ഗള്‍ഫിലെ പ്രമുഖ ബിസിനസ്സ് സ്ഥാപനമായ റീജന്‍സി ഗ്രൂപ്പിന്റെ പുതിയ ഹൈപ്പര്‍ മാര്ക്കറ്റ് അല്‍ ഖെയില്‍ മാളില്‍ പ്രവര്‍ത്തനം ആരംഭിക്കുന്നു. ഗ്രാന്‍ ഹൈപ്പര്‍ എന്ന ഹൈപ്പര്‍മാര്‍ക്കറ്റിന്‍റേയും അല്‍ ഖൈല്‍ മാളിന്‍റേയും ഉദ്ഘാടനം നാളെയാണ് നടക്കുക. ദുബായ് കള്‍ച്ചറല്‍ ആന്‍ഡ് ആര്‍ട്സ് അതോററ്റി ചെയര്‍മാന്‍ ശൈഖ് മാജിദ് ബിന്‍ മുഹമ്മദ് ബിന്‍ റാഷിദ് അല്‍ മക്തൂം മുഖ്യാതിഥിയായിരിക്കും.
അല്‍ ഫത്താന്‍ പ്രോപ്പര്‍ട്ടീസിന്‍റെ ഉടമസ്ഥതയിലുളള പതിനാറായിരം ചതുരശ്രയടി വിസ്തീര്‍ണ്ണത്തിലാണ് അല്‍‍‍ഖൈല്‍ മാള്‍ ആന്‍റ് ഗ്രാന്‍റ് ഹൈപ്പര്‍ . മണി എക്സ്‍‍ചേഞ്ച്. ജ്വലറികള്‍,തൊഴില്‍ , താമസ കുടിയേറ്റ വകുപ്പ് എന്നിവയുടെ കേന്ദ്രങ്ങള്‍ എന്നിവയും ഇവിടെ ഉണ്ടാകുമെന്ന് ഉടസ്ഥര്‍ വാര്‍ത്താസമ്മേളനത്തില്‍ അറിയിച്ചു. റീജന്‍സി ഗ്രൂപ്പ് ചെയര്‍മാന്‍ ഷംസൂദ്ധീന്‍ ബിന്‍ മൊഹിയുദ്ദീന്‍, എംഡി അന്‍വര്‍ അമീന്‍ ചേലാട്ട്, അല്‍ ഫത്താന്‍ ഗ്രൂപ്പ് മാനേജര്‍ ബഷീര്‍ മുഹമ്മദ്, അബൂബക്കര്‍ മുഹമ്മദ്, പി.സൈതലവി എന്നിവര്‍ വാര്‍ത്താസമ്മേളനത്തില്‍ പങ്കെടുത്തു.
-
അനുബന്ധ വാര്‍ത്തകള്‍
വായിക്കുക: supermarket
