 |
 |
 |
 |
 |
 |
 |
 |
 |
 |
 |
 |
 |
 |
വിദേശ തൊഴിലാളികളെ അമിതമായി ആശ്രയിക്കുന്നത് നിര്ത്തലാക്കാന് ജി. സി. സി. രാജ്യങ്ങളില് പദ്ധതി തയ്യാറായി വരുന്നതായി സൗദി തൊഴില് മന്ത്രാലയം അറിയിച്ചു. സ്വകാര്യ മേഖലയില് നിലവിലുള്ള സ്വദേശി വത്ക്കരണ നടപടികള് വേണ്ടത്ര വിജയകരമല്ല എന്ന റിപ്പോര്ട്ടുകളെ തുടര്ന്നാണ് ഈ നീക്കം.
- ജെ.എസ്.
വായിക്കുക: തൊഴിലാളി, സൗദി അറേബ്യ
ഈ അദ്ധ്യയന വര്ഷം ദുബായിലെ ആറ് സ്കൂളുകള്ക്ക് ഫീസ് വര്ദ്ധിപ്പിക്കാന് യു. എ. ഇ. വിദ്യാഭ്യാസ മന്ത്രാലയം അനുമതി നല്കി. ദുബായിലെ സ്കൂളുകളുടെ പ്രവര്ത്തന ത്തിന്റെ മേല്നോട്ടം വഹിക്കുന്ന നോളജ് ആന്ജ് ഹ്യൂമന് ഡെവലപ്മെന്റ് അഥോറിറ്റി (കെ. എച്ച്. ഡി. എ.) യുടെ വിലക്ക് മറി കടന്നാണ് വിദ്യാഭ്യാസ മന്ത്രാലയ ത്തിന്റെ തീരുമാനം.
സ്കൂളുകളുടെ അപേക്ഷ ന്യായമാണെന്ന് മനസ്സിലാക്കിയാണ് ഇതെന്ന് വിദ്യാഭ്യാസ മന്ത്രി ഹുമൈദ് അല് ഖതാമി പറഞ്ഞു. അടിസ്ഥാന സൗകര്യങ്ങള് വികസിപ്പിച്ച സ്കൂളുകള് അദ്ധ്യാപകരുടെ ശംബളം വര്ദ്ധിപ്പിക്കുകയും ചെയ്തു എന്നും, ഇതിന് ആവശ്യമായ പണം കണ്ടെത്തേണ്ടത് അത്യാവശ്യ മാണെന്നും അദ്ദേഹം വിശദീകരിച്ചു.
ഇതോടെ ജെംസ് ഗ്രൂപ്പിന്റെ കീഴിലുള്ള ഔവര് ഓണ് ഇംഗ്ളീഷ് ഹൈസ്കൂള്, ദ മില്ലേനിയം സ്കൂള് എന്നവ ഉള്പ്പെടെയുള്ള സ്കൂളുകള്ക്കാണ് ഫീസ് നിരക്ക് ഉയര്ത്താന് അനുമതി നല്കിയത്. 15 മുതല് 20 ശതമാനം വരെ ഫീസ് ഉയര്ത്താനാണ് അനുമതി. എന്നാല്, തങ്ങളുടെ അനുമതിയില്ലാതെ സ്കൂളുകള്ക്ക് ഫീസ് ഉയര്ത്താന് ആവില്ലെന്ന് കെ. എച്ച്. ഡി. എ. വ്യക്തമാക്കിയിട്ടുണ്ട്.
- ജെ.എസ്.
വായിക്കുക: പ്രവാസി, വിദ്യാഭ്യാസം
തിരുവനന്തപുരം അന്താരാഷ്ട്ര വിമാന ത്താവളത്തില് യൂസേഴ്സ് ഫീ ഏര്പ്പെടുത്താനുള്ള നീക്കത്തിനെതിരെ പ്രതിഷേധവുമായി വെണ്മ രംഗത്ത്. കഴിഞ്ഞ ദിവസം ഷാര്ജയില് വെച്ചു ചേര്ന്ന വെഞ്ഞാറമൂട് നിവാസികളുടെ പ്രവാസി കൂട്ടായ്മയായ വെണ്മ യു. എ. ഇ. യുടെ എക്സിക്യൂട്ടീവ് യോഗത്തില് വെച്ച്, പ്രവാസികള്ക്ക് നേരെയുള്ള ഈ പിടിച്ചു പറി ക്കെതിരെ ശക്തമായ പ്രതിഷേധം അറിയിച്ചു കൊണ്ട് വ്യോമയാന വകുപ്പ് മന്ത്രിക്കും, എം. പി. ശശി തരൂരിനും, കേന്ദ്ര – സംസ്ഥാന സര്ക്കാരുകള്ക്കും പ്രവാസി സമൂഹത്തിന്റെ ഒപ്പു ശേഖരണം നടത്തി പരാതി അയക്കാനും, സമാന ചിന്താ ഗതിയുള്ള പ്രവാസി കൂട്ടായ്മകളും, സംഘടനകളുമായി ചേര്ന്ന് സമര രംഗത്തിറങ്ങുവാനും തീരുമാനമെടുത്തു.
കേരളത്തിന്റെ സാമ്പത്തിക മേഖലയുടെ നട്ടെല്ലായ പ്രവാസി സമൂഹത്തിനു നേരെയുള്ള എല്ലാ കടന്നു കയറ്റങ്ങളും ഒറ്റ ക്കെട്ടായി നേരിടണം എന്നും യോഗം അഭ്യര്ത്ഥിച്ചു. വൈസ് പ്രസിഡന്റ് സുദര്ശന് പ്രമേയം അവതരിപ്പിച്ചു. പ്രസിഡന്റ് ഡി. പ്രേം കുമാര് അദ്ധ്യക്ഷതയില് ചേര്ന്ന യോഗത്തിനു സിക്രട്ടറി ഷാജഹാന് സ്വാഗതം പറഞ്ഞു.
-
അബുദാബി കേരളാ സോഷ്യല് സെന്റര് കലാ വിഭാഗം പ്രവര്ത്ത നോദ്ഘാടനം മെയ് 15 ശനിയാഴ്ച രാത്രി 8:30 ന് കെ. എസ്. സി. അങ്കണത്തില് നടക്കും. സാംസ്കാരിക രംഗത്തെ പ്രമുഖര് പങ്കെടുക്കും. വൈക്കം മുഹമ്മദ് ബഷീറിന്റെ ‘മുച്ചീട്ടു കളിക്കാരന്റെ മകള്’ എന്ന കഥയുടെ നാടക രൂപാന്തരം ജാഫര് കുറ്റിപ്പുറം സംവിധാനം ചെയ്ത് അവതരിപ്പിക്കും.
ജയപ്രകാശ് കൂളൂര് രചിച്ച ‘പാലം’ എന്ന ചിത്രീകരണം, എസ്. എല്. പുരം സജി കുമാര് സംവിധാനം ചെയ്ത് അവതരിപ്പിക്കും.
വയലാര് കവിത യുടെ രംഗാ വിഷ്കാരം ‘താടക എന്ന ദ്രാവിഡ രാജ കുമാരി’ മധു പരവൂര് ഒരുക്കുന്നു. കൂടാതെ നാടന് പാട്ടുകളും നൃത്തങ്ങളും അരങ്ങേറും.
-
വായിക്കുക: അബുദാബി, കേരള സോഷ്യല് സെന്റര്, സംഘടന, സാംസ്കാരികം
ഫ്രണ്ട്സ് ഓഫ് ശാസ്ത്ര സാഹിത്യ പരിഷത്തിന്റെ ആറാം വാര്ഷികം മെയ് 14 വെള്ളിയാഴ്ച, ദുബായ് ഗള്ഫ് മോഡല് സ്കൂളില് വെച്ച് നടക്കുന്നു. രാവിലെ 9 മണിക്കു തുടങ്ങുന്ന സമ്മേളനത്തില് കേരള ശാസ്ത്ര സാഹിത്യ പരിഷത്ത് മുന് ജനറല് സെക്രട്ടറി ടി. ഗംഗാ ധരന് മാസ്റ്റര് മുഖ്യാതിഥി ആയിരിക്കും.
ഇന്ത്യാ സര്ക്കാരിന്റെ കേന്ദ്ര വിദ്യാഭ്യാസ ഉപദേശക സമിതി മെമ്പര് കൂടിയാണ് അദ്ദേഹം. അബുദാബി, ദുബായ്, ഷാര്ജ ചാപ്റ്ററുകളിലെ മുന്നൂറോളം അംഗങ്ങളെ പ്രതിനിധീകരിച്ച് 90 പേര് സമ്മേളനത്തില് പങ്കെടുക്കും.
‘കേരളത്തിന്റെ ഭൂവിനിയോഗവും വികസനവും’ എന്ന വിഷയത്തില് ടി. ഗംഗാധരന് മാഷുടെ പ്രഭാഷണവും തുടര്ന്ന് ചര്ച്ചയും ഉണ്ടായിരിക്കും.
കൂടുതല് വിവരങ്ങള്ക്ക്: 050 30 97 209, 06 57 25 810
-
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
