കേരളാ സോഷ്യല്‍ സെന്‍ററില്‍ ‘നാടകോത്സവം 2010’

December 6th, 2010

ksc-drama-fest-logo-epathram

അബുദാബി :  യു. എ. ഇ. യിലെ നാടക പ്രേമികള്‍ക്ക്‌ വീണ്ടും ഒരു അസുലഭാവസരം ഒരുക്കി കൊണ്ട് കേരള സോഷ്യല്‍  സെന്‍റര്‍ നാടകോത്സവം സംഘടിപ്പിക്കുന്നു. ഡിസംബര്‍ 10 ന് തുടക്കം കുറിക്കുന്ന  ‘നാടകോത്സവം 2010’ പ്രശസ്ത നടനും സംഗീത നാടക അക്കാദമി ചെയര്‍മാനുമായ മുകേഷ് ഉദ്ഘാടനം ചെയ്യും. മുഖ്യാതിഥി യായി അക്കാദമി സെക്രട്ടറി രാവുണ്ണി യും പങ്കെടുക്കും. ഇതിന്‍റെ ഔദ്യോഗിക പ്രഖ്യാപനം പ്രശസ്ത നാടക – സിനിമാ പ്രവര്‍ത്തകന്‍ പ്രകാശ് ബാരെ നിര്‍വ്വഹിച്ചു.
 
ഡിസംബര്‍ 10  മുതല്‍ 24 വരെ നടക്കുന്ന നാടകോത്സവ ത്തില്‍  ഒമ്പതു നാടക ങ്ങളാണു മത്സരിക്കുക. രാത്രി 8 മണിക്ക് കെ. എസ്. സി. അങ്കണ ത്തിലാണ് നാടകങ്ങള്‍ അരങ്ങേറുക.  ലോകോത്തര നിലവാരമുള്ളതും, ദേശീയ തലത്തില്‍ ശ്രദ്ധിക്കപ്പെട്ടതും, സംസ്ഥാന തലത്തില്‍ നിരവധി അംഗീകാരങ്ങള്‍ നേടിയതുമായ നാടക ങ്ങളും ഇവിടത്തെ നാടകാസ്വാദകര്‍ക്ക് മുന്നില്‍  അവതരിപ്പിക്കപ്പെടും.  മാത്രമല്ല കേരള സംഗീത നാടക അക്കാദമി യുടെ യു. എ. ഇ. യിലെ എക്സ്റ്റന്‍ഷന്‍ സെന്‍റര്‍ ആയി കെ. എസ്. സി. യെ അംഗീകരിച്ചതിന്‍റെ ഔദ്യോഗിക പ്രഖ്യാപനവും ‘നാടകോത്സവ’ത്തില്‍ ഉണ്ടാവും. 
 

ksc-drama-fest-press-meet-epathram

ആദ്യ ദിവസമായ ഡിസംബര്‍  10  വെള്ളിയാഴ്‌ച, രാത്രി 8 മണിക്ക്  സാമുവല്‍ ബക്കറ്റിന്‍റെ ‘ഗോദോയെക്കാത്ത്’ സതീഷ്‌ മുല്ലക്കല്‍ സംവിധാനം ചെയ്ത്, ദുബായ് കൂത്തമ്പലം അവതരിപ്പിക്കുന്നു.
 
രണ്ടാമതു നാടകം ഡിസംബര്‍ 14 ചൊവ്വാഴ്ച, ഗിരീഷ്‌ ഗ്രാമിക യുടെ ‘ആത്മാവിന്‍റെ ഇടനാഴി’  അശോകന്‍ കതിരൂര്‍ സംവിധാനം ചെയ്തു കല അബുദാബി അവതരിപ്പിക്കും.
 
 
ഡിസംബര്‍ 16 വ്യാഴം, എന്‍. ശശീധരനും ഇ. പി. രാജഗോപാലും ചേര്‍ന്ന്‍ എഴുതിയ ‘കേളു’ എന്ന നാടകം, മഞ്ജുളന്‍ സംവിധാനം ചെയ്ത് ശക്തി തിയ്യറ്റേഴ്സ് അവതരിപ്പിക്കും.
 
