കടമേരി റഹ്മാനിയ്യ അറബിക് കോളേജ് ബഹ്‌റൈന്‍ ചാപ്റ്റര്‍ മീറ്റ്‌

December 24th, 2010

മനാമ: മത – ഭൌതിക സമന്യയ വിദ്യാഭ്യാസ രംഗത്ത് നൂതന സിലബസ് ആവിഷ്കരിച്ചു നടപ്പിലാക്കിയ സംസ്ഥാനത്തെ (കേരളത്തിലെ) പ്രഥമ സ്ഥാപനമായ കടമേരി റഹ്മാനിയ്യ അറബിക് കോളേജിന്‍റെ ജി. സി. സി. രാഷ്ട്രങ്ങളിലെ പൂര്‍വ വിദ്യാര്‍ഥി കൂട്ടായ്മകള്‍ സജീവ മാക്കുന്നതിന്റെ ഭാഗമായി കോളേജിന്റെ ബഹ്‌റൈന്‍ ചാപ്റ്റര്‍ മീറ്റ്‌ ഡിസംബര്‍ 24 ന് വെള്ളിയാഴ്ച ഉച്ചക്ക് രണ്ടു മണിക്ക് മനാമയിലെ സമസ്ത കേന്ദ്ര മദ്രസ്സ ഓഡിറ്റോറിയത്തില്‍ നടക്കും.

കടമേരി റഹ്മാനിയ്യ ശരീഅത് വിഭാഗത്തിലും, കോളേജിന്‍റെ സഹോദര സ്ഥാപനങ്ങളിലും പഠനം പൂര്‍ത്തി യാക്കിയവരും പൂര്‍ത്തി യാക്കാത്തവരുമായ ബഹ്റൈനിലെ മുഴുവനാളുകളും കോളേജ് കമ്മിറ്റി അംഗങ്ങളും മീറ്റില്‍ നിര്‍ബന്ധമായി പങ്കെടുക്കണമെന്ന് കോ-ഓര്‍ഡിനേറ്റര്‍ സി. കെ. പി. അലി മുസ്ലിയാര്‍, സലിം ഫൈസി എന്നിവര്‍ അറിയിച്ചു. വിശദ വിവരങ്ങള്‍ക്ക് 39260905, 39062500, 33842672 എന്നീ നമ്പരുകളില്‍ ബന്ധപ്പെടുക.

- ഉബൈദുല്ല റഹ്മാനി കൊമ്പംകല്ല്

- ജെ.എസ്.

വായിക്കുക: ,

അഭിപ്രായം എഴുതുക »

സ്കോട്ട സെമിനാര്‍ സംഘടിപ്പിച്ചു

December 22nd, 2010

sir-syed-college-alumni-epathram

ഷാര്‍ജ : മാറി വരുന്ന കാലത്തിനനുസരിച്ച് ജീവിത മൂല്യങ്ങള്‍ ത്യജിച്ചതാണ് മലയാളിയുടെ പരാജയ കാരണം എന്ന് സാമൂഹിക ചിന്തകനും അദ്ധ്യാപകനുമായ ഡോക്ടര്‍ ആര്‍. രജിത് കുമാര്‍ പറഞ്ഞു. ഇന്ത്യയില്‍ മദ്യവും ലഹരി വസ്തുക്കളും ഏറ്റവും കൂടുതല്‍ ഉപയോഗിക്കുന്നതും വിവാഹ പരാജയങ്ങള്‍ ഏറ്റവും കൂടുതല്‍ ഉള്ളതും മലയാളി കള്‍ക്കിടയിലാണ്. അന്തസിന്റെ ഭാഗമായി മദ്യപാനത്തെ കാണുന്ന രക്ഷിതാക്കളുടെ കുട്ടികള്‍ കേരളത്തെ മദ്യപാനത്തിന്റെ കാര്യത്തില്‍ ഒന്നാം സ്ഥാനത്ത് പിടിച്ചു നിര്ത്തുന്നു.

