ദുബായ്‌ : ധന വിനിമയ രംഗത്തെ പ്രമുഖരായ യു.എ.ഇ. എക്സ്ചേഞ്ച് ഉപഭോക്താക്കള്‍ക്ക്‌ വേണ്ടി ഏര്‍പ്പെടുത്തിയ മണി മജ്ലിസ് പ്രമോഷന്‍ സമാപിച്ചു. മെഗാ സമ്മാനമായ ബി. എം. ഡബ്ല്യു. കാര്‍ മലപ്പുറം സ്വദേശിയായ ഷാജി ഹംസ നേടി.
ഷാജി ഹംസ
യു.എ.ഇ. യിലെ എല്ലാ യു.എ.ഇ. എക്സ്ചേഞ്ച് ശാഖകള്‍ വഴിയും ഓഗസ്റ്റ്‌ 22 മുതല്‍ ഒക്ടോബര്‍ 20 വരെ കാലയളവില്‍ പണമിടപാട്‌ നടത്തിയ എല്ലാവരെയും ഉള്‍പ്പെടുത്തി കൊണ്ടുള്ള ഈ പ്രൊമോഷനില്‍ ഏറ്റവും പുതിയതായി തുറന്ന അല ഖിസൈസ്‌ രണ്ട് ശാഖയിലൂടെ ഒക്ടോബര്‍ 18ന് ഷാജി ഹംസ നടത്തിയ ഇടപാടാണ് സൌഭാഗ്യ വാഹനം കൊണ്ടു വന്നത്. ഇതേ ശാഖയില്‍ വെച്ച് നടന്ന മെഗാ നറുക്കെടുപ്പിന് ദുബായ്‌ സാമ്പത്തിക വികസന വകുപ്പ്‌ പ്രതിനിധി മോസാ മത്താര്‍ നേതൃത്വം നല്‍കി. യു.എ.ഇ. എക്സ്ചേഞ്ച് ചീഫ്‌ ഓപ്പറേറ്റിംഗ് ഓഫീസര്‍ വൈ. സുധീര്‍ കുമാര്‍ ഷെട്ടി, ഗ്ലോബല്‍ ബിസിനസ് ഹെഡ്‌ ഗോപകുമാര്‍ ഭാര്‍ഗവന്‍, കണ്‍ട്രി ഹെഡ്‌ വര്‍ഗീസ്‌ മാത്യു, ബിസിനസ് ഡെവലപ്മെന്റ് ഹെഡ്‌ ദീപക്‌ നായര്‍, ഏരിയ മാനേജര്‍ ജേക്കബ്‌ മാത്യു തുടങ്ങിയവരും സംബന്ധിച്ചു.
- ജെ.എസ്.
അനുബന്ധ വാര്‍ത്തകള്‍
വായിക്കുക: money-exchange, promotions, uae-exchange
