പാസ്പോര്‍ട്ടില്‍ ജീവിതപങ്കാളിയുടേയോ മക്കളുടേയോ പേരു ചേര്‍ക്കുന്നതിനും മേല്‍വിലാസം മാറ്റുന്നതിനുമുള്ള നടപടിക്രമത്തില്‍ വരുത്തിയ മാറ്റം ഉടന്‍ പിന്‍വലിക്കണമെന്ന് ആവശ്യപ്പെട്ട് ബഹ്റൈനിലെ ഇന്ത്യന്‍ ഓവര്‍സീസ് കണ്‍ച്ചറല്‍ കോണ്‍ഗ്രസ്സ് കമ്മിറ്റി കേന്ദ്ര സര്‍ക്കാരിന് നിവേദനമയച്ചു.
പ്രവാസികാര്യമന്ത്രി വയലാര്‍ രവി, വിദേശകാര്യ മന്ത്രി എസ്.എം.കൃഷ്ണ, വിദേശകാര്യ സഹമന്ത്രി ശശി തരൂര്‍ എന്നിവര്‍ക്കാണ് നിവേദനം അയച്ചത്. പുതിയ നിയമപ്രകാരം പേരു ചേര്‍ക്കലിനും മേല്‍വിലാസം മാറ്റുന്നതിനും ഡ്യൂപ്ളിക്കേറ്റ് പാസ്പോര്‍ട്ട് എടുക്കണെന്നതാണ് വ്യവസ്ഥ. എന്നാല്‍ ഇത് കാലതാമസത്തിനും വിസ പുതുക്കലിനും തടസ്സമാകുന്നു എന്ന ആക്ഷേപം ശക്തമായിട്ടുണ്ട്.
-
