തൃശൂര്‍ കെ. എം. സി. സി. കുടുംബ സംഗമം

December 26th, 2010

dr-shihab-ganim-kmcc-epathram
ദുബായ്‌ : ആയിരത്തോളം വര്‍ഷങ്ങളായി തുടരുന്ന ഇന്തോ അറബ് ലോകത്തിന് തന്നെ മാതൃകയാണ് എന്ന് പ്രശസ്ത അറബ് കവി ഡോ. ശിഹാബ്‌ ഗാനിം പറഞ്ഞു. ദുബായ്‌ തൃശൂര്‍ ജില്ലാ കെ. എം. സി. സി. ഗള്‍ഫ്‌ മോഡല്‍ സ്ക്കൂളില്‍ സംഘടിപ്പിച്ച കുടുംബ സംഗമത്തിന്റെ സാംസ്കാരിക സമ്മേളനം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.

തന്റെ കവിതകളിലൂടെ ഈ ഊഷ്മള ബന്ധം തുടരുവാന്‍ താന്‍ ശ്രമിച്ചു വരികയാണ്. സച്ചിദാനന്ദന്‍, കമലാ സുരയ്യ എന്നിവരുടെ കവിതകള്‍ അറബിയിലേക്ക് വിവര്‍ത്തനം ചെയ്ത തന്നെ കേരള സന്ദര്‍ശന വേളയില്‍ മലയാളികള്‍ ആദരപൂര്‍വം സ്വീകരിച്ചതും ഡോ. ശിഹാബ്‌ ഗാനിം ഓര്‍മ്മിച്ചു.

trichur-kmcc-family-meet-2010-epathram

പ്രസിഡണ്ട് ജമാല്‍ മനയത്ത്‌ അദ്ധ്യക്ഷത വഹിച്ചു. ജന. സെക്രട്ടറി മുഹമ്മദ്‌ വെട്ടുകാട്‌ സ്വാഗതം പറഞ്ഞു. ട്രഷറര്‍ പി. എസ്. ഖമറുദ്ദീന്‍ ഖിറാഅത്തും അവതരിപ്പിച്ചു. ദുബായ്‌ കെ. എം. സി. സി. ജന. സെക്രട്ടറി എന്‍. എ. കരീം, ട്രഷറര്‍ ഹുസൈനാര്‍ ഹാജി, സബാ ജോസഫ്‌ എന്നിവര്‍ ആശംസകള്‍ നേര്‍ന്നു. വ്യവസായ പ്രമുഖരായ ജബ്ബാര്‍, ഷാഫി അന്നമനട, നെല്ലറ ഷംസുദ്ദീന്‍ എന്നിവര്‍ മല്‍സര വിജയികള്‍ക്കുള്ള സമ്മാനങ്ങള്‍ വിതരണം ചെയ്തു.

ഉദ്ഘാടന സെഷനില്‍ ഉബൈദ്‌ ചേറ്റുവ അദ്ധ്യക്ഷത വഹിച്ചു. ദുബായ്‌ കെ. എം. സി. സി. പ്രസിഡണ്ട് എളേറ്റില്‍ ഇബ്രാഹിം ഉദ്ഘാടനം ചെയ്തു. പ്രമുഖ മാധ്യമ പ്രവര്‍ത്തകന്‍ ജലീല്‍ പട്ടാമ്പി ആശംസ അര്‍പ്പിച്ചു. കണ്‍വീനര്‍ അഷ്‌റഫ്‌ മാമ്പ്ര നന്ദി പറഞ്ഞു.

trissur-kmcc-audience-epathram

തുടര്‍ന്ന് വിദ്യാര്‍ത്ഥികളുടെ മല്‍സരങ്ങളും അറബിക് നാടോടി നൃത്തം, ഒപ്പന, കോല്‍ക്കളി, സംഗീത കലാ വിരുന്ന് എന്നിവ അരങ്ങേറി.

എന്‍. കെ. ജലീല്‍, കെ. എസ്. ഷാനവാസ്‌, ടി. കെ. അലി, ടി. എസ്. നൌഷാദ്, അഷ്‌റഫ്‌ പിള്ളക്കാട്, അലി കാക്കശ്ശേരി എന്നിവര്‍ നേതൃത്വം നല്‍കി. അബ്ദുള്ളക്കുട്ടി കവിതയും ഹമീദ്‌ വടക്കേക്കാട് ഖിറാഅത്തും അവതരിപ്പിച്ചു.

(ഫോട്ടോ : കെ. വി. എ. ഷുക്കൂര്‍)

- കറസ്പോണ്ടന്റ്

വായിക്കുക:

അഭിപ്രായം എഴുതുക »

കെ.എം.സി.സി. കുടുംബ സംഗമം

December 22nd, 2010

dubai-kmcc-family-meet-2010-epathram

ദുബായ്‌ : ദുബായ്‌ തൃശൂര്‍ ജില്ല കെ. എം. സി. സി. യുടെ നേതൃത്വത്തില്‍ ഡിസംബര്‍ 24 വെള്ളിയാഴ്ച ഉച്ചയ്ക്ക് 1:30 മുതല്‍ രാത്രി 10 മണി വരെ ദുബായ്‌ ഖിസൈസിലെ ലുലു വില്ലേജിന് സമീപമുള്ള ഗള്‍ഫ്‌ മോഡല്‍ സ്ക്കൂളില്‍ വെച്ച് “കുടുംബ സംഗമം” സംഘടിപ്പിക്കുന്നു.

പ്രസ്തുത പരിപാടിയില്‍ പ്രശസ്ത അറബ് കവി ഡോ. ശിഹാബ്‌ ഗാനിം മുഖ്യ അതിഥിയായിരിക്കും.

കുട്ടികളുടെ ഹെന്ന ഡിസൈനിംഗ്, ചിത്ര രചന, കളറിംഗ്, പ്രശ്നോത്തരി, അംഗങ്ങളുടെ കായിക മല്‍സരങ്ങള്‍ തുടങ്ങിയവ ഉണ്ടാകും. തുടര്‍ന്ന് അറബിക് നാടോടി നൃത്തം, ഒപ്പന, കോല്‍ക്കളി, സംഗീത കലാ വിരുന്ന്, വിവിധ കലാ പരിപാടികള്‍ ഇന്നിവ ഉണ്ടായിരിക്കും.

വൈകീട്ട് ആറു മണിക്ക് നടക്കുന്ന സാംസ്കാരിക സമ്മേളനത്തില്‍ ഇന്ത്യന്‍ മീഡിയ ഫോറം പ്രസിഡണ്ട് സതീഷ്‌, ജന. സെക്രട്ടറി ജലീല്‍ പട്ടാമ്പി, ദുബായ്‌ കെ. എം. സി. സി. പ്രസിഡണ്ട് എളേറ്റില്‍ ഇബ്രാഹിം, ജന. സെക്രട്ടറി എന്‍. എ. കരീം, ഷാര്‍ജ കെ. എം. സി. സി. പ്രസിഡണ്ട് അലി കുഞ്ഞി, വ്യവസായ പ്രമുഖരായ എം. കെ. ഗ്രൂപ്പ്‌ റീജ്യണല്‍ ഡയറക്ടര്‍ എം. എ. സലിം, നെല്ലറ ഗ്രൂപ്പ്‌ എം. ഡി. ഷംസുദ്ദീന്‍, മാജിദ് പ്ലാസ്റ്റിക് എം. ഡി. മജീദ്‌, എം. പി. സി. സി. ജന. സെക്രട്ടറി ഹാരിസ്‌ നീലാമ്പ്ര എന്നീ പ്രമുഖര്‍ പങ്കെടുക്കും എന്ന് പ്രസിഡണ്ട് ജമാല്‍ മനയത്ത്‌, ജന. സെക്രട്ടറി മുഹമ്മദ്‌ വെട്ടുകാട്‌ എന്നിവര്‍ അറിയിച്ചു. കൂടുതല്‍ വിവരങ്ങള്‍ക്ക് 050 4591048, 050 4543895 എന്നീ നമ്പരുകളില്‍ ബന്ധപ്പെടുക.

- കറസ്പോണ്ടന്റ്

വായിക്കുക: ,

അഭിപ്രായം എഴുതുക »

സൂപ്പിക്ക് സ്വീകരണം നല്‍കി

December 19th, 2010

km-sooppy-epathram

ഷാര്‍ജ : മുന്‍ എം. എല്‍. എ. യും ജില്ലാ മുസ്ലിം ലീഗ് വൈസ്‌ പ്രസിഡണ്ടുമായ കെ. എം. സൂപ്പിക്ക് ഷാര്‍ജ കെ. എം. സി. സി. കണ്ണൂര്‍ ജില്ലാ കമ്മിറ്റി സ്വീകരണം നല്‍കി.

kmcc-sharjah-epathram

ഫോട്ടോ : കെ. വി. എ. ഷുക്കൂര്‍

- കറസ്പോണ്ടന്റ്

വായിക്കുക: , ,

അഭിപ്രായം എഴുതുക »

സാംസ്‌കാരിക സെമിനാര്‍

November 25th, 2010

kmcc-cultural-seminar-epathram

ദുബായ് :  ദുബായ് കെ. എം. സി. സി. സംഘടിപ്പിക്കുന്ന സാംസ്‌കാരിക സെമിനാര്‍ നവംബര്‍ 26 വെള്ളിയാഴ്ച രാത്രി 7.30ന് ദേര ലാന്‍റ് മാര്‍ക്ക് ഹോട്ടല്‍ ഓഡിറ്റോറി യത്തില്‍ നടക്കും.
 
‘ഗള്‍ഫ്: വിനിമയം ചെയ്യപ്പെടാതെ പോയ അനുഭവങ്ങള്‍’  എന്ന വിഷയ ത്തില്‍ സംഘടിപ്പിക്കുന്ന സെമിനാറില്‍ പ്രശസ്ത അറബ് കവി ഡോ. ശിഹാബ് ഗാനിം, പത്ര പ്രവര്‍ത്തകന്‍ അതുല്‍ അനേജ,  എഴുത്തുകാരന്‍ ഷാജഹാന്‍ മാടമ്പാട്ട്, തിരക്കഥാ കൃത്ത് ഡോ. ഇഖ്ബാല്‍ കുറ്റിപ്പുറം, സാംസ്‌കാരിക പ്രവര്‍ത്തകന്‍ എന്‍. എസ്. ജ്യോതി കുമാര്‍, മുസ്ലീം ലീഗ് സംസ്ഥാന സെക്രട്ടറി അഡ്വ. കെ. എന്‍. എ. ഖാദര്‍ തുടങ്ങിയ പ്രമുഖര്‍ പങ്കെടുക്കും.
 
യു. എ. ഇ. യുടെ 39-ാമത് ദേശീയ ദിനാഘോഷ ത്തോടനു ബന്ധിച്ചാണ്  ദുബായ് കെ. എം. സി. സി. സാംസ്കാരിക സെമിനാര്‍ സംഘടിപ്പിച്ചി രിക്കുന്നത് . ദേശീയ ദിനാഘോഷ സമാപന സമ്മേളനം  ഡിസംബര്‍ 2 ന് വ്യാഴാഴ്ച വൈകീട്ട് 6 മണിക്ക് ഗര്‍ഹൂദ്‌ എന്‍. ഐ. മോഡല്‍ സ്കൂള്‍ അങ്കണത്തില്‍ നടക്കും എന്നും സംഘാടകര്‍ അറിയിച്ചു. വിവരങ്ങള്‍ക്ക് വിളിക്കുക:  050 51 98 189 , 050 57 80 225

- കറസ്പോണ്ടന്റ്

വായിക്കുക: ,

അഭിപ്രായം എഴുതുക »

