ഇന്ത്യന്‍ രൂപയുടെ മൂല്യത്തകര്‍ച്ച തുടരുന്നു

December 17th, 2011

മുംബൈ: ഡോളറുമായുള്ള ഇന്ത്യന്‍ രൂപയുടെ വിനിമയമൂല്യം അനുദിനം ഇടിഞ്ഞു കൊണ്ടിരിക്കുന്നു. ഇന്നലെ ഒരു ഡോളറിന് 53.71 ഇന്ത്യന്‍ രൂപ എന്ന നിരക്കില്‍ വ്യാപാരം അവസാനിപ്പിച്ചത് എന്നാല്‍ ഇന്ന് അത് വീണ്ടും ഇടിഞ്ഞ് 54.30 എന്ന നിലയിലേക്ക് എത്തി. വരും ദിവസങ്ങളിലും രൂപയുടെ മൂല്യം കുറയുവാനാണ് സാധ്യതയെന്നാണ് സാമ്പത്തിക വിദഗ്ദരുടെ വിലയിരുത്തല്‍. ഇങ്ങിനെ തുടര്‍ന്നാല്‍ വരും ദിവസങ്ങളില്‍ ഒരു പക്ഷെ ഇത് 55-56 വരെ എത്തുമെന്നാണ്‌ റിപ്പോര്‍ട്ടുകള്‍ നല്‍കുന്ന സൂചന. ചരിത്രത്തിലെ തന്നെ ഏറ്റവും വലിയ ഇടിവിലൂടെയാണ് ഇന്ത്യന്‍ രൂപ കടന്നു പോയ്ക്കൊണ്ടിരിക്കുന്നത്. രൂപയുടെ വിലയിടിവ് ഇറക്കുമതിയെ കാര്യമായി ബാധിക്കും. എണ്ണക്കമ്പനികളെ പെട്രോളിയം ഉല്പന്നങ്ങള്‍ക്ക് വില വര്‍ദ്ധിപ്പിക്കുവാന്‍ നിര്‍ബന്ധിതമാകും. പെട്രോളിന്റെ വില നിയന്ത്രണം സര്‍ക്കാര്‍ എടുത്തുകളഞ്ഞതിനാല്‍ കമ്പനികള്‍ക്ക് ഇക്കാര്യത്തില്‍ കൂടുതല്‍ സ്വാതന്ത്ര്യം ഉണ്ട്. രൂപയുടെ മൂല്യശോഷണവും പെട്രോളിയം ഉല്പന്നങ്ങളുടെ വിലവര്‍ദ്ധനവും തുടര്‍ന്നാല്‍ ഇന്ത്യന്‍ സമ്പദ് വ്യവസ്ഥയെ തന്നെ ഏറെ ദോഷകരമായി ബാധിക്കുന്ന വിധത്തിലാണ് കാര്യങ്ങള്‍ കൊണ്ടെത്തിക്കുക. ഓഹരിവിപണിയിലും ഇതിന്റെ പ്രതിഫലനം ഉണ്ടാകും. വിദേശ ഇന്ത്യക്കാരെ സംബന്ധിച്ച് രൂപയുടെ വിലയിടിവ് പ്രത്യക്ഷത്തില്‍ ഗുണകരമായി തോന്നാമെങ്കിലും ഇന്ത്യയില്‍ ഉല്പന്നങ്ങള്‍ക്കും സേവനങ്ങള്‍ക്കും ഉണ്ടാകുന്ന വിലവര്‍ദ്ധനവ് തിരിച്ചടിയാകും. എങ്കിലും വിനിമയ നിരക്കില്‍ അപ്രതീക്ഷിതമായി ലഭിച്ച വലിയ ആനുകൂല്യം മുതലാക്കുവാനുള്ള പ്രവണത പ്രവാസികള്‍ക്കിടയില്‍ വര്‍ദ്ധിച്ചിട്ടുണ്ട്.

-

വായിക്കുക: , , ,

Comments Off on ഇന്ത്യന്‍ രൂപയുടെ മൂല്യത്തകര്‍ച്ച തുടരുന്നു

പഞ്ചാബ് നാഷണല്‍ ബാങ്ക് കേരള വിപണിയില്‍ കൂടുതല്‍ ശ്രദ്ധ ചെലുത്തുമെന്ന്

May 2nd, 2010

പഞ്ചാബ് നാഷണല്‍ ബാങ്ക് കേരള വിപണിയില്‍ കൂടുതല്‍ ശ്രദ്ധ ചെലുത്തുമെന്ന് ചെയര്‍മാനും മാനേജിംഗ് ഡയറക്ടറുമായ കെ.ആര്‍ കാമത്ത് പറഞ്ഞു. നെടുങ്ങാടി ബാങ്കിനെ ഏറ്റെടുത്ത ശേഷം വേണ്ടത്ര ശ്രദ്ധ കേരള വിപണയില്‍ കാണിച്ചിട്ടില്ല എന്ന് ബോധ്യമുണ്ടെന്നും അദേഹം പറഞ്ഞു. ഇത് പരിഹരിക്കും.

