മാലെ: മാലിദ്വീപില്‍ സൈനിക അട്ടിമറിയെ തുടര്‍ന്ന് പ്രസിഡന്റ് മുഹമ്മദ് നഷീദ് രാജിവെച്ചു. അഴിമതിയാരോപണത്തെ തുടര്‍ന്നുണ്ടായ സംഭവങ്ങളാണ് ഇപ്പോള്‍ ഭരണ അട്ടിമറിയില്‍ എത്തിയിരിക്കുന്നത്. അഴിമതി ആരോപണത്തെ തുടര്‍ന്ന് ഒരു ജഡ്ജിയെ പുറത്താക്കാന്‍ പ്രസിഡന്റ് ഉത്തരവ് നല്‍കിയിരുന്നു. ഇതിനെതിരെ രൂക്ഷമായ പ്രതിഷേധവുമായി പ്രതിപക്ഷം രംഗത്ത് വന്നിരുന്നു. സൈന്യവും പൊലീസും ചേര്‍ന്നാണ് ഭരണത്തെ അട്ടിമറിച്ചത്. പ്രസിഡന്റ് മുഹമ്മദ് നഷീദ് രാജ്യം വിട്ടതായും സൂചനയുണ്ട്. കൊളംബോയിലെ മാലിദ്വീപ് ഹൈക്കമ്മീഷന്‍ വക്താവാണ് പ്രസിഡന്റിന്റെ രാജിക്കാര്യം പുറത്തുവിട്ടത്.
- ന്യൂസ് ഡെസ്ക്
