സ്ത്രീകള്‍ക്ക് തങ്ങളുടെ കഴിവുകള്‍ പ്രകടിപ്പിക്കാന്‍ അവസരം ഒരുക്കുന്ന പ്രത്യേക പ്രദര്‍ശനം ദുബായില്‍ സംഘടിപ്പിക്കുന്നു. മെയ് 14 മുതല്‍ 19 വരെയാണ് വുമണ്‍ ബൊത്തിക് ഷോ എന്ന പേരിലുള്ള പ്രദര്‍ശനം നടക്കുകയെന്ന് സംഘാടകര്‍ ദുബായില്‍ വാര്‍ത്താ സമ്മേളനത്തില്‍ പറഞ്ഞു. ഫാഷന്‍, ജ്വല്ലറി ഡിസൈന്‍, കല, വ്യവസായം തുടങ്ങിയ മേഖലകളിലെ സ്ത്രീകള്‍ ഈ പ്രദര്‍ശനത്തില്‍ പങ്കെടുക്കും. റെഡ് ഓറഞ്ച് ഇവന്‍റ്സാണ് പരിപാടി സംഘടിപ്പിച്ചിരിക്കുന്നത്. പ്രദര്‍ശനത്തില്‍ പങ്കെടുക്കുന്നവര്‍ക്ക് തങ്ങളുടെ കഴിവുകള്‍ പ്രദര്‍ശിപ്പിക്കാനും ബിസിനസ് സാധ്യതകള്‍ ചര്‍ച്ച ചെയ്യാനും അവസരമുണ്ടാകുമെന്ന് റെഡ് ഓറഞ്ച് മേധാവി മേഘ്ന കോത്താരി പറഞ്ഞു.
-
