ബഹ്റിനിലെ ഇന്ത്യന്‍ ക്ലബ് സൗന്ദര്യ മത്സരം സംഘടിപ്പിക്കുന്നു. ഇന്ത്യന്‍ ക്ലബ് മെയ് ക്വൂന്‍ ബോള്‍ 2009 എന്ന പേരിലുള്ള ഷോ മെയ് 21 ന് ഇന്ത്യന്‍ ക്ലബില്‍ നടക്കും. 15 നും 28 നും ഇടയില്‍ പ്രായമുള്ള എല്ലാ രാജ്യങ്ങളിലേയും സ്ത്രീകള്‍ക്ക് മത്സരത്തില്‍ പങ്കെടുക്കാം. വിജയികള്‍ക്ക് 1000 ഡോളര്‍ സമ്മാനം നല്‍കുമെന്ന് വാര്‍ത്താ സമ്മേളനത്തില്‍ സംഘാടകര്‍ അറിയിച്ചു. പി.കെ പോള്‍, കെ.എം ചെറിയാന്‍, രാധാകൃഷ്ണന്‍ തെരുവത്ത്, എം.ജെ ജോബ്, ടി.എസ് അശോക് തുടങ്ങിയവര്‍ വാര്‍ത്താ സമ്മേളനത്തില്‍ പങ്കെടുത്തു.
-