ദുബായ്‌ കെ. എം. സി. സി. രക്തദാന ക്യാമ്പ്

November 24th, 2010

blood-donation-epathram

ദുബായ്‌ : ദുബായ്‌ കെ. എം. സി. സി. മുപ്പത്തൊമ്പതാമത് യു. എ. ഇ. ദേശീയ ദിനാഘോഷങ്ങള്‍ക്ക് തുടക്കം കുറിച്ച് നവംബര്‍ 25 ന് ആരോഗ്യ വകുപ്പുമായി സഹകരിച്ച് രക്തദാന ക്യാമ്പ് സംഘടിപ്പിക്കുന്നു. നാം നല്‍കുന്ന രക്ത തുള്ളികള്‍ കൊണ്ട് ഒരു മനുഷ്യ ജീവിതം രക്ഷിക്കാനായാല്‍ അതൊരു മഹത്തായ സല്‍കര്‍മ്മ മായിരിക്കുമെന്നും, രക്തദാനവുമായി എല്ലാ കെ. എം. സി. സി. പ്രവര്‍ത്തകരും മനുഷ്യ സ്‌നേഹികളും സഹകരിക്കണമെന്നും സംഘാടകര്‍ അഭ്യര്‍ത്ഥിച്ചു. താഴെ കാണുന്ന നമ്പറുകളില്‍ വിളിച്ച് മുന്‍കൂട്ടി രജിസ്റ്റര്‍ ചെയ്യേണ്ടതാണ്. വിശദ വിവരങ്ങള്‍ക്കും രജിസ്‌ട്രേഷനും ആര്‍. ഷുക്കൂര്‍ (055-6077543), സി. എച്ച്. നൂറുദ്ദിന്‍ (050-6983151), അലി ടി. കെ. (050-3525205), ജമാല്‍ കെ. എം. (050-4690786) എന്നിവരുമായി ബന്ധപ്പെടുക.

- കറസ്പോണ്ടന്റ്

വായിക്കുക: , ,

അഭിപ്രായം എഴുതുക »

Page 1 of 512345

« Previous « യു. എന്‍. സ്ഥിരാംഗത്വ ത്തിനു ഇന്ത്യക്ക് യു. എ. ഇ. യുടെ പിന്തുണ
Next Page » ‘ഫ്രണ്ട്സ്‌ ഓഫ് ഇരിങ്ങാപ്പുറം’ രൂപീകരിച്ചു »



ലോക മലയാളി സംഗമം കൌണ്‍സില...
സൈലന്റ് വാലി സമര വിജയ വാര...
തിരുവിതാംകൂര്‍ ചരിത്ര പഠന...
ചങ്ങമ്പുഴ അനുസ്മരണവും കവി...
സൈലന്റ് വാലി സമര വിജയം ആഘ...
കെ. വി. ഷംസുദ്ധീന് പുരസ്ക...
വോട്ടര്‍മാര്‍ക്ക്‌ പണം നല...
കേരള സംഗീത നാടക അക്കാദമി ...
സാധാരണക്കാരനില്‍ നിന്നും ...
സമാന്തര മാധ്യമ സാധ്യത അവഗ...
നൊസ്റ്റാള്‍ജിയ 2010 അബുദാ...
ആരോഗ്യ ബോധവല്‍ക്കരണം അത്യ...
എന്‍ഡോസള്‍ഫാന്‍ ഐക്യദാര്‍...
ജയ്സന്‍ ജോസഫ്‌ ഷാര്‍ജയില്...
മയില്‍പ്പീലി പുരസ്കാരം പ്...
വയലാര്‍ : സര്‍ഗ്ഗ ശക്തിയെ...
പകല്‍ കിനാവന്റെ ഫോട്ടോകളു...
സ്ത്രീകള്‍ ജോലി ചെയ്യുന്ന...
ക്രിമിനല്‍ കേസില്‍ കുടുക്...
“നിലവിളികള്‍ക്ക്‌ കാതോര്‍...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine