ആരോഗ്യ ബോധവല്‍ക്കരണം അത്യന്താപേക്ഷിതം

November 27th, 2010

health-plus-medical-camp-0-epathram

ദുബായ്‌ : പ്രമേഹ രോഗ ബോധവല്‍ക്കരണ ത്തിനായി ഇമ്പീരിയല്‍ കോളജ്‌ ലണ്ടന്‍ ഡയബിറ്റിസ് സെന്റര്‍ (Imperial College London Diabetes Centre – ICLDC) അബുദാബിയിലെ യാസ് മറീന എഫ്-1 സര്‍ക്യൂട്ടില്‍ സംഘടിപ്പിച്ച നാലാമത്  “വോക്ക് യു.എ.ഇ. 2010” (Walk UAE 2010) നടന്ന അതേ ദിവസം തന്നെ പ്രവാസികളില്‍ ഭൂരിഭാഗമായ മലയാളികളിലേക്കും ആരോഗ്യ സംരക്ഷണ ബോധവല്‍ക്കരണം എത്തിക്കുക എന്ന ഉദ്ദേശത്തില്‍ ദുബായില്‍ ഹെല്‍ത്ത്‌ പ്ലസ്‌ ക്ലിനിക്കിന്റെ ആഭിമുഖ്യത്തില്‍ സൌജന്യ ആരോഗ്യ പരിശോധനാ ക്യാമ്പ്‌ നടത്തി.

പാലക്കാട്‌ അസോസിയേഷന്‍ യു. എ. ഇ. നടത്തിയ പാലക്കാട്‌ ഷട്ടില്‍ ടൂര്‍ണമെന്റ് 2010 നോടനുബന്ധിച്ചാണ് ഹെല്‍ത്ത്‌ പ്ലസ്‌ ക്ലിനിക്‌ സൌജന്യ വൈദ്യ – ദന്ത പരിശോധനാ ക്യാമ്പ്‌ സംഘടിപ്പിച്ചത്. ആയിരത്തി ഇരുന്നൂറോളം അംഗങ്ങളുള്ള പാലക്കാട്‌ അസോസിയേഷന്‍ സംഘടിപ്പിച്ച ഷട്ടില്‍ ടൂര്‍ണമെന്റില്‍ പങ്കെടുത്ത കുടുംബങ്ങളാണ് വൈദ്യ പരിശോധനയില്‍ പങ്കെടുത്തത്.

ദുബായ്‌ കരാമയില്‍ ബര്‍ജുമാന്‍ സെന്ററിനു എതിര്‍ വശത്തുള്ള അവന്യു ബില്‍ഡിംഗില്‍ പ്രവര്‍ത്തിക്കുന്ന ഏറ്റവും ആധുനിക സൌകര്യങ്ങളോട് കൂടിയ ഹെല്‍ത്ത്‌ പ്ലസ്‌ ക്ലിനിക്കിലെ വിദഗ്ദ്ധ ഡോക്ടര്‍മാരുടെ മേല്‍നോട്ടത്തില്‍ സംഘടനാ അംഗങ്ങളുടെ രക്ത സമ്മര്‍ദ്ദം, പ്രമേഹം എന്നിവയ്ക്കുള്ള പരിശോധനകള്‍ക്ക് പുറമേ സമ്പൂര്‍ണ്ണമായ ആരോഗ്യ പരിശോധനകളും നടത്തി. കൂടുതല്‍ പരിചരണം വേണ്ടവര്‍ക്ക് അതിനുള്ള നിര്‍ദ്ദേശങ്ങളും ഉപദേശങ്ങളും നല്‍കിയത്‌ പരിശോധനകള്‍ക്ക്‌ വിധേയരായവര്‍ക്ക്‌ ഏറെ ഉപകാരപ്രദമായതായി പങ്കെടുത്തവര്‍ അറിയിച്ചു.

യു.എ.ഇ. യിലെ ആരോഗ്യ രംഗത്ത്‌ പതിറ്റാണ്ടുകളുടെ പരിചയ സമ്പത്തുള്ള കോഴിക്കോട്‌ സ്വദേശിയായ സുമ രവീന്ദ്രന്റെ നേതൃത്വത്തില്‍ ദുബായ്‌ കരാമയില്‍ പ്രവര്‍ത്തിക്കുന്ന ഹെല്‍ത്ത്‌ പ്ലസ്‌ ക്ലിനിക്ക്‌ ആരോഗ്യ പരിചരണ രംഗത്ത്‌ സ്തുത്യര്‍ഹമായ സേവനമാണ് കാഴ്ച വെക്കുന്നത്.

suma-ravindran-epathram

ഹെല്‍ത്ത്‌ പ്ലസ്‌ ഗ്രൂപ്പ്‌ ഡയറക്ടര്‍ സുമ രവീന്ദ്രന്‍

യു.എ.ഇ. യിലെ അഞ്ചില്‍ ഒരാള്‍ക്ക്‌ പ്രമേഹം ഉണ്ടെന്നാണ് കണ്ടെത്തിയിരിക്കുന്നത്. അതായത്‌ ജനസംഖ്യയില്‍ 20 ശതമാനം പേര്‍ക്ക്. പ്രമേഹ നിരക്കിന്റെ കാര്യത്തില്‍ ഇത് ലോകത്തിലെ രണ്ടാം സ്ഥാനമാണ് യു.എ.ഇ.ക്ക് നല്‍കുന്നത്. ഒന്നാം സ്ഥാനം ന്യൂസീലാന്‍ഡിന് അടുത്തുള്ള വളരെ കുറച്ചു മാത്രം ജനവാസമുള്ള നൌറു ദ്വീപിനാണ്. ആ നിലക്ക് പ്രമേഹ ബോധവല്‍ക്കരണം ഏറ്റവും അധികം ആവശ്യമുള്ള രാജ്യമാണ് യു.എ.ഇ. യു.എ.ഇ. യുടെ വാര്‍ഷിക ആരോഗ്യ ബഡ്ജറ്റിന്റെ 40 ശതമാനം ചിലവാകുന്നത് പ്രമേഹ രോഗ ചികിത്സയ്ക്കാണ്. സ്വദേശികളില്‍ 75 ശതമാനവും പ്രവാസികളില്‍ 31 ശതമാനവും പേര്‍ മരണമടയുന്നത് പ്രമേഹം മൂലമാണ്.

പത്ത് വയസ് പ്രായമുള്ള കുട്ടികളില്‍ പോലും ഇവിടെ പ്രമേഹം കാണപ്പെടുന്നു. അമിത വണ്ണം, തെറ്റായ ഭക്ഷണ രീതി, മതിയായ വ്യായാമത്തിന്റെ അഭാവം, മാനസിക പിരിമുറുക്കം എന്നിവയാണ് ഈ അവസ്ഥയ്ക്ക് കാരണം. വീട്ടില്‍ നിന്നും സ്ക്കൂള്‍ ബസ്‌ വരെയും, സ്ക്കൂള്‍ ബസില്‍ നിന്നും ഇറങ്ങി സ്ക്കൂള്‍ വരെയും നടക്കുന്ന ഏതാനും ചുവടുകള്‍ മാത്രമാണ് ഒരു ശരാശരി വിദ്യാര്‍ത്ഥിയുടെ ഒരു ദിവസത്തെ ശാരീരിക അദ്ധ്വാനം. ഇതിനു പുറമേ തിരക്കേറിയ ജീവിതം  നയിക്കുന്ന അച്ഛനമ്മമാരുടെ സൌകര്യാര്‍ത്ഥം കുട്ടികള്‍ക്ക്‌ നല്‍കുന്ന ഫാസ്റ്റ്‌ ഫുഡ്‌ ഭക്ഷണം കൂടിയാകുമ്പോള്‍ പ്രമേഹം ഉറപ്പാവുന്നു. ഇരുപത് വയസിനു താഴെയുള്ള 680,000 ത്തോളം കുട്ടികള്‍ക്കാണ് യു.എ.ഇ. യില്‍ പ്രമേഹം കണ്ടെത്തിയിട്ടുള്ളത്‌. ഇനിയും രോഗം കണ്ടെത്തപ്പെടാത്തവര്‍ എത്രയോ ഏറെ ഉണ്ടാവും.

ഈ സാഹചര്യത്തില്‍ പ്രവാസി മലയാളികളുടെ ഇടയില്‍ ആരോഗ്യ ബോധവല്‍ക്കരണം അത്യന്താപേക്ഷിതമാണ് എന്നതാണ് ഇത്തരമൊരു ക്യാമ്പ്‌ സംഘടിപ്പിക്കുവാന്‍ പ്രചോദനമായത് എന്ന് ക്യാമ്പിന് നേതൃത്വം നല്‍കിയ ഹെല്‍ത്ത്‌ പ്ലസ്‌ ഗ്രൂപ്പ്‌ ഡയറക്ടര്‍ സുമ രവീന്ദ്രന്‍ അറിയിച്ചു. ഇന്നലെ തങ്ങള്‍ നടത്തിയ സൌജന്യ ആരോഗ്യ പരിശോധനാ ക്യാമ്പില്‍ നിരവധി പേര്‍ക്ക് പ്രമേഹത്തിന്റെ ലക്ഷണങ്ങള്‍ കണ്ടെത്തുകയുണ്ടായി. കൂടുതല്‍ വിശദമായ പരിശോധനകള്‍ നടത്തി രോഗ നിര്‍ണ്ണയം നടത്താന്‍ ഇവരെ ഉപദേശിക്കുകയും ചെയ്തു. ശരിയായ ജീവിത രീതിയും ചികിത്സയും കൊണ്ട് പ്രമേഹത്തെ നിയന്ത്രിച്ച് ആരോഗ്യ പൂര്‍ണ്ണമായ ജീവിതം ആസ്വദിക്കാനാവും. ഈ ബോധവല്‍ക്കരണമാണ് തങ്ങളുടെ ലക്ഷ്യം.

health-plus-medical-camp-epathram

കൂടുതല്‍ ചിത്രങ്ങള്‍ക്ക് മുകളിലെ ചിത്രത്തില്‍ ക്ലിക്ക്‌ ചെയ്യുക

മിതമായ നിരക്കില്‍ ഏറ്റവും മികച്ച പരിചരണമാണ് ഹെല്‍ത്ത്‌ പ്ലസ്‌ ഗ്രൂപ്‌ നല്‍കുന്നത്. ഏറ്റവും ആധുനികമായ സജ്ജീകരണങ്ങള്‍ ഒരുക്കിയിട്ടുള്ള കരാമയിലെ ഹെല്‍ത്ത്‌ പ്ലസ്‌ ക്ലിനിക്കില്‍ മികച്ച ഡോക്ടര്‍മാരുടെ സേവനം ലഭ്യമാണ്. ബേസിക്‌ ഹെല്‍ത്ത്‌ പാക്കേജിന് പുറമെ, കുട്ടികള്‍ക്കും, സ്ത്രീകള്‍ക്കും, പ്രായമായവര്‍ക്കും, സ്ഥാപനങ്ങള്‍ക്കും പ്രത്യേകം തയ്യാറാക്കിയ ഹെല്‍ത്ത്‌ പാക്കേജുകളും ലഭ്യമാണ്.

വിദഗ്ദ്ധ ഡോക്ടര്‍മാരുടെ മേല്‍നോട്ടത്തില്‍ അള്‍സര്‍, ഗാസ്ട്രൈടിസ്, കിഡ്നി, മൂത്രാശയ രോഗങ്ങള്‍, ചര്‍മ്മ രോഗങ്ങള്‍, പ്രമേഹം, അലര്‍ജി എന്നിങ്ങനെ വിവിധ രോഗങ്ങള്‍ക്കുള്ള വിദഗ്ദ്ധ ചികില്‍സ ലഭ്യമാണ്. ഏറ്റവും മികച്ച ദന്ത ചികിത്സകരുടെ സേവനം ലഭ്യമാക്കുന്ന സുസജ്ജമായ ദന്ത ചികില്‍സാ വിഭാഗവും ഇവിടെ പ്രവര്‍ത്തിക്കുന്നു.

പ്രായമായരുടെ പരിചരണത്തിനായി അത്യാവശ്യ സന്ദര്‍ഭങ്ങളില്‍ ഡോക്ടര്‍ നിങ്ങളുടെ വീട് സന്ദര്‍ശിക്കുകയും വേണ്ട ചികില്‍സ ലഭ്യമാക്കുകയും ചെയ്യുന്ന “ഡോക്ടര്‍ ഓണ്‍ കോള്‍” സൌകര്യവും ഹെല്‍ത്ത്‌ പ്ലസിന്റെ പ്രത്യേകതയാണ്.

കൂടുതല്‍ വിവരങ്ങള്‍ക്ക് ഹെല്‍ത്ത്‌ പ്ലസ്‌ ക്ലിനിക്കില്‍ ഈ നമ്പരുകളില്‍ നേരിട്ട് ബന്ധപ്പെടാവുന്നതാണ് : 04 396 0034, 050 504 8788

- കറസ്പോണ്ടന്റ്

വായിക്കുക: , , ,

അഭിപ്രായം എഴുതുക »

ഹെല്‍ത്ത്‌ പ്ലസ്‌ ക്ലിനിക്ക്‌ സൌജന്യ മെഡിക്കല്‍ ക്യാമ്പ്‌ നടത്തുന്നു

November 25th, 2010

health-plus-clinic-dubai

ദുബായ്‌ : പാലക്കാട്‌ അസോസിയേഷന്‍ യു. എ. ഇ. സംഘടിപ്പിക്കുന്ന പാലക്കാട്‌ ഷട്ടില്‍ ടൂര്‍ണമെന്റ് 2010 നോടനുബന്ധിച്ച് ആരോഗ്യ രംഗത്തെ സജീവ സാന്നിധ്യമായ ഹെല്‍ത്ത്‌ പ്ലസ്‌ ക്ലിനിക്‌ സൌജന്യ വൈദ്യ – ദന്ത പരിശോധനാ ക്യാമ്പ്‌ നടത്തുന്നു. നവംബര്‍ 26 വെള്ളിയാഴ്ച ദുബായ്‌ റാഷിദിയയിലെ അല്‍ മാറെഫ സ്പോര്‍ട്ട്സ് ഹാളില്‍ നടക്കുന്ന ഷട്ടില്‍ ടൂര്‍ണമെന്റിനോട് അനുബന്ധിച്ചാണ് സൌജന്യ വൈദ്യ പരിശോധനാ ക്യാമ്പ്‌ സംഘടിപ്പിക്കുന്നത്.

ദുബായ്‌ കരാമയില്‍ ബര്‍ജുമാന്‍ സെന്ററിനു എതിര്‍ വശത്തുള്ള അവന്യു ബില്‍ഡിംഗില്‍ പ്രവര്‍ത്തിക്കുന്ന ഏറ്റവും ആധുനിക സൌകര്യങ്ങളോട് കൂടിയ ഹെല്‍ത്ത്‌ പ്ലസ്‌ ക്ലിനിക്കില്‍ വിദഗ്ദ്ധ ഡോക്ടര്‍മാരുടെ മേല്‍നോട്ടത്തില്‍ അള്‍സര്‍, ഗാസ്ട്രൈടിസ്, കിഡ്നി, മൂത്രാശയ രോഗങ്ങള്‍, ചര്‍മ്മ രോഗങ്ങള്‍, പ്രമേഹം, അലര്‍ജി എന്നിങ്ങനെ വിവിധ രോഗങ്ങള്‍ക്കുള്ള വിദഗ്ദ്ധ ചികില്‍സ ലഭ്യമാണ്. ഏറ്റവും മികച്ച ദന്ത ചികിത്സകരുടെ സേവനം ലഭ്യമാക്കി കൊണ്ട് പ്രവര്‍ത്തിക്കുന്ന സുസജ്ജമായ ദന്ത ചികില്‍സാ വിഭാഗം ഹെല്‍ത്ത്‌ പ്ലസിന്റെ മറ്റൊരു പ്രത്യേകതയാണ്.

കൂടുതല്‍ വിവരങ്ങള്‍ക്ക് ഹെല്‍ത്ത്‌ പ്ലസ്‌ ക്ലിനിക്കില്‍ ഈ നമ്പരുകളില്‍ നേരിട്ട് ബന്ധപ്പെടാവുന്നതാണ് : 04 396 0034, 050 504 8788

- കറസ്പോണ്ടന്റ്

വായിക്കുക: ,

അഭിപ്രായം എഴുതുക »

ദുബായ്‌ കെ. എം. സി. സി. രക്തദാന ക്യാമ്പ്

November 24th, 2010

blood-donation-epathram

ദുബായ്‌ : ദുബായ്‌ കെ. എം. സി. സി. മുപ്പത്തൊമ്പതാമത് യു. എ. ഇ. ദേശീയ ദിനാഘോഷങ്ങള്‍ക്ക് തുടക്കം കുറിച്ച് നവംബര്‍ 25 ന് ആരോഗ്യ വകുപ്പുമായി സഹകരിച്ച് രക്തദാന ക്യാമ്പ് സംഘടിപ്പിക്കുന്നു. നാം നല്‍കുന്ന രക്ത തുള്ളികള്‍ കൊണ്ട് ഒരു മനുഷ്യ ജീവിതം രക്ഷിക്കാനായാല്‍ അതൊരു മഹത്തായ സല്‍കര്‍മ്മ മായിരിക്കുമെന്നും, രക്തദാനവുമായി എല്ലാ കെ. എം. സി. സി. പ്രവര്‍ത്തകരും മനുഷ്യ സ്‌നേഹികളും സഹകരിക്കണമെന്നും സംഘാടകര്‍ അഭ്യര്‍ത്ഥിച്ചു. താഴെ കാണുന്ന നമ്പറുകളില്‍ വിളിച്ച് മുന്‍കൂട്ടി രജിസ്റ്റര്‍ ചെയ്യേണ്ടതാണ്. വിശദ വിവരങ്ങള്‍ക്കും രജിസ്‌ട്രേഷനും ആര്‍. ഷുക്കൂര്‍ (055-6077543), സി. എച്ച്. നൂറുദ്ദിന്‍ (050-6983151), അലി ടി. കെ. (050-3525205), ജമാല്‍ കെ. എം. (050-4690786) എന്നിവരുമായി ബന്ധപ്പെടുക.

- കറസ്പോണ്ടന്റ്

വായിക്കുക: , ,

അഭിപ്രായം എഴുതുക »

സൗജന്യ ആയുര്‍വേദ മെഡിക്കല്‍ ക്യാമ്പ്‌ നടത്തി

November 20th, 2010

free-medical-camp-dubai-epathram

ദുബായ്: ലോക പ്രമേഹ ദിനത്തോടനുബന്ധിച്ച് ബര്‍ദുബായ് ജാന്‍സണ്‍സ് മെഡിക്കല്‍ സെന്ററില്‍ സൗജന്യ ആയുര്‍വേദ മെഡിക്കല്‍ ക്യാമ്പ്‌ നടത്തി. പ്രമേഹ രോഗ നിര്‍ണയവും നടന്നു. ഇരുനൂറിലേറെ രോഗികളെ പരിശോധിച്ചു. ഡോ. ഷമീമ അബ്ദുല്‍ നാസര്‍ നേതൃത്വം നല്‍കി. രോഗം വരാതിരിക്കാന്‍ സ്വീകരിക്കേണ്ട മുന്‍കരുതലുകളെ ക്കുറിച്ച് ബോധവത്കരണവും നടത്തി.

- കറസ്പോണ്ടന്റ്

വായിക്കുക: ,

അഭിപ്രായം എഴുതുക »

സൌജന്യ ആയുര്‍വേദ ക്യാമ്പ്‌

November 18th, 2010

ദുബായ്‌ : ലോക പ്രമേഹ ദിനമായ നവംബര്‍ 19 വെള്ളിയാഴ്ച ദുബായില്‍ സൌജന്യ ആയുര്‍വേദ ക്യാമ്പ്‌ നടത്തുന്നു. ബര്‍ ദുബായ്‌ അല്‍ റഫ പോലീസ്‌ സ്റ്റേഷന് എതിര്‍ വശത്തുള്ള ജാന്സന്‍സ്‌ മെഡിക്കല്‍ സെന്ററില്‍ വെച്ചാണ് ക്യാമ്പ്‌ നടത്തുന്നത്. ക്യാമ്പില്‍ പ്രമേഹ നിര്‍ണ്ണയവും നടത്തുന്നതാണ്. ഡോ. ഷമീമ അബ്ദുല്‍ നാസറിന്റെ നേതൃത്വത്തില്‍ ലൈഫ്‌ ഹെല്‍ത്ത്‌ കെയര്‍ ഗ്രൂപ്പാണ് ക്യാമ്പ്‌ സംഘടിപ്പിക്കുന്നത്. പങ്കെടുക്കാന്‍ ആഗ്രഹിക്കുന്നവര്‍ 04-3939011, 055-7685758 എന്നീ നമ്പരുകളില്‍ ബന്ധപ്പെടുക.

- കറസ്പോണ്ടന്റ്

വായിക്കുക: ,

അഭിപ്രായം എഴുതുക »

Page 1 of 212

« Previous « ദല കേരളോത്സവം
Next Page » ആലൂര്‍ നുസ്റത്തുല്‍ ഇസ്ലാം സംഘത്തിന് പുതിയ സാരഥികള്‍ »



ലോക മലയാളി സംഗമം കൌണ്‍സില...
സൈലന്റ് വാലി സമര വിജയ വാര...
തിരുവിതാംകൂര്‍ ചരിത്ര പഠന...
ചങ്ങമ്പുഴ അനുസ്മരണവും കവി...
സൈലന്റ് വാലി സമര വിജയം ആഘ...
കെ. വി. ഷംസുദ്ധീന് പുരസ്ക...
വോട്ടര്‍മാര്‍ക്ക്‌ പണം നല...
കേരള സംഗീത നാടക അക്കാദമി ...
സാധാരണക്കാരനില്‍ നിന്നും ...
സമാന്തര മാധ്യമ സാധ്യത അവഗ...
നൊസ്റ്റാള്‍ജിയ 2010 അബുദാ...
ആരോഗ്യ ബോധവല്‍ക്കരണം അത്യ...
എന്‍ഡോസള്‍ഫാന്‍ ഐക്യദാര്‍...
ജയ്സന്‍ ജോസഫ്‌ ഷാര്‍ജയില്...
മയില്‍പ്പീലി പുരസ്കാരം പ്...
വയലാര്‍ : സര്‍ഗ്ഗ ശക്തിയെ...
പകല്‍ കിനാവന്റെ ഫോട്ടോകളു...
സ്ത്രീകള്‍ ജോലി ചെയ്യുന്ന...
ക്രിമിനല്‍ കേസില്‍ കുടുക്...
“നിലവിളികള്‍ക്ക്‌ കാതോര്‍...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine