അബുദാബി ഇന്ത്യാ സോഷ്യല് സെന്റര് കേന്ദ്രമായി പ്രവര്ത്തിക്കുന്ന ഫിലിം ക്ലബ്ബ് ഒരുക്കുന്ന ചലച്ചിത്ര പ്രദര്ശനത്തില് മധു കൈതപ്രം സംവിധാനം ചെയ്ത “മധ്യവേനല്” എന്ന മലയാള സിനിമ പ്രദര്ശിപ്പിക്കും. മെയ് മൂന്ന് തിങ്കളാഴ്ച രാത്രി എട്ടു മണിക്കാണ് പ്രദര്ശനം.
മനോജ് കെ. ജയന്, ശ്വേതാ മേനോന്, അരുണ്, ബാലചന്ദ്രന് ചുള്ളിക്കാട്, നിവേദിത, സബിത ജയരാജ് എന്നിവരാണ് പ്രധാന കഥാപാത്രങ്ങളെ അവതരിപ്പിച്ചത്.
‘ഏകാന്തം’ എന്ന ആദ്യചിത്ര ത്തിലൂടെ നവാഗത സംവിധായകനുള്ള ദേശീയ അവാര്ഡ് നേടി ശ്രദ്ധയാകര്ഷിച്ച മധു കൈതപ്രം, ഉത്തര മലബാറിന്റെ സാമൂഹ്യ സാംസ്കാരിക ജീവിതം പശ്ചാത്തലമാക്കി നിര്മിച്ച മധ്യവേനലിന് മികച്ച ഗായകനുള്ള സംസ്ഥാന അവാര്ഡും പത്മരാജന് പുരസ്കാരവും നേടിയിട്ടുണ്ട്.
ജഹാംഗീര് ഷംസ് എന്ന പ്രവാസി മലയാളിയാണ് മധ്യവേനല് നിര്മിച്ചത്.
ചടങ്ങില് സംവിധായകന് മധു കൈതപ്രം, നിര്മാതാവ് ജഹാംഗീര് ഷംസ് എന്നിവര് സംബന്ധിക്കും
ദുബായ് : ഏഷ്യാ വിഷനും റേഡിയോ ഏഷ്യയും ചേര്ന്ന് നടത്തിയ ആഗോള വോട്ടെടുപ്പിന്റെ അടിസ്ഥാനത്തില് ലോകത്തിലെ ഏറ്റവും പ്രശസ്തനായ മലയാളിയായി മമ്മുട്ടിയും ലോകത്തിലെ ഏറ്റവും പ്രശസ്തനായ എന്. ആര്. ഐ. ആയി പദ്മശ്രീ എം. എ. യൂസഫലിയും തെരഞ്ഞെടുക്കപ്പെട്ടു. അവസാന റൌണ്ടില് ശശി തരൂര്, വി. എസ്. അച്യുതാനന്ദന്, മോഹന്ലാല്, മാധവന് നായര്, യേശുദാസ്, റസൂല് പൂക്കുട്ടി എന്നിവരെ പിന്തള്ളിയാണ് മമ്മുട്ടിയെ തെരഞ്ഞെടുത്തത്. ലക്ഷ്മി മിത്തല്, മാധുരി ദീക്ഷിത് എന്നിവരെയാണ് എം.കെ. ഗ്രൂപ്പ് മാനേജിംഗ് ഡയറക്ടറും പ്രമുഖ വ്യവസായിയുമായ പദ്മശ്രീ യൂസഫലി പരാജയപ്പെടുത്തിയത്.