സ്കോട്ട (സര്‍ സയ്യദ്‌ കോളേജ്‌ അലുംനി) ഷാര്‍ജ ഇന്ത്യന്‍ അസോസിയേഷനില്‍ സംഘടിപ്പിച്ച “വാല്യു ബേസ്ഡ് പെര്സനാലിറ്റി ഡവലപ്മെന്റ് ഫോര്‍ ഫാമിലി” (value based personality development for family) എന്ന സെമിനാറില്‍ സംസാരി ക്കുകയായിരുന്നു അദ്ദേഹം.

k-balakrishnan-sharjah-indian-association-epathram

ഷാര്‍ജ ഇന്ത്യന്‍ അസോസിയേഷന്‍ പ്രസിഡണ്ട് കെ. ബാലകൃഷ്ണന്‍

ഷാര്‍ജ ഇന്ത്യന്‍ അസോസിയേഷന്‍ പ്രസിഡണ്ട് കെ. ബാലകൃഷ്ണന്‍ സെമിനാര്‍ ഉദ്ഘാടനം ചെയ്തു. സ്കോട്ട പ്രസിഡണ്ട് എസ്. എം. ജാബിര്‍ അദ്ധ്യക്ഷത വഹിച്ചു. അഡ്വ. ആഷിക്, മുസ്തഫ കുറ്റിക്കോല്‍ എന്നിവര്‍ സംസാരിച്ചു. ജന. സെക്രട്ടറി രാധാ കൃഷ്ണന്‍ സ്വാഗതവും ട്രഷറര്‍ അഷ്‌റഫ്‌ വട്ടപൊയില്‍ നന്ദിയും പറഞ്ഞു.

- കറസ്പോണ്ടന്‍റ്

വായിക്കുക:

അഭിപ്രായം എഴുതുക »

സര്‍ സയ്യദ്‌ കോളജ്‌ പൂര്‍വ വിദ്യാര്‍ത്ഥി കായിക മേള

December 22nd, 2010

ദുബായ്‌ : സര്‍ സയ്യദ്‌ കോളജ്‌ പൂര്‍വ വിദ്യാര്‍ത്ഥി സംഘടനയുടെ വാര്‍ഷിക കായിക മേള സ്കോട്ട സ്പോര്‍ട്ട്സ് മീറ്റ്‌ (SSCOTA – Sir Syed College Alumni – Sports Meet 2010) വിപുലമായ പരിപാടികളോടെ ഡിസംബര്‍ 24ന് വൈകുന്നേരം 3 മണി മുതല്‍ 10 മണി വരെ ഖിസൈസ്‌ ഫിലഡല്‍ഫിയ സ്ക്കൂള്‍ ഫ്ലഡ് ലിറ്റ്‌ മൈതാനത്തില്‍ വെച്ച് നടത്താന്‍ തീരുമാനിച്ചു. വൈകീട്ട് മൂന്നിന് മാര്‍ച്ച് പാസ്റ്റോടെ ആരംഭിക്കുന്ന കായിക മല്‍സരങ്ങളില്‍ മുഴുവന്‍ അംഗങ്ങളും പങ്കെടുക്കണമെന്ന് സംഘാടക സമിതി അറിയിച്ചു.

യോഗത്തില്‍ പ്രസിഡണ്ട് ജാബിര്‍ അദ്ധ്യക്ഷത വഹിച്ചു. സ്പോര്‍ട്ട്സ് കണ്‍വീനര്‍മാരായ മുസ്തഫ കുറ്റിക്കോല്‍, റിയാതുടങ്ങിയവര്‍ സംസാരിച്ചു. സെക്രട്ടറി രാധാകൃഷ്ണന്‍ സ്വാഗതവും ട്രഷറര്‍ അഷ്‌റഫ്‌ നന്ദിയും പറഞ്ഞു.

കൂടുതല്‍ വിവരങ്ങള്‍ക്ക് 050 5827103, 050 7886080 എന്നീ നമ്പരുകളില്‍ ബന്ധപ്പെടുക.

- കറസ്പോണ്ടന്‍റ്

വായിക്കുക: ,

അഭിപ്രായം എഴുതുക »

കേര ക്രിക്കറ്റ് – ആര്‍. ഈ. സി. ജേതാക്കളായി

December 11th, 2010

kera-cricket-recca-captain-epathram

അജ്മാന്‍ : കേര (KERA -- Kerala Engineering Alumni) ക്രിക്കറ്റ്‌ ടൂര്‍ണമെന്റില്‍ ആര്‍. ഈ. സി. ജേതാക്കളായി. ഡിസംബര്‍ 10 വെള്ളിയാഴ്ച അജ്മാന്‍ മുനാവര്‍ ക്രിക്കറ്റ്‌ ഗ്രൌണ്ടില്‍ കെ. പി. എല്‍. -- കേര പ്രീമിയര്‍ ലീഗ് എന്നറിയപ്പെടുന്ന കേര ക്രിക്കറ്റ്‌ ടൂര്‍ണമെന്റിന്റെ ഫൈനലില്‍ പാലക്കാട്‌ എന്‍. എസ്. എസ്. എന്‍ജിനീയറിംഗ് കോളേജുമായി നടന്ന ഉജ്ജ്വലമായ പോരാട്ടത്തിലൂടെയാണ് ആര്‍. ഈ. സി. വിജയം കണ്ടത്‌.

kera-cricket-2010-epathram

പാലക്കാടന്‍ സ്ട്രൈക്കേഴ്സ് ക്യാപ്റ്റന്‍ റണ്ണര്‍ അപ്പ് കപ്പ് ഏറ്റുവാങ്ങുന്നു

കേര ക്രിക്കറ്റിന്റെ ചരിത്രത്തില്‍ ആദ്യമായ്‌ ഫൈനലില്‍ എത്തിയ പാലക്കാട്‌ എന്‍. എസ്. എസ്. എന്‍ജിനീയറിംഗ് കോളജിന്റെ ചുണക്കുട്ടന്മാര്‍ വന്‍ ഫോമില്‍ ആദ്യാവസാനം അജ്മാന്‍ കളിക്കളത്തില്‍ മുന്നേറ്റം നടത്തിയപ്പോള്‍ കഴിഞ്ഞ 6 വര്‍ഷത്തിനിടയില്‍ നാലു തവണ ഫൈനല്‍ കളിച്ച ആര്‍. ഈ. സി. കളിയുടെ നിര്‍ണ്ണായക ഘട്ടങ്ങളില്‍ പലപ്പോഴും പകച്ചു നിന്നത് കാണികളില്‍ ഉദ്വേഗം ഉണര്‍ത്തി. എന്നാല്‍ 219 റണ്‍സുമായി ആദ്യം ബാറ്റ് ചെയ്ത ആര്‍. ഈ. സി. ടീം 52 റണ്‍സിന് വിജയം കാണുകയായിരുന്നു.

vishakh kera cricket tournament epathram

ടൂര്‍ണമെന്റിലെ മികച്ച ബൌളര്‍ ആയ വിശാഖ്‌

6 വിക്കറ്റുകള്‍ വീഴ്ത്തി ടൂര്‍ണമെന്റിലെ മികച്ച ബൌളര്‍ ആയി പാലക്കാട്‌ ടീമിലെ വിശാഖ് തെരഞ്ഞെടുക്കപ്പെട്ടു. മികച്ച ബാറ്റ്സ്മാന്‍ ആയി റെക്ക ടീമിലെ ദിലീപ്‌, മാന്‍ ഓഫ് ദ മാച്ച്, മാന്‍ ഓഫ് ദ സീരീസ്‌ എന്നിവയായി റെക്ക ടീമിലെ സുരേഷ് എന്നിവര്‍ക്ക്‌ കേര പ്രസിഡണ്ട് അഫ്സല്‍, കേര മുന്‍ പ്രസിഡണ്ട് മൊയ്തീന്‍ നെക്കരാജ്, എന്‍. എസ്. എസ്. എന്‍ജിനീയറിംഗ് കോളജ്‌ പൂര്‍വ വിദ്യാര്‍ത്ഥി സംഘടനയുടെ യു. എ. ഇ. ചാപ്റ്റര്‍ പ്രസിഡണ്ട് കാളിദാസ് എന്നിവര്‍ പുരസ്കാരങ്ങള്‍ സമ്മാനിച്ചു.

vinod-kera-cricket-2010-epathram

കൂടുതല്‍ ചിത്രങ്ങള്‍ക്ക് ക്ലിക്ക്‌ ചെയ്യുക

ഒട്ടേറെ പുതിയ മുഖങ്ങളുമായി കളിക്കളത്തില്‍ ഇറങ്ങിയ പാലക്കാടന്‍ സ്ട്രൈക്കേഴ്സ് എന്ന പാലക്കാട്‌ എന്‍. എസ്. എസ്. എന്‍ജിനീയറിംഗ് കോളജ്‌ പൂര്‍വ വിദ്യാര്‍ത്ഥി സംഘടനയുടെ യു. എ. ഇ. ചാപ്റ്റര്‍ ടീമിന്റെ മികച്ച പ്രകടനത്തിന്റെ മുഴുവന്‍ ക്രെഡിറ്റ്‌ ടീമിലേക്ക് പുതിയതായി കടന്നു വന്ന ഒട്ടേറെ മികച്ച കളിക്കാരുടെ സാന്നിധ്യവും അത് വഴി കൈവന്ന പുത്തന്‍ ഉണര്‍വ്വുമാണ് എന്ന് ടീം ക്യാപ്റ്റന്‍ രതീഷ്‌ പറഞ്ഞു. കേരയുടെ ചരിത്രത്തില്‍ തന്നെ ആദ്യമായാണ്‌ തങ്ങളുടെ ടീം ഫൈനല്‍ കളിച്ചത് എന്ന് ടീം മാനേജര്‍ മനോജ്‌ അറിയിച്ചു. ഈ നേട്ടം കൈവരിച്ച ടീം അംഗങ്ങള്‍ക്കും, തങ്ങളെ പരിശീലനത്തിനിടയിലും, ഗ്രൌണ്ടിലും നിരന്തരം പിന്തുണ നല്‍കി തങ്ങള്‍ക്ക് ആവേശം പകര്‍ന്ന എല്ലാ പാലക്കാടന്‍ സുഹൃത്തുക്കള്‍ക്കും തങ്ങള്‍ക്ക് ലഭിച്ച ഈ നേട്ടം തങ്ങള്‍ സമര്‍പ്പിക്കുന്നു എന്നും ഈ ടീമിന്റെ തുടര്‍ന്നുള്ള പരിശീലനത്തിനും മറ്റും സംഘടനയുടെ എല്ലാ സഹായങ്ങളും പിന്തുണയും എന്നുമുണ്ടാവും എന്ന് സ്പോര്‍ട്ട്‌സ് സെക്രട്ടറിയും നിയുക്ത പ്രസിഡണ്ടുമായ രാജീവ്‌ ടി. പി. തദവസരത്തില്‍ പ്രഖ്യാപിച്ചു. പരിശീലനവുമായി ബന്ധപ്പെട്ട കാര്യപരിപാടികള്‍ ഉടന്‍ തന്നെ പ്രഖ്യാപിക്കുമെന്നും കൂടുതല്‍ കളിക്കാരുടെ പങ്കാളിത്തത്തോടെ പരിശീലനം ഊര്‍ജിതമാക്കുമെന്നും നിയുക്ത സ്പോര്‍ട്ട്സ് സെക്രട്ടറി മനു രവീന്ദ്രന്‍ അറിയിച്ചു.

-

- കറസ്പോണ്ടന്‍റ്

വായിക്കുക: ,

അഭിപ്രായം എഴുതുക »

നൊസ്റ്റാള്‍ജിയ 2010 അബുദാബിയില്‍

December 5th, 2010

sapna-anuroop-devika-santhosh-epathram

അബുദാബി : പാലക്കാട്‌ എന്‍. എസ്. എസ്. എന്‍ജിനീയറിംഗ് കോളജ്‌ പൂര്‍വ വിദ്യാര്‍ത്ഥി കളുടെ സംഘടനയുടെ യു. എ. ഇ. ചാപ്റ്റര്‍ വാര്‍ഷിക കുടുംബ സംഗമം “നൊസ്റ്റാള്‍ജിയ 2010″ അബുദാബി ഇന്ത്യന്‍ സോഷ്യല്‍ ആന്‍ഡ്‌ കള്‍ച്ചറല്‍ സെന്ററില്‍ നടന്നു. മാതൃ സംഘടനയുടെ പ്രസിഡണ്ടും പ്രശസ്ത സിനിമാ നിര്‍മ്മാതാവും അഭിനേതാവുമായ പ്രകാശ്‌ ബാരെ മുഖ്യ അതിഥിയായിരുന്നു.

prakash-bare-nss-college-of-engineering-palakkad-epathram

പ്രകാശ്‌ ബാരെ

സംഗമത്തോടനുബന്ധിച്ചു നടന്ന ജനറല്‍ ബോഡി യോഗത്തില്‍ പ്രകാശ്‌ ബാരെ മുഖ്യ പ്രഭാഷണം നടത്തി. മതങ്ങളുടെ പേരില്‍ അങ്കം വെട്ടാനൊരുങ്ങുന്ന സാമൂഹിക അന്തരീക്ഷത്തിലും നമ്മുടെ ഉള്ളില്‍ നിറഞ്ഞു നില്‍ക്കുന്ന സംസ്ക്കാരത്തിന്റെ പൊതു ധാര യുടെ നേര്‍ക്ക്‌ വെളിച്ചം വീശുന്ന “സൂഫി പറഞ്ഞ കഥ” എന്ന ഏറെ കാലിക പ്രാധാന്യമുള്ള സിനിമ നിര്‍മ്മിച്ചതിലൂടെ മലയാള സിനിമ പ്രതിസന്ധിയില്‍ ആയതിനാലാണ് നല്ല സിനിമകള്‍ പിറക്കാത്തത് എന്ന് വിലപിക്കുന്നവര്‍ക്ക്‌ വെല്ലുവിളി ഉയര്‍ത്തിയ പ്രകാശ്‌ ബാരെ തന്റെ കലാലയ ജീവിതത്തിലെ അനുഭവങ്ങള്‍ സദസ്സുമായി പങ്കു വെച്ചു.

രാവിലെ പത്ത്‌ മണിക്ക് ആശാ സോണി, റീജ രമേഷ്, സപ്ന ബാബു എന്നിവര്‍ അവതരിപ്പിച്ച രംഗ പൂജയോടെയാണ് പരിപാടികള്‍ ആരംഭിച്ചത്‌. സ്മൃതി സോണി, ശില്പ നീലകണ്ഠന്‍, ആഖീല ഷെരീഫ്‌, സാന്ദ്ര മധു, ഐശ്വര്യാ രാമരാജ്, റാനിയ ആസാദ്‌ മേഖ മനോജ്‌ എന്നിവര്‍ ഓംകാരം എന്ന നാടോടി നൃത്തം അവതരിപ്പിച്ചു. ബിന്ദുവും സംഘവും ‘ഡാന്‍സസ് ഓഫ് ഇന്ത്യ’ എന്ന സംഘ നൃത്തവും, ശ്രീ ലക്ഷ്മി രമേഷ്, സ്നിഗ്ദ്ധ മനോജ്‌, നവമി ബാബു, രേവതി രവി, നുഴ നദീം, എമ പുന്നൂസ്‌, നന്ദിനി അജോയ്, നിഹാല ആസാദ്‌ എന്നിവര്‍ ‘മുകുന്ദാ മുകുന്ദാ’ എന്ന അര്‍ദ്ധ ശാസ്ത്രീയ നൃത്തവും അവന്തിക മുരളി, ഹൃതിക മുരളി, സ്നിഗ്ദ്ധ മനോജ്‌, ശ്രേയ നീലകണ്ഠന്‍, അബിയ അബ്ദുല്‍ വഹാബ്, ലഖിയ ഷെരീഫ്‌, ഗോപിക രവി, അമന്‍ അബ്ദുല്‍ വഹാബ്, ഗൌതം അജോയ്, മാത്യു പുന്നൂസ്‌, ജിതിന്‍ കൃഷ്ണ, ജെയ്ജിത് കൃഷ്ണ എന്നിവര്‍ സിനിമാറ്റിക്‌ ഡാന്‍സ്‌ എന്നിവ അവതരിപ്പിച്ചു.

bindu-mohan-sapna-anuroop-mohiniyattam-epathram

മോഹിനിയാട്ടം - ബിന്ദു മോഹന്‍, സപ്ന അനുരൂപ്

കുഞ്ഞബ്ദുള്ള, ആസാദ്‌, വില്‍ഫി, മുതലിഫ്‌, ഹസീന്‍, സന്ദീപ്‌, അനീഷ്‌, ഗഫൂര്‍, സജിത് കുമാര്‍, സുനില്‍ കുമാര്‍ എന്നിവര്‍ കോല്‍ക്കളി, ഷീജ ജയപ്രകാശ്‌, രംഗനായകി ആനന്ദ്‌, വിദ്യ ദിനേഷ്, ചിത്ര രാജേഷ്‌, പ്രിയ ജയദീപ്, രേഖ സുരേഷ്, ദേവിക സന്തോഷ്‌, പ്രീത രാജീവ്‌, സപ്ന അനുരൂപ്, ബിന്ദു മോഹന്‍ എന്നിവര്‍ തിരുവാതിരക്കളി, ശാലിന്‍ ഷേര്‍ഷ, ഷെറിന്‍ ഷേര്‍ഷ, ഐശ്വര്യാ കിഷോര്‍, ശ്രുതി സുരേഷ്, കാതറിന്‍ ആന്റോ, നിതിന്‍ പ്രമോദ്‌, അനിത് മധു, പ്രണവ്‌ രാജീവ്‌, സിദ്ധാര്‍ഥ് ജയപ്രകാശ്‌, ശ്രീകാന്ത്‌ മോഹന്‍ എന്നിവര്‍ സിനിമാറ്റിക് ഡാന്‍സ്‌ എന്നിവ രാവിലത്തെ സെഷനില്‍ അവതരിപ്പിച്ചു.

തുടര്‍ന്ന് നടന്ന ജനറല്‍ ബോഡി യോഗത്തിന് ശേഷം കാര്‍ത്തിക്‌ സുബോധ്, ഐശ്വര്യാ രാമരാജ്, നിക്ക് സാജു, ശില്പ നീലകണ്ഠന്‍, ഹേസല്‍ ജോര്‍ജ്‌, ദിയ സന്തോഷ്‌, സിന്ധു രവി, മേഘന, ബാബു എന്നിവര്‍ ഗാനങ്ങള്‍ ആലപിച്ചു. സിന്ധു രവി, ജ്യോതി, രശ്മി, ഷമീന, ബൈജു, സതീഷ്‌ എന്നിവര്‍ ചേര്‍ന്ന് സംഘഗാനം ആലപിച്ചു.

ഓസ്കാര്‍ നേടിയതിലൂടെ ഇന്ത്യയുടെ യശസ്സ് വാനോളം ഉയര്‍ത്തിയ നമ്മുടെ കാലഘട്ടത്തിലെ അതുല്യ സംഗീത മാന്ത്രികന്‍ എ. ആര്‍. റഹ്മാന്‍ 1993 ല്‍ ബോംബെ എന്ന സിനിമയ്ക്ക് വേണ്ടി രൂപപ്പെടുത്തിയ “ബോംബെ തീം” എന്ന ഇന്സ്ട്രുമെന്ടല്‍ ഓര്‍ക്കെസ്ട്ര പീസ്‌ അവതരിപ്പിച്ചു പാലക്കാട്‌ എന്‍. എസ്. എസ്. എന്‍ജിനീയറിംഗ് കോളജിലെ പൂര്‍വ വിദ്യാര്‍ത്ഥികളുടെ സംഗീത കൂട്ടായ്മ യു.എ.ഇ. യിലെ സംഗീത പ്രേമികള്‍ക്ക്‌ മറ്റൊരു അപൂര്‍വ സംഗീത വിരുന്നിനു വേദിയൊരുക്കി. അന്താരാഷ്‌ട്ര പ്രശസ്തി നേടിയ ഈ തീം നിരവധി പ്രശസ്ത സംഗീത ട്രൂപ്പുകള്‍ തങ്ങളുടെ ആല്‍ബങ്ങളില്‍ ഉള്‍പ്പെടുത്തി റഹ്മാനെ ആദരിക്കുകയുണ്ടായി.

ഇന്ത്യന്‍ സിനിമയിലെ ഒരു വഴിത്തിരിവായ മൂന്നാം പിറ എന്ന സിനിമയിലെ പ്രശസ്തമായ “കണ്ണൈ കലൈമാനേ” എന്ന അതീവ ചാരുതയാര്‍ന്ന താരാട്ട് പാട്ട്, 1995ല്‍ ഇറങ്ങിയ ഏറെ ജനപ്രിയമായ “ബര്‍സാത്” എന്ന സിനിമയിലെ “ഹംകോ സിര്‍ഫ് തുംസെ പ്യാര്‍ ഹൈ” എന്ന ഹിറ്റ്‌ ഹിന്ദി ഗാനം എന്നിവയും ഇവര്‍ അവതരിപ്പിച്ചു.

വയലിനില്‍ സപ്ന അനുരൂപ്, ലീഡ്‌ ഗിറ്റാര്‍ -- സന്തോഷ്‌ കുമാര്‍, ഡ്രംസ് -- രഞ്ജിത്ത്, ഓടക്കുഴല്‍ -- ജിഷി സാമുവല്‍, കീബോര്‍ഡ്‌ -- ആനന്ദ്‌ പ്രീത്‌ എന്നിവരാണ് സംഘത്തില്‍ ഉള്ളത്. ഓര്‍ക്കസ്ട്രേഷന്‍ ഒരുക്കിയ യു.എ.ഇ. യിലെ പ്രമുഖ സംഗീത അദ്ധ്യാപകന്‍ ശ്രീ വിനീത് കുമാര്‍ പ്രത്യേക അഭ്യര്‍ത്ഥന സ്വീകരിച്ചു കീബോര്‍ഡ്‌ ലീഡ്‌ ചെയ്തു.

ജനറല്‍ ബോഡി യോഗത്തില്‍ പുതിയ ഭാരവാഹികളെ തെരഞ്ഞെടുത്തു. പ്രസിഡണ്ട് രാജീവ്‌ ടി. പി., വൈസ്‌ പ്രസിഡണ്ട് വില്‍ഫി ടി. സാബു, സെക്രട്ടറി ദിപുകുമാര്‍ പി. ശശിധരന്‍, ജോയന്റ് സെക്രട്ടറി സന്ദീപ്‌ കെ. എസ്., ട്രഷറര്‍ വിനോദ് എം. പി., സ്പോര്‍ട്ട്സ് സെക്രട്ടറി മനു രവീന്ദ്രന്‍, ആര്‍ട്ട്സ് സെക്രട്ടറി ഷമീന, വനിതാ പ്രതിനിധിമാരായി സിന്ധു രവി, അരുണ എന്നിവരാണ് പുതിയ ഭാരവാഹികള്‍.

എന്‍. എസ്. എസ്. എന്‍ജിനീയറിംഗ് കോളജ്‌ പൂര്‍വ വിദ്യാര്‍ത്ഥി സംഘടനയുടെ യു. എ. ഇ. ചാപ്റ്റര്‍ പ്രസിഡണ്ട് കാളിദാസ് അദ്ധ്യക്ഷനായിരുന്നു. വൈസ്‌ പ്രസിഡണ്ട് ശ്രീജിത്ത് സ്വാഗതം പറഞ്ഞു. ജനറല്‍ സെക്രട്ടറി രമേഷ് വാര്‍ഷിക റിപ്പോര്‍ട്ട് അവതരിപ്പിച്ചു.

പരിപാടിയുടെ ടൈറ്റില്‍ സ്പോണ്സര്‍ ബാംഗ്ലൂരിലെ ഡയമണ്ട് ബില്‍ഡേഴ്സിന്റെ യു.എ.ഇ. സെയില്‍സ്‌ മാനേജര്‍ ഷീല വേണുഗോപാല്‍, മുഖ്യ സ്പോണ്സര്‍ മത്താര്‍ എന്‍ജിനീയറിംഗ് കണ്‍സ്ട്രക്ഷന്‍ മാനേജിംഗ് ഡയറക്ടര്‍ മോഹന്‍ വി. ജി. എന്നിവര്‍ സംസാരിച്ചു.

-

- കറസ്പോണ്ടന്‍റ്

വായിക്കുക: , ,

അഭിപ്രായം എഴുതുക »

Page 1 of 3123

« ദേശീയ ദിനാഘോഷത്തില്‍ പങ്കാളികളായി കരാട്ടേ വിദ്യാര്‍ത്ഥികളും
കേരളാ സോഷ്യല്‍ സെന്‍ററില്‍ ‘നാടകോത്സവം 2010′ »



ലോക മലയാളി സംഗമം കൌണ്‍സില...
സൈലന്റ് വാലി സമര വിജയ വാര...
തിരുവിതാംകൂര്‍ ചരിത്ര പഠന...
ചങ്ങമ്പുഴ അനുസ്മരണവും കവി...
സൈലന്റ് വാലി സമര വിജയം ആഘ...
കെ. വി. ഷംസുദ്ധീന് പുരസ്ക...
വോട്ടര്‍മാര്‍ക്ക്‌ പണം നല...
കേരള സംഗീത നാടക അക്കാദമി ...
സാധാരണക്കാരനില്‍ നിന്നും ...
സമാന്തര മാധ്യമ സാധ്യത അവഗ...
നൊസ്റ്റാള്‍ജിയ 2010 അബുദാ...
ആരോഗ്യ ബോധവല്‍ക്കരണം അത്യ...
എന്‍ഡോസള്‍ഫാന്‍ ഐക്യദാര്‍...
ജയ്സന്‍ ജോസഫ്‌ ഷാര്‍ജയില്...
മയില്‍പ്പീലി പുരസ്കാരം പ്...
വയലാര്‍ : സര്‍ഗ്ഗ ശക്തിയെ...
പകല്‍ കിനാവന്റെ ഫോട്ടോകളു...
സ്ത്രീകള്‍ ജോലി ചെയ്യുന്ന...
ക്രിമിനല്‍ കേസില്‍ കുടുക്...
“നിലവിളികള്‍ക്ക്‌ കാതോര്‍...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine