ബി. ആര്‍. മെഡിക്കല്‍ സ്യൂട്ട്സ്‌ ഉദ്ഘാടനം ചെയ്തു

March 22nd, 2011

br-medical-suites-opening-epathram

ദുബായ്‌ : ദുബായ്‌ ഹെല്‍ത്ത്‌ കെയര്‍ സിറ്റിയില്‍ പ്രമുഖ ഇന്ത്യന്‍ വ്യവസായി പത്മശ്രീ ഡോ. ബി. ആര്‍. ഷെട്ടിയുടെ ബി. ആര്‍. മെഡിക്കല്‍ സ്യൂട്ട്സ്‌ ഉദ്ഘാടനം ചെയ്തു. ലോകോത്തര സംവിധാനങ്ങളുള്ള 21 ക്ലിനിക്കുകളുടെ സമുച്ചയമായ ബി. ആര്‍. മെഡിക്കല്‍ സ്യൂട്ട്സ്‌ വര്‍ണ്ണാഭമായ ചടങ്ങില്‍ ദുബായ്‌ ഹെല്‍ത്ത്‌ അതോറിറ്റി ഡയറക്ടര്‍ ജനറല്‍ ഖാദി സഈദ്‌ അല്‍ മുരൂഷിദ് ഉദ്ഘാടനം ചെയ്തു. ബി. ആര്‍. മെഡിക്കല്‍ സ്യൂട്ട്സ്‌ ചെയര്‍മാനും മാനേജിംഗ് ഡയറക്ടറുമായ ഡോ. ബി. ആര്‍. ഷെട്ടി, ഹെല്‍ത്ത്‌ കെയര്‍ സിറ്റിയുടെ സംരംഭകരായ ടീകോം ഇന്‍വെസ്റ്റ്‌മെന്റ്‌സ് സയന്‍സ് ക്ലസ്റ്റര്‍ മാനേജിംഗ് ഡയറക്ടര്‍ ഡോ. ഐഷ അബ്ദുള്ള എന്നിവരെ കൂടാതെ വിവിധ മേഖലകളിലെ ഉന്നതരുടെ സാന്നിദ്ധ്യത്തിലാണ് ചടങ്ങ് നടന്നത്.

br-medical-suites-br-shetty-epathram

ആതുര സേവന രംഗത്തെ സേവനങ്ങള്‍ മാനിച്ച് 2005ല്‍ അബുദാബി ഭരണകൂടം നല്‍കിയ “ഓര്‍ഡര്‍ ഓഫ് അബുദാബി” പുരസ്കാരം ഉള്‍പ്പെടെ ശ്രദ്ധേയമായ നിരവധി അംഗീകാരങ്ങള്‍ നേടിയിട്ടുള്ള ഡോ. ബി. ആര്‍. ഷെട്ടി ന്യൂ മെഡിക്കല്‍ സെന്ററിലൂടെ യാണ് തന്റെ വിപുലമായ ബിസിനസ് സാമ്രാജ്യത്തിന് അടിത്തറയിട്ടത്. കര്‍ണ്ണാടകയിലെ ഉടുപ്പി സ്വദേശിയായ ഡോ. ഷെട്ടി പിന്നീട് ഇന്ത്യയിലും വിവിധ സംരംഭങ്ങള്‍ പടുത്തുയര്‍ത്തി. പത്മശ്രീ, പ്രവാസി ഭാരതി സമ്മാന്‍ തുടങ്ങിയ അംഗീകാരങ്ങള്‍ നല്‍കി ഇന്ത്യ അദ്ദേഹത്തെ ആദരിച്ചു.

പത്നി ഡോ. സി. ആര്‍. ഷെട്ടിയാണ് എന്‍. എം. സി. ഹോസ്പിറ്റല്‍ ശൃംഖല നിയന്ത്രിക്കുന്നത്.

- ജെ.എസ്.

വായിക്കുക: ,

അഭിപ്രായം എഴുതുക »

ലൈഫ്‌ ലൈന്‍ സൌജന്യ മാമോഗ്രഫി കാമ്പയിന്‍

March 9th, 2011

lifeline-hospital-group-abudhabi-epathram

അബുദാബി : സ്തനാര്‍ബുദം കണ്ടെത്തുന്നതിനും പ്രതിരോധ ചികിത്സ നിര്‍ണ്ണയിക്കുന്നതിനും ഫലപ്രദമായ ചികിത്സാ രീതിയായ മാമോഗ്രഫി യുടെ സേവനം ജനങ്ങളില്‍ എത്തിക്കുന്ന തിനു വേണ്ടി ലൈഫ് ലൈന്‍ ആശുപത്രി സൌജന്യമായി നടത്തുന്ന കാമ്പയിന് തുടക്കമായി.

