കാരക്കസ്: വെനസ്വേലാ പ്രസിഡന്റ് ഹ്യൂഗോ ചാവേസ് തിങ്കളാഴ്ച രാവിലെ രാജ്യത്ത്‌ തിരിച്ചെത്തി. വെനസ്വേലയുടെ സ്വാതന്ത്ര്യദിനത്തിന്റെ തലേന്നാണ് അദ്ദേഹം തിരിച്ചെത്തിയത്. അര്‍ബുദമുഴ നീക്കം ചെയ്യാനുള്ള ശസ്ത്രക്രിയയ്ക്കായി ജൂണ്‍ എട്ടിനാണ് അദ്ദേഹം ക്യൂബയിലേക്ക് പോയത്‌.. ക്യൂബയുടെ പ്രസിഡന്റ് റൗള്‍ കാസ്‌ട്രോയോട് യാത്രപറഞ്ഞ് വിമാനം കയറുന്ന ചാവേസിന്റെ ദൃശ്യവും അദ്ദേഹം കാരക്കസ്സില്‍ വിമാനമിറങ്ങുന്നതിന്റെ ദൃശ്യവും വെനസ്വേല ടെലിവിഷന്‍ സംപ്രേഷണം ചെയ്തു. “സൂര്യോദയത്തോടൊപ്പമാണ് താന്‍ നാട്ടില്‍ തിരിച്ചെത്തുന്നത് അത് സന്തോഷജനകമാണ് ” ചാവേസ് പറഞ്ഞു. ചാവേസിന്റെ ആരോഗ്യനിലയെപ്പറ്റി വെനസ്വേലയില്‍ അഭ്യൂഹങ്ങള്‍ പ്രചരിച്ചിരുന്നു ഇതിനിടയിലാണ് ചാവേസിന്റെ ദൃശ്യങ്ങള്‍ വെനസ്വേല ടെലിവിഷന്‍ സംപ്രേഷണം ചെയ്തത്.
-
അനുബന്ധ വാര്‍ത്തകള്‍
വായിക്കുക: ആരോഗ്യം