ദുബായ് ഇന്‍റര്‍നാഷണല്‍ ഫിനാന്‍ഷ്യല്‍ സെന്‍ററില്‍ ശാഖ തുടങ്ങിയതുമായി ബന്ധപ്പെട്ട് വിളിച്ചുചേര്‍ത്ത വാര്‍ത്താസമ്മേളനത്തില്‍ സംസാരിക്കുകയായിരുന്നു അദേഹം. ബാങ്ക് സിഇഒ രാജ് കുമാര്‍ നായര്‍, മറ്റ് മുതിര്‍ന്ന ഉദ്യോഗസ്ഥര്‍ എന്നിവരും വാര്‍ത്തസമ്മേളനത്തല്‍ പങ്കെടുത്തു. ബാങ്കിന്‍റെ ദുബായ് ഡിഐഎഫ്സിയെ ശാഖ കേന്ദ്ര ധനകാര്യ സഹമന്ത്രി നമോ നാരേയ്ന്‍ മീന്‍ ഉദ്ഘാടനം ചെയ്തു.

-

വായിക്കുക: ,

അഭിപ്രായം എഴുതുക »

ബഹ്റിന്‍ ഫിനാന്‍സിന്‍റെ പുതിയ ഷോറൂം

February 15th, 2010

ബഹ്റിനിലെ ധനകാര്യ സ്ഥാപനമായ ബഹ്റിന്‍ ഫിനാന്‍സിന്‍റെ പുതിയ ഷോറൂം ഉദ്ഘാടനത്തോട് അനുബന്ധിച്ച് പുതിയ പദ്ധതികള്‍ ആരംഭിക്കുന്നു. പ്രവാസികള്‍ക്ക് ഏറെ ലാഭകരമായ എന്‍.ഇ.എഫ്.ടി പദ്ധതി ഇവയില്‍ പ്രധാനമാണെന്ന് അധികൃതര്‍ വ്യക്തമാക്കി.

-

വായിക്കുക: ,

അഭിപ്രായം എഴുതുക »

ഹിന്ദ് രത്തന്‍ പുരസ്ക്കാരം സീതാ രാമന്

January 28th, 2009

ദോഹാ ബാങ്കിന്റെ ചീഫ് എക്സിക്യൂട്ടിവ് ഓഫീസര്‍ ആയ ആര്‍. സീതാ രാമന് ഈ വര്‍ഷത്തെ ഹിന്ദ് രത്തന്‍ പുരസ്ക്കാരം സമ്മാനിച്ചു. മികച്ച സേവനത്തിനും നേട്ടങ്ങള്‍ക്കുള്ള അംഗീകാരം ആയും നല്‍കുന്ന ഈ പുരസ്ക്കാരം ജനുവരി 25ന് ഡല്‍ഹിയില്‍ നടന്ന 28‍ാമത് എന്‍. ആര്‍. ഐ. അന്താരാഷ്ട്ര കോണ്‍ഗ്രസില്‍ വെച്ചാണ് നല്‍കിയത്. എന്‍. ആര്‍. ഐ. വെല്‍ഫെയര്‍ സൊസൈറ്റി ഓഫ് ഇന്‍ഡ്യയുടെ പ്രസിഡന്റ് ഡോ. ഭീഷ്മ നാരായന്‍ സിങ്, മുന്‍ തെരഞ്ഞെടുപ്പ് കമ്മീഷണറും എന്‍. ആര്‍. ഐ. വെല്‍ഫെയര്‍ സൊസൈറ്റി ഉപദേശക സമിതി അംഗവും ആയ ഡോ. ജി. വി. ഗി. കൃഷ്ണമൂര്‍ത്തി എന്നിവര്‍ ചേര്‍ന്നാണ് ഈ ബഹുമതി അദ്ദേഹത്തിന് സമ്മാനിച്ചത്.

ചടങ്ങില്‍ പ്രമുഖ ബാങ്കിങ്, സാമ്പത്തിക, വിദ്യാഭ്യാസ വിദഗ്ദ്ധര്‍, വ്യവസായികള്‍ എന്നിവര്‍ സമ്മേളനത്തില്‍ പങ്കെടുത്തു.

- ജെ.എസ്.

വായിക്കുക:

അഭിപ്രായം എഴുതുക »


« അറ്റ്‍ലാന്‍റാ ജുവലറി മെഗാഡ്രോ
സ് കൈ ജ്വല്ലറിയുടെ ഏറ്റവും പുതിയ രണ്ട് ശാഖകള്‍ കുവൈറ്റില്‍ പ്രവര്‍ത്തനം ആരംഭിച്ചു »



Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine