ബഹ്റിനില്‍ ഇന്നലെയുണ്ടായ തീപിടുത്തത്തില്‍ നിന്നും അത്ഭുതകരമായി രക്ഷപ്പെട്ട 42 ആന്ധ്ര സ്വദേശികള്‍ക്ക് തെലുങ്ക് കലാസമിതി ക്ലബില്‍ താമസ സൗകര്യം ഏര്‍പ്പെടുത്തി. ഈ തൊഴിലാളികള്‍ക്ക് ബഹ്റിനിലെ മൈഗ്രന്‍റ് വര്‍ക്കേഴ്സ് പ്രൊട്ടക്ഷന്‍ സൊസൈറ്റി ഭക്ഷണ സൗകര്യവും ഏര്‍പ്പെടുത്തിയിട്ടുണ്ട്. വിസയ്ക്കായി വന്‍ തുക നല്‍കി എത്തിയ ഇവരില്‍ പലര്‍ക്കും ജോലിയോ ശമ്പളമോ ലഭിച്ചിരുന്നില്ല. നാട്ടിലേക്ക് പോകാനായി തയ്യാറായിരുന്ന ചില തൊഴിലാളികള്‍ക്കാകട്ടെ പാസ് പോര്‍ട്ട് അടക്കമുള്ള എല്ലാ സമ്പാദ്യവും ഈ തീപിടുത്തത്തില്‍ നഷ്ടപ്പെടുകയും ചെയ്തു.
-