അന്തര്‍ദേശീയ വനിതാ ദിനാചരണ ത്തിന്‍റെ ഭാഗമായി ‘ഫോര്‍ യുവര്‍ ബെറ്റര്‍ ഹാഫ്’ എന്ന പേരില്‍ ഒരുക്കുന്ന മൊബൈല്‍ മാമോഗ്രഫി, അബുദാബി ഖാലിദിയാ മാളില്‍ മാര്‍ച്ച് 8 ചൊവ്വാഴ്ച മുതല്‍ 11 വെള്ളിയാഴ്ച വരെ വൈകീട്ട് 3 മണി മുതല്‍ 10 മണി വരെ സൌജന്യ പരിശോധന നടത്താം.

അതു പോലെ തന്നെ യു. എ. ഇ. യുടെ പശ്ചിമ മേഖല യിലും ഇതേ ദിവസ ങ്ങളില്‍ ‘ഫോര്‍ യുവര്‍ ബെറ്റര്‍ ഹാഫ്’ മൊബൈല്‍ മാമോഗ്രഫി പര്യടനം ഉണ്ടായിരിക്കും.

ഗള്‍ഫില്‍ ആദ്യമായാണ് സ്വകാര്യ മേഖല യില്‍ ഇത്തരമൊരു സംരംഭം. അബുദാബി യില്‍ മാമോഗ്രഫി യൂണിറ്റിന്റെ സേവനം ലഭിക്കുവാന്‍ ബന്ധപ്പെടുക : 02 – 22 22 332

-

വായിക്കുക:

അഭിപ്രായം എഴുതുക »

സൗജന്യ മൊബൈല്‍ മാമോഗ്രഫി യൂണിറ്റ് അബുദാബിയില്‍

October 24th, 2010

lifeline-hospital-abudhabi-epathram

അബുദാബി: സ്തനാര്‍ബുദം കണ്ടെത്തുന്നതിനും പ്രതിരോധ ചികിത്സ നിര്‍ണ്ണ യിക്കുന്ന തിനും ഫലപ്രദമായ ചികിത്സാ രീതിയായ മാമോഗ്രഫി യുടെ സേവനം ജനങ്ങളില്‍ എത്തിക്കുന്നതിനു വേണ്ടി ലൈഫ് ലൈന്‍ ആശുപത്രി സൗജന്യമായി നല്‍കിയ മൊബൈല്‍ മാമോഗ്രഫി യൂണിറ്റ് അബുദാബി ആരോഗ്യ വകുപ്പ്‌ ചെയര്‍മാന്‍ ഡോ. അഹമ്മദ് മുബാറക് അല്‍ മസ്‌റൂയി ഉദ്ഘാടനം ചെയ്തു.

lifeline-hospital-group-abudhabi-epathram

ഗള്‍ഫില്‍ ആദ്യമായാണ് സ്വകാര്യ മേഖലയില്‍ ഇത്തരമൊരു സംരംഭം എന്ന്‍ ലൈഫ് ലൈന്‍ ആശുപത്രി മാനേജിംഗ് ഡയറക്ടര്‍ ഡോ. വി. പി. ഷംസീര്‍ പറഞ്ഞു. അബുദാബി യില്‍ മാമോഗ്രഫി യൂണിറ്റിന്റെ സേവനം ലഭിക്കുവാന്‍ ബന്ധപ്പെടുക : 02 22 22 332, 050 66 17 200

-

വായിക്കുക: ,

അഭിപ്രായം എഴുതുക »