ഡിസംബര്‍  17  വെള്ളിയാഴ്ച, ജോര്‍ജ്ജ് ബുച്നറുടെ ‘വൊയ്‌സെക്’  ഓ. ടി. ഷാജഹാന്‍റെ സംവിധാന ത്തില്‍ തിയ്യേറ്റര്‍ ദുബായ് അവതരിപ്പിക്കും.
 
ഡിസംബര്‍  18 ശനിയാഴ്‌ച, ഹെന്‍റിക് ഇബ്സന്‍ രചിച്ച ‘ദി ഗോസ്റ്റ്‌’ എന്ന നാടകം, ഇസ്കന്ദര്‍ മിര്‍സ യുടെ സംവിധാനത്തില്‍ അബുദാബി നാടകസൗഹൃദം  അവതരിപ്പിക്കും.
 
ഡിസംബര്‍ 20 തിങ്കളാഴ്ച, വിനോദ്‌ കുമാര്‍ രചനയും സംവിധാനവും നിര്‍വ്വഹിച്ച ‘യക്ഷിക്കഥകളും നാട്ടു വര്‍ത്തമാനങ്ങളും’  എന്ന നാടകം, അല്‍ ഐന്‍ ഐ. എസ്. സി. അവതരിപ്പിക്കും.
 
ഡിസംബര്‍  22 ബുധന്‍, ജ്യോതിഷ് എഴുതി സംവിധാനം ചെയ്യുന്ന ‘സ്വര്‍ണച്ചൂണ്ടയും മത്സ്യകന്യകയും’  യുവ കലാസാഹിതി അബുദാബി അവതരിപ്പിക്കും.
 
ഡിസംബര്‍ 23 വ്യാഴം,  മണികണ്‍ഠദാസ്‌  എഴുതി ബാബു കുരുവിള സംവിധാനം ചെയ്ത ‘ദ മിറര്‍’ എന്ന നാടകം, പ്ലാറ്റ്‌ഫോം ദുബായ് അവതരിപ്പിക്കും.
 
 
ഡിസംബര്‍ 24 വെള്ളി, മുഹമ്മദ്‌ പറശ്ശിനിക്കടവ് എഴുതി പി. പി. അഷ്‌റഫ്‌ – മോഹന്‍ മൊറാഴ എന്നിവര്‍ ചേര്‍ന്ന് സംവിധാനം ചെയ്ത  ‘വിഷജ്വരം’ എന്ന നാടകം,  ദല ദുബായ്  അവതരിപ്പിക്കും.
 
യു. എ. ഇ. യിലെ വിവിധ ഭാഗങ്ങളില്‍ നിന്നുള്ള നാടക പ്രവര്‍ത്തകരെയും നാടക സംഘങ്ങളെയും ഒരു വേദി യില്‍ കൊണ്ടു വരികയും , ആരോഗ്യകരമായ മത്സര ബുദ്ധിയോടെ രംഗാവിഷ്‌കാരങ്ങള്‍ അവതരിപ്പിക്ക പ്പെടുകയും വഴി നല്ല നാടകങ്ങള്‍ കാണാനും ആസ്വദിക്കാനും വ്യത്യസ്തങ്ങളായ അവതരണ രീതികള്‍ പരിചയ പ്പെടാനും പരിശീലിക്കാനും ഉള്ള അവസരം ആണ് ഈ നാടകോത്സവ ത്തിലൂടെ ലക്ഷ്യമിടുന്നത് എന്ന്  സംഘാടകര്‍ പറഞ്ഞു.
 
 
ഡിസംബര്‍ 25 ശനിയാഴ്ച മത്സരത്തിന്‍റെ ഫലപ്രഖ്യാപനവും സമ്മാന വിതരണവും നടക്കും. ഇതോടനു ബന്ധിച്ച് കെ. എസ്. സി. കലാ വിഭാഗം അവതരിപ്പിക്കുന്ന ‘ഉസ്മാന്‍റെ ഉമ്മ’ എന്ന ലഘുനാടകം അരങ്ങേറുന്ന തായിരിക്കും.

