ഖര്തൂം: സൊമാലിയയിലെ അഭയാര്ഥികളുമായി പോവുകയായിരുന്ന ബോട്ട് ചെങ്കടലില് കത്തിനശിച്ചതിനെത്തുടര്ന്ന് 197 പേര് മുങ്ങിമരിച്ചു. കടുത്ത വരള്ച്ചയില് നിന്നും രക്ഷതേടി സൗദി അറേബ്യ ലക്ഷ്യമാക്കി നീങ്ങിയ ബോട്ടിന് സുഡാന് തീരത്തിനടുത്തെത്തിയപ്പോഴാണ് തീപിടിച്ചത്. ബോട്ടിലുണ്ടായിരുന്ന മൂന്ന് പേര് രക്ഷപ്പെട്ടതായി സുഡാന് ഔദ്യോഗിക മാധ്യമം റിപ്പോര്ട്ട് ചെയ്തു. 60 വര്ഷത്തിനിടെയുണ്ടായ ഏറ്റവും രൂക്ഷമായ വരള്ച്ചയാണ് സൊമാലിയയില് ഇപ്പോഴുള്ളത്. 20 വര്ഷമായി തുടരുന്ന ആഭ്യന്തരയുദ്ധവും രാജ്യത്തെ ജനജീവിതം ദുസ്സഹമാക്കിയിരിക്കയാണ്. ഒന്നേകാല് കോടിയോളം ജനസംഖ്യയുള്ള രാജ്യത്തെ നാലിലൊന്ന് പൗരന്മാരും ഇപ്പോള് മറ്റ് രാജ്യങ്ങളിലേക്ക് കുടിയേറുകയോ രാജ്യത്തിനകത്തുതന്നെ അഭയാര്ഥികളാവുകയോ ചെയ്തതായാണ് യു.എന് കണക്ക്.
-
അനുബന്ധ വാര്ത്തകള്
വായിക്കുക: ദുരന്തം