അഹല്യ ആശുപത്രിക്ക് അംഗീകാരം

June 4th, 2010

ahalya-hospitalഅബുദാബി : കാല്‍ നൂറ്റാണ്ടായി ആരോഗ്യ – ആതുര സേവന രംഗത്ത്‌ മികച്ച സേവനം കാഴ്ച വെച്ച അഹല്യാ ആശുപത്രിക്ക് വീണ്ടുമൊരു അംഗീകാരം. ഈ രംഗത്തെ ഏറ്റവും ഉയര്‍ന്ന അന്താരാഷ്‌ട്ര അംഗീകാരമായ JCI (ജോയിന്‍റ് കമ്മീഷന്‍ ഇന്‍റര്‍നാഷണല്‍) പുരസ്കാരമാണ് അഹല്യയ്ക്ക് ലഭിച്ചത്. JCI USA വിദഗ്ദ്ധ സംഘത്തിന്‍റെ വിശദമായ പരിശോധന കള്‍ക്കൊടുവിലാണ് അഹല്യക്ക് ഈ അംഗീകാരം ലഭിച്ചത്‌. ISO – 9001- 2008 അംഗീകാരം നേടിയിട്ടുള്ള അഹല്യ ആശുപത്രി, അബുദാബി സര്‍ക്കാര്‍ ഏര്‍പ്പടുത്തിയ ശൈഖ് ഖലീഫ അപ്രിസിയേഷന്‍ പുരസ്കാരം ഇതിനകം രണ്ടു തവണ നേടിയിട്ടുണ്ട്.

ലോകത്ത്‌ ഒട്ടാകെ 39 രാജ്യങ്ങളിലായി ഇപ്പോള്‍ മുന്നൂറോളം ആശുപത്രികള്‍ JCI അംഗീകൃത മായിട്ടുണ്ട്. ഇന്‍ഫെക്ഷന്‍ കണ്‍ട്രോള്‍, മെഡിക്കേഷന്‍ സേഫ്ടി, ഫെസിലിറ്റി സേഫ്ടി എന്നീ മൂല്യങ്ങള്‍ക്ക്‌ ഊന്നല്‍ കൊടുത്തു കൊണ്ടാണ്‌ ആശുപത്രികളുടെ ഗുണ നിലവാരവും രോഗികളുടെ സുരക്ഷിതത്വവും JCI ഉറപ്പു വരുത്തുന്നത്.

jci-award-ahalya

അഹല്യയ്ക്ക് ജെ.സി.ഐ. പുരസ്കാരം

അബുദാബി യിലെ ഹംദാന്‍ റോഡില്‍, എല്ലാ ആധുനിക ചികില്‍സാ സൌകര്യ ങ്ങളോടും കൂടി സജ്ജമാക്കിയിട്ടുള്ള അഹല്യക്ക് യു. എ. ഇ. യില്‍ 8 ശാഖകള്‍ ഉണ്ട്.

മുസ്സഫ യില്‍ അടുത്ത രണ്ടു വര്‍ഷത്തിനകം പ്രവര്‍ത്തനം ആരംഭിക്കുന്ന 100 കിടക്കകള്‍ ഉള്ള ആശുപത്രിയാണ് പുതിയ സംരംഭം. ഇതിന് 200 മില്യണ്‍ ദിര്‍ഹം ചെലവ് പ്രതീക്ഷിക്കുന്നുണ്ട്‌. കൂടാതെ യു. എ. ഇ. യിലെ എല്ലാ എമിറേറ്റു കളിലും മെഡിക്കല്‍ സെന്‍ററു കളും ഫാര്‍മസികളും സ്ഥാപിക്കാന്‍ അഹല്യ ഗ്രൂപ്പ് ഒരുങ്ങുന്നു.

അഹല്യയുടെ കേരളത്തിലെ സംരംഭമായ പാലക്കാട് അഹല്യ ഫൌണ്ടേഷന്‍ കണ്ണാശുപത്രിയും JCI അംഗീകാരം നേടിയിട്ടുണ്ട്. ഈ വിഭാഗത്തില്‍ കേരളത്തിലെ ആദ്യ പുരസ്കാര ജേതാവാണ് അഹല്യ.

അഹല്യ ആശുപത്രിയുടെ ഇരുപത്തി അഞ്ചാം വാര്‍ഷിക ആഘോഷങ്ങളുടെ ഭാഗമായി അഹല്യ ഫൌണ്ടേഷന്‍ കണ്ണാശുപത്രി യില്‍ പാവപ്പെട്ട നൂറു പേര്‍ക്ക് സൗജന്യമായി നേത്ര ശസ്ത്രക്രിയ നടത്തും. അബുദാബി യിലെ അംഗീകൃത സംഘടനകള്‍ മുഖാന്തരം തിരഞ്ഞെടുക്ക പ്പെടുന്ന വര്‍ക്കാണ് ഈ സൗജന്യ ശസ്ത്രക്രിയ ലഭ്യമാകുക. ഇന്ത്യാ സോഷ്യല്‍ സെന്‍റര്‍, അബുദാബി മലയാളി സമാജം, കേരള സോഷ്യല്‍ സെന്‍റര്‍, ഇന്ത്യന്‍ ഇസ്‌ലാമിക് സെന്‍റര്‍, ഇന്ത്യ ലേഡീസ് അസോസിയേഷന്‍ എന്നിവയുമായി ബന്ധപ്പെട്ടാല്‍ ഇതിനുള്ള സേവനം ലഭിയ്ക്കും.

സമൂഹത്തിലെ എല്ലാവര്‍ക്കും ഏതു സമയത്തും ഉന്നത നിലവാര മുള്ള സുരക്ഷിത മായ ആരോഗ്യ പരിരക്ഷ നല്‍കുകയാണ് ലക്ഷ്യം എന്ന് JCI അംഗീകാരം നേടിയ വിവരം അറിയിക്കുന്നതി നായി വിളിച്ചു ചേര്‍ത്ത പത്ര സമ്മേളനത്തില്‍ അഹല്യ ​മെഡിക്കല്‍ ഡയറക്ടര്‍ ഡോ. വി. ആര്‍. അനില്‍ കുമാര്‍ അറിയിച്ചു.

- ജെ.എസ്.

വായിക്കുക:

അഭിപ്രായം എഴുതുക »

നസീം അല്‍ റബീഹ് മെഡിക്കല്‍ സെന്റര്‍ തുറന്നു

March 3rd, 2009

ദോഹ: ഗള്‍ഫിലെ മികച്ച മെഡിക്കല്‍ ഗ്രൂപ്പായ ഷിഫാ അല്‍ ജസീറയുടെ രണ്ടാമത് ശാഖ നസീം അല്‍ റബീഹ് മെഡിക്കല്‍ സെന്റര്‍ ഖത്തറില്‍ ആരംഭിച്ചു. ബിര്‍ള പബ്ലിക് സ്‌കൂളിന് എതിര്‍ വശത്ത് വെള്ളിയാഴ്ച വൈകിട്ടാണ് ശാഖ പൊതു ജനങ്ങള്‍ക്കായി തുറന്നു കൊടുത്തത്.

ഷിഫാ അല്‍ജസീറ ഗ്രൂപ്പിന്റെ ജനറല്‍ മാനേജര്‍ കെ. ടി. റബീഉള്ളയുടെ അധ്യക്ഷതയില്‍ ഗള്‍ഫാര്‍ മുഹമ്മദലി ഉദ്ഘാടനം ചെയ്തു. മുസ്‌ലിം ലീഗ് സംസ്ഥാന നിര്‍വാഹക സമിതിയംഗം പാണക്കാട് സയ്യിദ് ബഷീറലി ശിഹാബ് തങ്ങള്‍ മുഖ്യാതിഥിയായിരുന്നു. ദോഹ നസീം അല്‍ റബീഹ് അസിസ്റ്റന്റ് ജനറല്‍ മാനേജര്‍ ഡോ. അബ്ദുസമദ് അതിഥികളെ സ്വീകരിച്ചു.

പരിശോധനാ ഫീസ് വാങ്ങാതെയുള്ള ചികിത്സാ സംവിധാനം മാര്‍ച്ച് എട്ടു വരെ തുടരും. താഴ്ന്ന വരുമാന ക്കാര്‍ക്കായി അഞ്ചു ലക്ഷം പ്രത്യേക മെഡിക്കല്‍ കെയര്‍ കാര്‍ഡുകളും ഗ്രൂപ്പ് പുറത്തിറ ക്കിയിട്ടുണ്ട്. ലേബര്‍ ക്യാമ്പുകളില്‍ ഇവ എത്തിക്കാനും സംവിധാന മൊരുക്കിയിട്ടുണ്ട്. ജനറല്‍, ദന്തല്‍ ഡോക്ടര്‍മാര്‍ക്ക് 20 റിയാലും സ്‌പെഷലിസ്റ്റ് ഡോക്ടര്‍മാര്‍ക്ക് 30 റിയാലും ആണ് കാര്‍ഡ് മുഖേന ലഭ്യമാവുന്ന ആനുകൂല്യം.

