ഷാര്‍ജ എയര്‍ പോര്‍ട്ട് ട്രാവല്‍ ഏജന്‍സി – സാറ്റയുടെ വിസ ഡെപ്പോസിറ്റ് സേവനം ഇനി മുതല്‍ അവരുടെ എല്ലാ ഔട്ട്ലെറ്റുകള്‍ വഴിയും ലഭ്യമാകും. ഷാര്‍ജ വിമാനത്താവളത്തിനു പുറമേ, റോളയിലേയും ഇന്‍ഡസ്ട്രിയല്‍ ഏര്യയിലേയും ഔട്ലെറ്റുകളിലും ഇനി വിസ നിക്ഷേപിക്കാന്‍ സാധിക്കുമെന്ന് അധികൃതര്‍ അറിയിച്ചു.
റോള ഔട്ട് ലെറ്റില്‍ രാവിലെ എട്ടുമണി മുതല്‍ ഉച്ചയ്ക്കു ഒരു മണിവരെയും വൈകിട്ട് നാലു മുതല്‍ രാത്രി എട്ടുവരെയും വിസ നിക്ഷേപിക്കാം. ഇന്‍ഡസ്ട്രിയല്‍ ഏര്യയില്‍ രാവിലെ ഒന്‍പതു മുതല്‍ ഉച്ചയ്ക്കു ഒരു മണിവരെയും വൈകിട്ട് അഞ്ചു മുതല്‍ രാത്രി ഒന്‍പതു വരെയും സേവനം ലഭ്യമാണ്.
ഇതുവരെ വിമാനത്താവളത്തിലെ സാറ്റ ഔട്ട് ലെറ്റില്‍ മാത്രമാണ് വിസ നിക്ഷേപിക്കാന്‍ സൗകര്യമുണ്ടായിരുന്നത്. വിമാനത്താവളത്തില്‍ 24 മണിക്കൂറും വിസ നിക്ഷേപിക്കാം.
-
