരങ്ങേറുക.
ഫെബ്രുവരി 4, വ്യാഴാഴ്ച വൈകീട്ട് 7:30 ന് ഐ. എസ്. സി. മെയിന് ഓഡിറ്റോറി യത്തില് അരങ്ങേറുന്ന ‘എക്സിബിഷന് മാര്ച്ച്” അബുദാബിയിലെ ടീമുകള് പങ്കെടുക്കും. വെള്ളിയാഴ്ച രാവിലെ മുതല് മത്സരങ്ങള് ആരംഭിക്കുമെന്ന് ഭാരവാഹികള് അറിയിച്ചു.
– പി. എം. അബ്ദുല് റഹിമാന്, അബുദാബി
-
അബുദാബി, അലൈന് തുടങ്ങിയ സ്ഥലങ്ങളിലെ ടാക്സികള്ക്ക് വേഗതാ നിയന്ത്രണം ഏര്പ്പെടുത്തിയത് ടാക്സി ഡ്രൈവര്മാര്ക്ക് ദുരിതമായി. 70 കിലോമീറ്റര് വേഗതയാണ് പരിധി നിശ്ചയിച്ചിരിക്കുന്നത്. തെറ്റിച്ചാല് വലിയ പിഴ ഈടാക്കുകയും ചെയ്യും. തുച്ഛമായ വേതനത്തില് ജോലി ചെയ്യുന്ന തങ്ങളുടെ വയറ്റത്തടി ച്ചിരിക്കുകയാണ് പുതിയ നിയമമെന്ന് ഡ്രൈവര്മാര് പറയുന്നു.
തങ്ങള് 70 കിലോമീറ്റര് വേഗ പരിധിയില് പോകുമ്പോള് യാത്ര ചെയ്യുന്നവരുടെ ചീത്ത കേള്ക്കണം. മറ്റ് വണ്ടിക്കാരുടെ ചീത്ത വിളി വേറെ. ഒരു ദിവസം ഓടി ത്തീര്ക്കേണ്ട കിലോ മീറ്ററുകളുടെ പരിധി വേറെ. 16 മണിക്കൂര് ജോലി ചെയ്താല് പോലും അഷ്ടിക്ക് ഒപ്പിക്കാന് കഴിയില്ലെന്ന് ഇവര് പറയുന്നു.
-
യു.എ.ഇ. യിലെ, പ്രത്യേകിച്ച് അബുദാബിയിലെ, സ്കൂളുകള് സ്കൂള് ബസുകള് നിര്ത്തലാക്കുന്നു. പകരം സ്വകാര്യ ട്രാന്സ് പോര്ട്ട് കമ്പനികളെ സമീപിക്കാനാണ് സ്കൂള് അധിക്യതര് മാതാ പിതാക്കളോട് പറയുന്നത്. അതേ സമയം ഈ ബസുകളില് സ്കൂളുകളിലേക്ക് പോകുന്ന കുട്ടികളുടെ ഉത്തരവാദിത്വം ആര് ഏറ്റെടുക്കു മെന്നാണ് മാതാപിതാക്കള് ചോദിക്കുന്നത്.
അബുദാബി മുസ്സഫയില് പ്രവര്ത്തിക്കുന്ന ഒരു സ്കൂള് കഴിഞ്ഞ ദിവസം ഇത്തരത്തില് മാതാപിതാക്കള്ക്ക് കത്ത് നല്കി.
ഇക്കാര്യത്തില് പരാതി നല്കുമെന്ന് രക്ഷിതാവായ ജോസഫ് പറഞ്ഞു
കുറച്ച് മുന്പ് മലയാളി മാനേജ് മെന്റ് നേതൃത്വം നല്കുന്ന ഒരു വലിയ സ്കൂള് ഇത്തരത്തില് ഗതാഗത സംവിധാനം സ്വകാര്യ മേഖലയ്ക്ക് നല്കിയിരുന്നു.
-
വായിക്കുക: അബുദാബി, കുട്ടികള്, വിദ്യാഭ്യാസം
ജിദ്ദയില് നവോദയയുടെ ആഭിമുഖ്യത്തില് ചിത്രരചനാ മത്സരം സംഘടിപ്പിച്ചു. ഇന്ത്യന് കോണ്സുല് ജനറല് സയ്യിദ് അഹ്മദ് ബാവ ഉദ്ഘാടനം ചെയ്തു. വിവിധ തലങ്ങളിലായി നടന്ന മത്സരത്തില് ആയിരത്തിലധികം കുട്ടികള് പങ്കെടുത്തു. മത്സര വിജയികള്ക്കുള്ള സമ്മാനങ്ങള് നവോദയ സംഘടിപ്പിക്കുന്ന സാംസ്കാരിക സമ്മേളനത്തില് വിതരണം ചെയ്യും.
-
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