ലുലു ഖത്തര്‍ റീജ്യണല്‍ ഡയറക്ടര്‍ മുഹമ്മദ് അല്‍താഫ്, എം. ഇ. എസ്. മാനേജിങ് കമ്മിറ്റി പ്രസിഡന്റ് കെ. പി. അബ്ദുല്‍ ഹമീദ്, ഇന്ത്യന്‍ കമ്യൂണിസ്റ്റ് ബെനവലന്റ് ഫണ്ട് പ്രസിഡന്റ് ഡോ. മോഹന്‍ തോമസ്, നോര്‍ക്ക റൂട്‌സ് ഡയറക്ടര്‍ കെ. കെ. ശങ്കരന്‍, അല്‍റഫാ പോളി ക്ലിനിക് മാനേജിങ് ഡയറക്ടര്‍ ഡോ. സമീര്‍ മൂപ്പന്‍, കേരളാ ഇസ്‌ലാമിക് സെന്റര്‍ പ്രസിഡന്റ് എ. വി. അബൂബക്കര്‍ അല്‍ ഖാസിമി, എ. പി. അബ്ദു റഹ്മാന്‍, സിദ്ധിഖ് വലിയകത്ത്, ബ്രിഗേഡിയര്‍ യൂസുഫ് അല്‍ ജാസിം, എസ്. എ. എം. ബഷീര്‍, ലെഫ്റ്റനന്റ് കേണല്‍ അബ്ദുല്ലാ ഉബൈദലി, അലി പള്ളിയത്ത്, ശംസുദ്ദീന്‍ ഒളകര, കെ. പി. നൂറുദ്ദീന്‍, അടിയോട്ടില്‍ അഹ്മദ്, കുഞ്ഞി മുഹമ്മദ് പേരാമ്പ്ര, അഡ്വ. വണ്ടൂര്‍ അബൂബക്കര്‍, നിഅമത്തുല്ല കോട്ടക്കല്‍, എം. പി. ഷാഫി ഹാജി, ഇബ്രാഹിം അല്‍ ഫര്‍ദാന്‍, കെ. കെ. ഉസ്മാന്‍, സമദ് നരിപ്പറ്റ, വിവിധ സ്ഥലങ്ങളിലെ ഷിഫാ അല്‍ ജസീറാ ഗ്രൂപ്പിന്റെ സാരഥികളായ ലത്തീഫ് കാസര്‍ഗോഡ് (മസ്‌കറ്റ്), ഇബ്രാഹിം കുട്ടി (കുവൈത്ത്), കെ. ടി. മുഹമ്മദലി, ഡോ. സുബ്രഹ്മണ്യന്‍, മൂസ അഹ്മദ് (ബഹ്‌റൈന്‍), വി. കെ. സമദ് (ജിദ്ദ), മുജീബ് അടാട്ടില്‍ (ബഹ്‌റൈന്‍), അഷ്‌റഫ് വേങ്ങാട്ട് (റിയാദ്), പേഴ്‌സണല്‍ മാനേജര്‍ കെ. പി. സക്കീര്‍, ഫിനാന്‍സ് മാനേജര്‍ കെ. ടി. മുഹമ്മദ്‌ കോയ, നസീം അല്‍ റബീഹ് ദോഹ മെഡിക്കല്‍ ഡയറക്ടര്‍ ഡോ. രവീന്ദ്രന്‍ നായര്‍, ഡോ. ഹാരിദ് മുഹമ്മദ്, ഡോ. ഇഖ്ബാല്‍, ഡോ. ബോബി കുര്യന്‍, ഡോ. അജിത് കുമാര്‍, ഡോ. നിസ, ഡോ. വസീര്‍ അഹ്മദ്, സി. എച്ച്. ഇബ്രാഹിം, അഷ്‌റഫ് മഞ്ചേരി, ഫൈസല്‍ കോടൂര്‍ തുടങ്ങിയവര്‍ സംബന്ധിച്ചു.

മുഹമ്മദ് സഗീര്‍ പണ്ടാരത്തില്‍, ഖത്തര്‍

- ജെ.എസ്.

വായിക്കുക:

അഭിപ്രായം എഴുതുക »


« ഗോള്‍ഡ് ലിങ്ക് എന്ന നിക്ഷേപ സ്ഥാപനത്തിനെതിരെ പരാതി
യു.എ.ഇ എക്സ് ചേഞ്ചിന് ഷാര്ജ സര്‍ക്കാരിന്റെ അവാര്‍ഡ് »



Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine