പാരീസ്‌ : ഫ്രാന്സ് വഴിയരികിലെ നിസ്കാരത്തിന് വിലക്ക് കല്‍പ്പിച്ചു. ആയിരക്കണക്കിന് മുസ്ലിം മത വിശ്വാസികള്‍ വെള്ളിയാഴ്ചകളില്‍ പള്ളികളില്‍ സ്ഥല പരിമിതി ഉള്ളതിനാല്‍ പള്ളികള്‍ക്ക് പുറത്ത്‌ തെരുവോരത്തും മറ്റുമായി തങ്ങളുടെ നിസ്കാര പായകള്‍ വിരിക്കുക പതിവായിരുന്നു. എന്നാല്‍ മത ആചാരങ്ങളുടെ പൊതു പ്രദര്‍ശനം പൊതുവേ സ്വാഗതം ചെയ്യാത്ത ഫ്രഞ്ച് ജനതയിലെ ചില വലതു പക്ഷ വിഭാഗങ്ങള്‍ക്ക്‌ ഇതില്‍ അമര്‍ഷം ഉണ്ടായിരുന്നു. ഇത് പൊതു സമൂഹത്തിനു മേല്‍ മതം നടത്തുന്ന കടന്നു കയറ്റമാണ് എന്ന് വരെ വിമര്‍ശനവും ഉണ്ടായിരുന്നു. ഈ സാഹചര്യത്തിലാണ് ഇത്തരം പൊതു സ്ഥലത്തുള്ള നിസ്കാരം നിരോധിച്ചത്. യൂറോപ്പിലെ തന്നെ ഏറ്റവും ആധികള്‍ മുസ്ലിം മത വിശ്വാസികള്‍ ഉള്ള ഫ്രാന്‍സിലെ വിശ്വാസികള്‍ക്ക് നിസ്കരിക്കാന്‍ പള്ളികളിലുള്ള സ്ഥല പരിമിതി പരിഹരിക്കാനായി ഒരു പുതിയ പള്ളി പണിത് തുടങ്ങിയിട്ടുണ്ട്. അതിന്റെ പണി പൂര്‍ത്തിയാകുന്നത് വരെ ഒരു താല്‍ക്കാലിക കെട്ടിടത്തില്‍ നിസ്കരിക്കാന്‍ ഉള്ള സൌകര്യവും ഒരുക്കിയിട്ടുണ്ട്.
- ജെ.എസ്.
അനുബന്ധ വാര്‍ത്തകള്‍
വായിക്കുക: ഫ്രാന്സ്, മതം
ആരാധനയാകാം സമൂഹത്തിനു ശല്യമാകരുത് അത് അവരുടെ രാജ്യത്തെ നിയമം.ചിലയിടത്ത് ക്രിസ്ത്യന്‍ പള്ളിക്കും ഹിന്ദു ക്ഷേത്രത്തിനും അനുമതിപോലും ഇല്ല.
ഇസ്ലാമൊഫോബിയ അല്ലാതെന്തു പറയാന്‍….ഇതു കൊണ്ടൊന്നും ഇസ്ലാമിനെ തകര്‍ക്കന്‍ കഴിയില്ല .കാരണം ഇസ്ലാം സ്രിഷ്റ്റവിന്റെ മതമാണു .മനുഷ്യ നിര്‍മിത ഭരണ കൂടങ്ങല്‍ക്ക് തടയിടാന്‍ കഴിയില്ല.ഇസ്ലാമിനെ കുറിചു കൂടുതല്‍ പടിക്കാന്‍ ശ്രമിക്കുക.