വാര്‍ത്താ  സമ്മേളന ത്തില്‍  വിശിഷ്ടാതിഥി പ്രകാശ്‌ ബാരെ, കെ. എസ്. സി.  വൈസ്‌ പ്രസിഡന്‍റ് ബാബു വടകര, ജനറല്‍ സെക്രട്ടറി ബക്കര്‍ കണ്ണപുരം,  കലാവിഭാഗം സെക്രട്ടറി ടി. കെ. ജലീല്‍,  കലാവിഭാഗം അസ്സി. സെക്രട്ടറി റജീദ്‌, മീഡിയാ കോഡിനേറ്റര്‍ സഫറുള്ള പാലപ്പെട്ടി  എന്നിവര്‍ പങ്കെടുത്തു.

- കറസ്പോണ്ടന്റ്

വായിക്കുക: , ,

അഭിപ്രായം എഴുതുക »

‘മലയാണ്മ’ സമാജം ചരിത്ര പുസ്തകം പുറത്തിറക്കുന്നു

November 30th, 2010

samajam-keralotsam-press-meet-epathram

അബുദാബി : അബുദാബി മലയാളി സമാജം ‘മലയാണ്മ’ പുറത്തിറക്കുന്നു.  നാലു പതിറ്റാണ്ടുകളായി ഗള്‍ഫിലെ മലയാളീ സമൂഹത്തെ പ്രതിനിധീ കരിച്ച് മലയാളി കളുടെ സംഘബോധ ത്തിന്‍റെ പ്രതീകമായി പ്രവര്‍ത്തിക്കുന്ന അബുദാബി മലയാളി സമാജം, അര നൂറ്റാണ്ടു കാലത്തെ മലയാളി കളുടെ ഗള്‍ഫ് കുടിയേറ്റത്തിന്‍റെ ചരിത്രം കൂടെ രേഖപ്പെടുത്തുന്ന  ‘മലയാണ്മ’  എന്ന ചരിത്ര  പുസ്തകം 2011 ജനുവരി യില്‍  പ്രതിപക്ഷ നേതാവ് ഉമ്മന്‍ചാണ്ടി പ്രകാശനം ചെയ്യും.
 
കഴിഞ്ഞ ദിവസം വിളിച്ചു ചേര്‍ത്ത വാര്‍ത്താ സമ്മേളന ത്തിലാണ് സമാജം ഭാരവാഹികള്‍ ഇക്കാര്യം അറിയിച്ചത്. ഈ ചരിത്ര ഗ്രന്ഥത്തിന്‍റെ ചീഫ് എഡിറ്റര്‍ കാലടി സര്‍വ്വകലാശാല യുടെ  മുന്‍ വൈസ് ചെയര്‍മാന്‍ ഡോ. കെ. എസ്. രാധാകൃഷ്ണന്‍.
 
ആര്‍. ഗോപാല കൃഷ്ണന്‍, രവിമേനോന്‍, ടി. പി. ഗംഗാധരന്‍, കെ. എച്ച്. താഹിര്‍, ജനാര്‍ദ്ദനന്‍, ദിലീപ് എന്നിവര്‍ എഡിറ്റോറിയല്‍ ബോര്‍ഡില്‍ ഉണ്ടായിരിക്കും. കോ-ഓര്‍ഡിനേറ്റര്‍ താഹിര്‍ ഇസ്മയില്‍ ചങ്ങരംകുളം.
 
ഡോ. ജ്യോതിഷ്‌ കുമാര്‍, ഇടവാ സെയ്ഫ്, അജയഘോഷ് എന്നിവരാണ് മലയാണ്മ യുടെ കണ്‍സള്‍ട്ടണ്ടുകള്‍. പി. ടി. തോമസ് എം. പി. , ബെന്നിബഹന്നാന്‍, ടി. എന്‍. പ്രതാപന്‍ എം. എല്‍. എ.,  വി. ഡി. സതീശന്‍ എം. എല്‍. എ.,  എന്നിവര്‍ ഉപദേശക സമിതി യില്‍ ഉണ്ട്. മികച്ച കെട്ടിലും മട്ടിലും ഒരുക്കുന്ന ‘മലയാണ്മ’ ,  ഗള്‍ഫു രാജ്യങ്ങളിലും  കേരളത്തിലെ എല്ലാ ഗ്രന്ഥശാല കളിലും മറ്റ് സാംസ്‌കാരിക സ്ഥാപന ങ്ങളിലും  എത്തിക്കും.
 
മലയാളത്തിലെ പ്രശസ്തരായ  സാഹിത്യകാരന്മാര്‍, ശ്രദ്ധേയരായ പ്രവാസി എഴുത്തുകാര്‍, പ്രമുഖരായ സാംസ്കാരിക പ്രവര്‍ത്തകര്‍,  തുടങ്ങീ   അബുദാബിയിലെ സാധാരണ പ്രവാസി കളുടെയും ‘കൈയൊപ്പ്’ ഈ പുസ്തകത്തില്‍ ഉണ്ടാവും എന്ന്  ‘മലയാണ്മ’ യുടെ എഡിറ്റര്‍ ഇന്‍ – ചാര്‍ജ് കെ. കെ. മൊയ്തീന്‍ കോയ  പറഞ്ഞു.
 
 
മലയാളി സമൂഹത്തെ  സമാജവുമായി കൂടുതല്‍ ബന്ധിപ്പിക്കാന്‍ അബുദാബി യിലും മുസ്സഫ യിലും പുതുമ യുള്ള സംരംഭങ്ങള്‍ ഒരുക്കി കൊണ്ട്,  വരും വര്‍ഷങ്ങളില്‍ കൂടുതല്‍ സജീവ മാവുകയാണ് സമാജം.
 
അതിന് മുന്നോടി യായി ‘സമാജം കേരളോത്സവം’ 2010 ഡിസംബര്‍ 30, 31 തിയ്യതി കളില്‍ വിവിധ ങ്ങളായ പരിപാടി കളോടെ കേരളാ സോഷ്യല്‍ സെന്‍ററില്‍ അരങ്ങേറും. ഈ വര്‍ഷത്തെ ക്രിസ്തുമസ് ആഘോഷ ങ്ങളും, പുതുവത്സരാ ഘോഷവും കേരളോത്സവ വേദിയില്‍ അരങ്ങേറും.  കേരളോത്സവ ത്തിന്‍റെ ടിക്കറ്റ് വിതരണം കല അബുദാബി  കണ്‍വീനര്‍ പി. പി. ദാമോദരന് നല്കി ഗണേഷ് ബാബു ഉദ്ഘാടനം ചെയ്തു

 
 
 2011 ഏപ്രില്‍ മാസത്തോടെ അബുദാബി മലയാളി സമാജം കുറേക്കൂടി വിശാലമായ ഒരു മന്ദിരത്തില്‍ പ്രവര്‍ത്തിച്ചു തുടങ്ങും എന്നും  സമാജം ഭാരവാഹികള്‍ പറഞ്ഞു.
 
സമാജം പ്രസിഡന്റ്  മനോജ് പുഷ്‌കര്‍,  ആക്ടിംഗ് സെക്രട്ടറി അഷറഫ് പട്ടാമ്പി,  ട്രഷറര്‍ ജയപ്രകാശ്,  കേരളോത്സവത്തിന്‍റെ മുഖ്യ പ്രായോജകരായ ജെമിനി ബില്‍ഡിംഗ് മെറ്റീരിയല്‍ ഗ്രൂപ്പ് എം. ഡി. ഗണേഷ് ബാബു, അഹല്യ ഗ്രൂപ്പ് പ്രതിനിധി സനീഷ്, രാജന്‍ അമ്പലത്തറ, ജെയിംസ്,  അമര്‍സിംഗ് വലപ്പാട്‌, കെ. എച്ച്. താഹിര്‍ എന്നിവരും വാര്‍ത്താ സമ്മേളന ത്തില്‍ പങ്കെടുത്തു.

- കറസ്പോണ്ടന്റ്

വായിക്കുക: ,

അഭിപ്രായം എഴുതുക »

ഹാര്‍വെസ്റ്റ് ഫെസ്റ്റിവല്‍ ആഘോഷിച്ചു

November 29th, 2010

harvest-festival-alain-church-epathram

അബുദാബി : അല്‍ ഐന്‍  സെന്‍റ്. ജോര്‍ജ് യാക്കോബായ സുറിയാനി ഓര്‍ത്തഡോക്‌സ് സിംഹാസന പള്ളി യില്‍  ഹാര്‍വെസ്റ്റ് ഫെസ്റ്റിവല്‍ ആഘോഷിച്ചു. വൈദികരുടെയും വിശിഷ്ടാ തിഥികളുടെ യും സാന്നിദ്ധ്യ ത്തില്‍  വൈവിധ്യമാര്‍ന്ന കലാ പരിപാടി കളോടും ചെണ്ട മേള ങ്ങളോടും കൂടി ആരംഭിച്ച ഹാര്‍വെസ്റ്റ് ഫെസ്റ്റിവലിന്‍റെ ഉദ്ഘാടനം കട്ടച്ചിറ മരിയന്‍ ഡിവൈന്‍ സെന്‍റര്‍ വികാരി റവ. ഫാ. റോയി ജോര്‍ജ് നിര്‍വ്വഹിച്ചു. ഇടവക വികാരി റവ. ഫാ. മത്തായി ക്കുഞ്ഞ് ചാത്തനാട്ട്കുടി അദ്ധ്യക്ഷത വഹിച്ച സമ്മേളന ത്തില്‍ സെക്രട്ടറി ജോസഫ് വര്‍ഗീസ് സ്വാഗത വും ഹാര്‍വെസ്റ്റ് ഫെസ്റ്റിവല്‍ ജോ. കണ്‍വീനര്‍ ഏലിയാസ് ചെറിയാന്‍ നന്ദിയും പറഞ്ഞു.
 
സാഹോദര്യ ത്തിന്‍റെയും സമാധാന ത്തിന്‍റെയും ഒത്തൊരുമ യുടെയും പ്രതീകമായി ഈ ഹാര്‍വെസ്റ്റ് ഫെസ്റ്റിവലിനെ കാണണം എന്ന് അദ്ധ്യക്ഷ പ്രസംഗ ത്തില്‍ വികാരി ഫാ. മത്തായി ക്കുഞ്ഞ് ചാത്തനാട്ട്കുടി പറഞ്ഞു. 
 
 
 അയച്ചു തന്നത് : ജോയ്‌ തണങ്ങാടന്‍

- കറസ്പോണ്ടന്റ്

വായിക്കുക: ,

അഭിപ്രായം എഴുതുക »

ദല യുവജനോത്സവം: ഡിസംബര്‍ 2, 3 തിയ്യതികളില്‍

November 27th, 2010

dala-youth-festival-epathram

ദുബായ് : ദല യുവജനോത്സവം ഡിസംബര്‍ രണ്ട്, മൂന്ന്  തിയ്യതി കളില്‍ ദുബായ് ഗള്‍ഫ് മോഡല്‍ സ്കൂളില്‍ വെച്ച് നടക്കും. യു. എ. ഇ. യിലെ എഴുപതോളം സ്കൂളുകളില്‍ നിന്നായി മൂവ്വായിര ത്തോളം കുട്ടികള്‍ പങ്കെടുക്കുന്ന ഗള്‍ഫിലെ ഏറ്റവും വലിയ കലാമേള യാണു ദല യുവജനോത്സവം.

സംഗിതം, നൃത്തം, സാഹിത്യം എന്നി വിഭാഗങ്ങളില്‍ 96 വ്യക്തി ഗത – ഗ്രൂപ്പ് ഇനങ്ങളി ലായി രണ്ട് മുഖ്യ വേദികളും ഒമ്പത് ഉപവേദി കളിലുമായി  വ്യാഴം, വെള്ളി ദിവസങ്ങളി ലായിട്ടാണു മല്‍സരങ്ങള്‍ നടക്കുക.  കലാതിലകം, കലാപ്രതിഭ, ഓവറോള്‍ ടോഫിക്കു വേണ്ടിയുള്ള  ശക്തമായ മത്സരങ്ങളാണ് ഇക്കുറിയും ഉണ്ടാവുക. കൂടുതല്‍ വിവരങ്ങള്‍ക്ക്: 04 27 25 878

- കറസ്പോണ്ടന്റ്

വായിക്കുക: , , , ,

അഭിപ്രായം എഴുതുക »

അല്‍ ഐനില്‍ ഹാര്‍വെസ്റ്റ് ഫെസ്റ്റിവല്‍

November 23rd, 2010

അബുദാബി: അല്‍ ഐന്‍ സെന്‍റ്. ജോര്‍ജ് യാക്കോബായ സുറിയാനി ഓര്‍ത്തഡോക്‌സ് സിംഹാസന പള്ളി യില്‍ ഹാര്‍വെസ്റ്റ് ഫെസ്റ്റിവലിന് ഒരുക്കം തുടങ്ങി. നവംബര്‍ 26 വെള്ളിയാഴ്ച വൈകുന്നേരം 4 മണി മുതലാണ് കൊയ്ത്തുത്സവം. കേരള ഗ്രാമീണോത്സവ മാതൃക യില്‍ സംഘടിപ്പിക്കുന്ന കൊയ്ത്തുത്സവ ത്തിന് ഇടവക വികാരി ഫാ. മത്തായി ക്കുഞ്ഞ് ചാത്തനാട്ട്കുടി, പള്ളി സെക്രട്ടറി ജോസഫ് വര്‍ഗീസ്, ട്രസ്റ്റി ജേക്കബ് വി. തോമസ് എന്നിവര്‍ നേതൃത്വം നല്‍കും.
 
കേരള ത്തനിമ യില്‍ നാടന്‍ വിഭവങ്ങള്‍ ലഭ്യമാവുന്ന സ്റ്റാളുകളും വൈവിധ്യ മാര്‍ന്ന കലാപരിപാടി കളും ചെണ്ട മേളവും റാഫിള്‍ കൂപ്പണ്‍ നറുക്കെടുപ്പും ലേലം വിളിയും  എല്ലാം ഉള്‍പ്പെടുത്തി  മലയാളി കള്‍ക്ക് ആഹ്ലാദം പകരുന്ന ഒരു ഉത്സവ മായിട്ടാണ് ഹാര്‍വെസ്റ്റ് ഫെസ്റ്റിവല്‍ സംഘടിപ്പിക്കുന്നത്.

- കറസ്പോണ്ടന്റ്

വായിക്കുക: ,

അഭിപ്രായം എഴുതുക »

Page 1 of 3123

« Previous « രാഷ്ട്രപതി യു. എ. ഇ. യില്‍
Next Page » യു. എന്‍. സ്ഥിരാംഗത്വ ത്തിനു ഇന്ത്യക്ക് യു. എ. ഇ. യുടെ പിന്തുണ »



ലോക മലയാളി സംഗമം കൌണ്‍സില...
സൈലന്റ് വാലി സമര വിജയ വാര...
തിരുവിതാംകൂര്‍ ചരിത്ര പഠന...
ചങ്ങമ്പുഴ അനുസ്മരണവും കവി...
സൈലന്റ് വാലി സമര വിജയം ആഘ...
കെ. വി. ഷംസുദ്ധീന് പുരസ്ക...
വോട്ടര്‍മാര്‍ക്ക്‌ പണം നല...
കേരള സംഗീത നാടക അക്കാദമി ...
സാധാരണക്കാരനില്‍ നിന്നും ...
സമാന്തര മാധ്യമ സാധ്യത അവഗ...
നൊസ്റ്റാള്‍ജിയ 2010 അബുദാ...
ആരോഗ്യ ബോധവല്‍ക്കരണം അത്യ...
എന്‍ഡോസള്‍ഫാന്‍ ഐക്യദാര്‍...
ജയ്സന്‍ ജോസഫ്‌ ഷാര്‍ജയില്...
മയില്‍പ്പീലി പുരസ്കാരം പ്...
വയലാര്‍ : സര്‍ഗ്ഗ ശക്തിയെ...
പകല്‍ കിനാവന്റെ ഫോട്ടോകളു...
സ്ത്രീകള്‍ ജോലി ചെയ്യുന്ന...
ക്രിമിനല്‍ കേസില്‍ കുടുക്...
“നിലവിളികള്‍ക്ക്‌ കാതോര്‍...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine