ഇന്ത്യന്‍ രൂപയുടെ മൂല്യത്തകര്‍ച്ച തുടരുന്നു

December 17th, 2011

മുംബൈ: ഡോളറുമായുള്ള ഇന്ത്യന്‍ രൂപയുടെ വിനിമയമൂല്യം അനുദിനം ഇടിഞ്ഞു കൊണ്ടിരിക്കുന്നു. ഇന്നലെ ഒരു ഡോളറിന് 53.71 ഇന്ത്യന്‍ രൂപ എന്ന നിരക്കില്‍ വ്യാപാരം അവസാനിപ്പിച്ചത് എന്നാല്‍ ഇന്ന് അത് വീണ്ടും ഇടിഞ്ഞ് 54.30 എന്ന നിലയിലേക്ക് എത്തി. വരും ദിവസങ്ങളിലും രൂപയുടെ മൂല്യം കുറയുവാനാണ് സാധ്യതയെന്നാണ് സാമ്പത്തിക വിദഗ്ദരുടെ വിലയിരുത്തല്‍. ഇങ്ങിനെ തുടര്‍ന്നാല്‍ വരും ദിവസങ്ങളില്‍ ഒരു പക്ഷെ ഇത് 55-56 വരെ എത്തുമെന്നാണ്‌ റിപ്പോര്‍ട്ടുകള്‍ നല്‍കുന്ന സൂചന. ചരിത്രത്തിലെ തന്നെ ഏറ്റവും വലിയ ഇടിവിലൂടെയാണ് ഇന്ത്യന്‍ രൂപ കടന്നു പോയ്ക്കൊണ്ടിരിക്കുന്നത്. രൂപയുടെ വിലയിടിവ് ഇറക്കുമതിയെ കാര്യമായി ബാധിക്കും. എണ്ണക്കമ്പനികളെ പെട്രോളിയം ഉല്പന്നങ്ങള്‍ക്ക് വില വര്‍ദ്ധിപ്പിക്കുവാന്‍ നിര്‍ബന്ധിതമാകും. പെട്രോളിന്റെ വില നിയന്ത്രണം സര്‍ക്കാര്‍ എടുത്തുകളഞ്ഞതിനാല്‍ കമ്പനികള്‍ക്ക് ഇക്കാര്യത്തില്‍ കൂടുതല്‍ സ്വാതന്ത്ര്യം ഉണ്ട്. രൂപയുടെ മൂല്യശോഷണവും പെട്രോളിയം ഉല്പന്നങ്ങളുടെ വിലവര്‍ദ്ധനവും തുടര്‍ന്നാല്‍ ഇന്ത്യന്‍ സമ്പദ് വ്യവസ്ഥയെ തന്നെ ഏറെ ദോഷകരമായി ബാധിക്കുന്ന വിധത്തിലാണ് കാര്യങ്ങള്‍ കൊണ്ടെത്തിക്കുക. ഓഹരിവിപണിയിലും ഇതിന്റെ പ്രതിഫലനം ഉണ്ടാകും. വിദേശ ഇന്ത്യക്കാരെ സംബന്ധിച്ച് രൂപയുടെ വിലയിടിവ് പ്രത്യക്ഷത്തില്‍ ഗുണകരമായി തോന്നാമെങ്കിലും ഇന്ത്യയില്‍ ഉല്പന്നങ്ങള്‍ക്കും സേവനങ്ങള്‍ക്കും ഉണ്ടാകുന്ന വിലവര്‍ദ്ധനവ് തിരിച്ചടിയാകും. എങ്കിലും വിനിമയ നിരക്കില്‍ അപ്രതീക്ഷിതമായി ലഭിച്ച വലിയ ആനുകൂല്യം മുതലാക്കുവാനുള്ള പ്രവണത പ്രവാസികള്‍ക്കിടയില്‍ വര്‍ദ്ധിച്ചിട്ടുണ്ട്.

-

വായിക്കുക: , , ,

Comments Off on ഇന്ത്യന്‍ രൂപയുടെ മൂല്യത്തകര്‍ച്ച തുടരുന്നു

രൂപയുടെ മൂല്യതകര്‍ച്ച റെക്കോര്‍ഡിലേക്ക്

November 23rd, 2011

ന്യൂഡല്‍ഹി: ഡോളറുമായുള്ള വിനിമയത്തില്‍ രൂപക്കില്‍ ചരിത്രത്തിലെ ഏറ്റവും വലിയ തിരിച്ചടി നേരിട്ടുകൊണ്ട് രൂപയുടെ മൂല്യം വീണ്ടും താഴ്ന്നു. 52.73 രൂപയാണ് ഇപ്പോഴത്തെ വിനിമയ നിരക്ക്.ഇപ്പോഴത്തെ മൂല്യത്തകര്‍ച്ച 55 രൂപ വരെ എത്തിയേക്കുമെന്നും വിദഗ്ധര്‍ മുന്നറിയിപ്പ് നല്‍കുന്നുണ്ട്. 2009 മാര്‍ച്ചില്‍ ആഗോള പ്രതിസന്ധിയെ തുടര്‍ന്നാണ് ഡോളറുമായുള്ള വിനിമയത്തില്‍ രൂപ ഇതിനു മുമ്പ് ഏറ്റവും കുറഞ്ഞ നിരക്ക് രേഖപ്പെടുത്തിയത്. 52.20 രൂപയായിരുന്നു അന്നത്തെ വിനിമയ നിരക്ക്. യൂറോപ്യന്‍ മേഖലയിലെ കടുത്ത സാമ്പത്തിക അരക്ഷിതാവസ്ഥയും ഇന്ത്യയില്‍ നിന്ന് വന്‍തോതില്‍ വിദേശ നിക്ഷേപം പിന്‍വലിക്കപ്പെടുന്നതുമാണ് രൂപയുടെ തകര്‍ച്ചക്ക് കാരണം സാമ്പത്തിക വിദഗ്ധര്‍ പറയുന്നു. മൂല്യത്തകര്‍ച്ച തടയുന്നതിനായി യു.എസ് ഡോളര്‍ വില്‍പ്പന നടത്തുന്നതടക്കമുള്ള അടിയന്തര നടപടികള്‍ക്ക് റിസര്‍വ് ബാങ്ക് ശ്രമം നടത്തിയെങ്കിലും വിജയിച്ചില്ല. രൂപയെ സഹായിക്കാനുള്ള റിസര്‍വ് ബാങ്ക് ഓഫ് ഇന്ത്യയുടെ ശ്രമങ്ങള്‍ ഫലവത്താവുന്നില്ലെന്ന് കേന്ദ്ര ധനമന്ത്രി പ്രണബ് മുഖര്‍ജി വ്യക്തമാക്കി. തകര്‍ച്ചക്കു പിന്നില്‍ ആഗോള കാരണങ്ങളാണെന്ന് ചൂണ്ടിക്കാട്ടിയ അദ്ദേഹം രാജ്യത്തെ വിദേശ നിക്ഷേപങ്ങള്‍ വന്‍തോതില്‍ പിന്‍വലിക്കപ്പെടുന്നതായും ചൂണ്ടിക്കാട്ടി.

-

വായിക്കുക: , , ,

അഭിപ്രായം എഴുതുക »

യു.എ.ഇ. എക്സ്ചേഞ്ച് മെഗാ സമ്മാനം മലയാളിക്ക്‌

October 31st, 2010

uae-exchange-money-majlis-winner-epathram

ദുബായ്‌ : ധന വിനിമയ രംഗത്തെ പ്രമുഖരായ യു.എ.ഇ. എക്സ്ചേഞ്ച് ഉപഭോക്താക്കള്‍ക്ക്‌ വേണ്ടി ഏര്‍പ്പെടുത്തിയ മണി മജ്ലിസ് പ്രമോഷന്‍ സമാപിച്ചു. മെഗാ സമ്മാനമായ ബി. എം. ഡബ്ല്യു. കാര്‍ മലപ്പുറം സ്വദേശിയായ ഷാജി ഹംസ നേടി.

shaji-hamsa-epathram

ഷാജി ഹംസ

യു.എ.ഇ. യിലെ എല്ലാ യു.എ.ഇ. എക്സ്ചേഞ്ച് ശാഖകള്‍ വഴിയും ഓഗസ്റ്റ്‌ 22 മുതല്‍ ഒക്ടോബര്‍ 20 വരെ കാലയളവില്‍ പണമിടപാട്‌ നടത്തിയ എല്ലാവരെയും ഉള്‍പ്പെടുത്തി കൊണ്ടുള്ള ഈ പ്രൊമോഷനില്‍ ഏറ്റവും പുതിയതായി തുറന്ന അല ഖിസൈസ്‌ രണ്ട് ശാഖയിലൂടെ ഒക്ടോബര്‍ 18ന് ഷാജി ഹംസ നടത്തിയ ഇടപാടാണ് സൌഭാഗ്യ വാഹനം കൊണ്ടു വന്നത്. ഇതേ ശാഖയില്‍ വെച്ച് നടന്ന മെഗാ നറുക്കെടുപ്പിന് ദുബായ്‌ സാമ്പത്തിക വികസന വകുപ്പ്‌ പ്രതിനിധി മോസാ മത്താര്‍ നേതൃത്വം നല്‍കി. യു.എ.ഇ. എക്സ്ചേഞ്ച് ചീഫ്‌ ഓപ്പറേറ്റിംഗ് ഓഫീസര്‍ വൈ. സുധീര്‍ കുമാര്‍ ഷെട്ടി, ഗ്ലോബല്‍ ബിസിനസ് ഹെഡ്‌ ഗോപകുമാര്‍ ഭാര്‍ഗവന്‍, കണ്‍ട്രി ഹെഡ്‌ വര്‍ഗീസ്‌ മാത്യു, ബിസിനസ് ഡെവലപ്മെന്റ് ഹെഡ്‌ ദീപക്‌ നായര്‍, ഏരിയ മാനേജര്‍ ജേക്കബ്‌ മാത്യു തുടങ്ങിയവരും സംബന്ധിച്ചു.

- ജെ.എസ്.

വായിക്കുക: , ,

അഭിപ്രായം എഴുതുക »

യു.എ.ഇ. എക്സ്ചേഞ്ച് മണി മജ്‌ലിസ്

September 12th, 2010

uae-exchange-money-majlis-promotion-2010-epathramധന വിനിമയ രംഗത്തെ ആഗോള പ്രശസ്തമായ യു.എ.ഇ. എക്സ്ചേഞ്ച് ഉപഭോക്താക്കള്‍ക്ക്‌ വേണ്ടി മണി മജ്‌ലിസ് പ്രമോഷന്‍ പ്രഖ്യാപിച്ചു. യു.എ.ഇ. യിലെ ഏത് യു.എ.ഇ. എക്സ്ചേഞ്ച് ശാഖ വഴിയും ഓഗസ്റ്റ്‌ 22 മുതല്‍ ഒക്ടോബര്‍ 20 വരെയുള്ള കാലയളവില്‍ നടത്തുന്ന പണമിടപാടുകള്‍ എല്ലാം നറുക്കെടുപ്പിന് പരിഗണിക്കപ്പെടും. ഒക്ടോബര്‍ 24ന് നടക്കുന്ന മെഗാ നറുക്കെടുപ്പിലൂടെ ഒരു ഭാഗ്യശാലിക്ക് ഒരു പുത്തന്‍ ബി.എം.ഡബ്ല്യൂ കാര്‍ മെഗാ സമ്മാനമായി ലഭിക്കും.

നാല് ദ്വൈവാര നറുക്കെടുപ്പുകളിലൂടെ ഒരു മില്യന്‍ ദിര്‍ഹം വരെ മൂല്യമുള്ള ക്യാഷ്‌ വൌച്ചറുകള്‍ വേറെയും ഏര്‍പ്പെടുത്തിയിട്ടുണ്ട്. ഇവര്‍ക്ക്‌ തങ്ങള്‍ അയച്ച തുകയ്ക്ക് തുല്യമായ ക്യാഷ്‌ വൌച്ചര്‍ ആണ് സമ്മാനം ലഭിക്കുക. സെപ്തംബര്‍ 7, 22, ഒക്ടോബര്‍ 7, 24 എന്നിങ്ങനെയാണ് പ്രതിമാസ നറുക്കെടുപ്പുകള്‍. 25 വീതം നൂറു വിജയികള്‍ ഈ വിഭാഗത്തില്‍ ഉണ്ടാവും. യു.എ.ഇ. എക്സ്ചേഞ്ച് വഴി ഇടപാട്‌ നടത്തുമ്പോള്‍ കിട്ടുന്ന കൂപ്പണ്‍ നമ്പര്‍ എത്തിസലാത്ത്‌ 2181 അല്ലെങ്കില്‍ ഡു 2201 നമ്പറിലേക്ക് എസ്.എം.എസ്. ചെയ്‌താല്‍ നറുക്കെടുപ്പിന് യോഗ്യത ലഭിക്കും. കൂടുതല്‍ വിവരങ്ങള്‍ക്ക് +9714 3535350 എന്ന നമ്പറില്‍ വിളിച്ചാല്‍ മതി.

ലോകത്തിന്റെ വിശ്വസ്ത മണി ട്രാന്‍സ്ഫര്‍ സ്ഥാപനമെന്ന ഖ്യാതി നേടിയ യു.എ.ഇ. എക്സ്ചേഞ്ച് തങ്ങളുടെ ഉപഭോക്താക്കളുടെ ക്ഷേമം മുഖ്യമായി പരിഗണിക്കുന്നത് കൊണ്ടാണ് ഇത്തരം പ്രമോഷന്‍ പദ്ധതികള്‍ ആവിഷ്കരിച്ച്, അമൂല്യ സമ്മാനങ്ങള്‍ നല്‍കുന്നതെന്ന് യു.എ.ഇ. എക്സ്ചേഞ്ച് അധികൃതര്‍ അറിയിച്ചു.

- ജെ.എസ്.

വായിക്കുക: , ,

അഭിപ്രായം എഴുതുക »

മുപ്പത്‌ ലേബര്‍ ക്യാമ്പുകളില്‍ ഇഫ്താര്‍

September 9th, 2010

അബുദാബി : പ്രശസ്ത മണി ട്രാന്‍സ്ഫര്‍ സ്ഥാപനമായ എക്സ്പ്രസ്‌ മണി ഈ വര്‍ഷവും യു.എ.ഇ. യിലെ മുപ്പത്‌ ലേബര്‍ ക്യാമ്പുകള്‍ക്ക്‌ വേണ്ടി തികച്ചും വേറിട്ടതും ശ്രദ്ധേയവുമായ ഇഫ്താര്‍ സ്നേഹ സംഗമവും ഇസ്ലാമിക പ്രശ്നോതരിയും സംഘടിപ്പിച്ചു. കഴിഞ്ഞ തവണ ഇരുപതു ക്യാമ്പുകളെ കേന്ദ്രീകരിച്ചാണ് ഈ പരിപാടി നടന്നത്. ഓഗസ്റ്റ്‌ പതിനൊന്നു മുതല്‍ സെപ്റ്റംബര്‍ പത്തു വരെ കാലയളവില്‍ അബുദാബി, ദുബായ്‌, ഷാര്‍ജ എന്നീ മൂന്നു മേഖലകളില്‍ നടന്ന സ്നേഹ സംഗമങ്ങളില്‍ റമദാന്‍ പ്രശ്നോത്തരി തൊഴിലാളി സമൂഹത്തിന് വലിയ ആവേശം പകര്‍ന്നു. മേഖലാ വിജയികളെ പങ്കെടുപ്പിച്ചു കൊണ്ട് പെരുന്നാളിന് ശേഷം മെഗാ മല്‍സരങ്ങള്‍ നടക്കും. പത്തു പേര്‍ക്ക് ഉംറ നിര്‍വഹിക്കാനുള്ള സൌകര്യമാണ് സമ്മാനം.

uae-exchange-iftar-islamic-quiz-epathram

ഓരോ ക്യാമ്പുകളിലും നൂറു കണക്കിന് പേരാണ് ഇഫ്താറിലും പ്രശ്നോത്തരി യിലും പങ്കെടുത്തത്. പൊതുവേ പൊതു ശ്രദ്ധയില്‍ അധികം അവസരം കിട്ടാത്ത ഇവര്‍ക്ക്‌ വലിയ ആഹ്ലാദം പകര്‍ന്നു കൊണ്ടാണ് പരിപാടി അവസാനിച്ചത്‌. വിജയികള്‍ക്ക് എക്സ്പ്രസ്‌ മണി വക തല്‍സമയ സമ്മാനങ്ങളും നല്‍കി. ഒട്ടേറെ ജീവ കാരുണ്യ പ്രവര്‍ത്തനങ്ങള്‍ക്ക് നേതൃത്വം നല്‍കുന്ന എക്സ്പ്രസ്‌ മണി ആത്മീയ നിര്‍വൃതിയുടെ വിശുദ്ധ മാസത്തില്‍ സംഘടിപ്പിച്ച വ്യത്യസ്തമായ ഈ പരിപാടി തങ്ങളുടെ സാധാരണ ഉപഭോക്താക്കളുടെ ജീവിത പ്രശ്നങ്ങളും പ്രയാസങ്ങളും അടുത്തറിയാനുള്ള അവസരം സൃഷ്ടിക്കുന്നതായി അധികൃതര്‍ സൂചിപ്പിച്ചു.

- ജെ.എസ്.

വായിക്കുക: , ,

അഭിപ്രായം എഴുതുക »

1 of 5123...Last »

« Previous « അമൃതം റെജിക്ക് പ്രശംസാ പത്രം
Next Page » യു.എ.ഇ. എക്സ്ചേഞ്ച് മണി മജ്‌ലിസ് »



Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine