യു.എ.ഇയിലെ പ്രമുഖ റീട്ടെയ്ല്‍ ശൃംഖലയായ കാര്‍ ഫോര്‍ ഇക്കോ ബാഗ് പുറത്തിറക്കി. ദുബായില്‍ ഇന്നലെ നടന്ന ചടങ്ങിലാണ് ഇക്കോ ബാഗ് പുറത്തിറക്കിയത്. റീ സൈക്കിള്‍ ചെയ്യാവുന്ന ഈ ബാഗുകള്‍ 50 ഫില്‍സിന് ലഭിക്കും. ബാഗുകള്‍ ഉപയോഗിച്ച് ചീത്തയായാല്‍ തുക ഈടാക്കതെ മാറ്റി നല്‍കും. യു.എ.ഇയ്ക്ക് പുറമേ ഒമാന്‍, ഖത്തര്‍, കുവൈറ്റ് എന്നിവിടങ്ങളിലെ തങ്ങളുടെ ഔട്ട് ലറ്റുകളിലും ഈ ബാഗുകള്‍ ലഭിക്കുമെന്ന് കാര്‍ ഫോര്‍ വൈസ് പ്രസിഡന്റ് ജീന്‍ ലൂക്ക് വാര്‍ത്താ സമ്മേളനത്തില്‍ പറഞ്ഞു. യു.എ.ഇ പരിസ്ഥിതി മന്ത്രാലയം എന്‍വയോണ്‍മെന്‍ര് അഡ്വൈസര്‍ ഡോ. സാദ് അല്‍ നുമൈരി, കാര്‍ ഫോര്‍ സീനിയര്‍ വൈസ് പ്രസിഡന്റ് ഹെന്‍റി എന്നിവരും വാര്‍ത്താ സമ്മേളനത്തില്‍ പങ്കെടുത്തു.
-
