ശൈഖ്സായിദ്‌ മെറിറ്റ് അവാര്‍ഡുകള്‍ സമ്മാനിച്ചു

November 29th, 2010

shaikh-zayed-merit-award-ceremony-epathram

അബുദാബി : അബുദാബി യിലെ വിവിധ വിദ്യാലയ ങ്ങളില്‍ നിന്ന്  പത്താം ക്ലാസ് പരീക്ഷ യിലും പ്ലസ് ടു പരീക്ഷ യിലും ഉന്നത വിജയം നേടിയ വിദ്യാര്‍ത്ഥി കള്‍ക്ക് ഇന്ദിരാ ഗാന്ധി വീക്ഷണം ഫോറം നല്‍കി വരുന്ന ശൈഖ് സായിദ് മെറിറ്റ് അവാര്‍ഡു കള്‍ സമ്മാനിച്ചു.

അബുദാബി കേരള സോഷ്യല്‍  സെന്‍ററില്‍ നടന്ന അവാര്‍ഡ് ദാന സമ്മേളന ത്തില്‍ ഡോ. ഫാത്തിമ മാനാ അല്‍ ഒതൈബ ( ഒതൈബ  ഗ്രൂപ്പ് ഓഫ് കമ്പനീസ് സി. ഇ. ഒ.), സുധീര്‍ കുമാര്‍ ഷെട്ടി( യു. എ. ഇ. എക്‌സ്‌ചേഞ്ച് സി. ഇ. ഒ. ), മനോജ് പുഷ്‌കര്‍ (അബുദാബി മലയാളി സമാജം), കെ. കെ. മൊയ്തീന്‍കോയ (യു. എ. ഇ. എക്‌സ്‌ചേഞ്ച് മീഡിയ മാനേജര്‍), ഷാജഹാന്‍ ( ഒയാസിസ് ഗ്രൂപ്പ് എം. ഡി.) എന്നിവര്‍   സ്വര്‍ണ്ണ മെഡലുകള്‍ സമ്മാനിച്ചു.

shaikh-zayed-merit-award-winners-epathram

ഇന്ദിരാ ഗാന്ധി വീക്ഷണം ഫോറം വനിതാ വിഭാഗം പ്രസിഡന്‍റ് നീനാ തോമസ് അദ്ധ്യക്ഷത വഹിച്ചു. സെന്‍ട്രല്‍ കമ്മിറ്റി ജന. സെക്രട്ടറി  മുഹമ്മദലി, വീക്ഷണം ഫോറം പ്രസിഡന്‍റ്  ഷുക്കൂര്‍ ചാവക്കാട്, വീക്ഷണം ഫോറം ട്രഷറര്‍ വി. സി. തോമസ് എന്നിവര്‍ ആശംസാ പ്രസംഗം നടത്തി.

വീക്ഷണം ഫോറം ജനറല്‍ സെക്രട്ടറി അബ്ദുള്‍ ഖാദര്‍ സ്വാഗതവും വനിതാ വിഭാഗം സെക്രട്ടറി സുഹറ കുഞ്ഞഹമ്മദ് നന്ദിയും പറഞ്ഞു. ചടങ്ങി നോടനു ബന്ധിച്ച്  വിവിധ കലാ പരിപാടികള്‍ നടന്നു.

- കറസ്പോണ്ടന്റ്

വായിക്കുക: ,

അഭിപ്രായം എഴുതുക »

ശൈഖ് സായിദ്‌ മെറിറ്റ് അവാര്‍ഡ്‌

November 25th, 2010

shaikh-zayed-merit-award-epathram

അബുദാബി : യു. എ. ഇ. യുടെ  രാഷ്ട്ര പിതാവ് ശൈഖ് സായിദ്‌ ബിന്‍ സുല്‍ത്താന്‍ അല്‍ നഹ്യാന്‍റെ  സ്മരണക്കായി, ഇന്ദിരാ ഗാന്ധി വീക്ഷണം ഫോറം അബുദാബി യൂണിറ്റ് വനിതാ വിഭാഗം നല്‍കി വരുന്ന ‘ശൈഖ് സായിദ്‌ മെറിറ്റ് അവാര്‍ഡ്‌’ നവംബര്‍ 26 വെള്ളിയാഴ്ച വൈകീട്ട് 7 മണിക്ക് കേരള സോഷ്യല്‍ സെന്‍ററില്‍ നടക്കുന്ന ചടങ്ങില്‍ സമ്മാനിക്കും
 
അബുദാബി യിലെ ഇന്ത്യന്‍ സ്‌കൂളു കളിലെ കേരള സിലബസി ലെയും സി. ബി. എസ്. ഇ. സിലബസി ലെയും 10, 12 ക്ലാസ്സു കളില്‍നിന്ന് ഉന്നത വിജയം നേടുന്ന കുട്ടികളെ യാണ് ഇന്ദിരാ ഗാന്ധി വീക്ഷണം ഫോറം ആദരിക്കുന്നത്.
 
ചടങ്ങി നോടനു ബന്ധിച്ച്  വിവിധ കലാ പരിപാടികള്‍ അരങ്ങേറും. വിദ്യാഭ്യാസ – സാംസ്കാരിക  മേഖല കളിലെ പ്രമുഖര്‍ പങ്കെടുക്കും.

- കറസ്പോണ്ടന്റ്

വായിക്കുക: , ,

അഭിപ്രായം എഴുതുക »

മാര്‍ക്ക്‌ കുറഞ്ഞതിനു ശകാരം – വിദ്യാര്‍ത്ഥിനി വീട്ടില്‍ നിന്നും ഒളിച്ചോടി

October 29th, 2010

girl-child-crying-epathram

ദുബായ്‌ : പരീക്ഷയില്‍ മാര്‍ക്ക്‌ കുറഞ്ഞതിനു ഇന്നലെ രാത്രി അച്ഛനും അമ്മയും മാറി മാറി ശകാരിച്ചപ്പോള്‍ പത്തു വയസുകാരി അഞ്ജലിക്ക് വിഷമം സഹിക്കാനായില്ല. രാത്രി മുഴുവന്‍ കരഞ്ഞ അവള്‍ വെളുപ്പിന് ആരും കാണാതെ വീട് വിട്ടു ഇറങ്ങി. സ്ക്കൂള്‍ ബസ്‌ പോകുന്ന വഴിയിലൂടെ നടന്നു. രാവിലെ കുഞ്ഞിനെ കാണാതായ അച്ഛനും അമ്മയും നെട്ടോട്ടമായി. ഹിറ്റ്‌ എഫ്. എം. റേഡിയോയില്‍ വിളിച്ച് അറിയിച്ചതിനെ തുടര്‍ന്ന് റേഡിയോയിലും അറിയിപ്പ്‌ നല്‍കി. പോലീസും സി. ഐ. ഡി. യുമെല്ലാം അന്വേഷണം ആരംഭിച്ചു. ഒടുവില്‍ ഒരു കൂട്ടുകാരിയുടെ ഫോണിലേക്ക് കുട്ടിയുടെ ഫോണ്‍ വന്നു. താന്‍ ദുബായ്‌ ക്രീക്ക് പാര്‍ക്കിനടുത്തുണ്ട് എന്നായിരുന്നു സന്ദേശം. ഹിറ്റ്‌ എഫ്. എം. പ്രവര്‍ത്തകരും പോലീസും ബന്ധുക്കളും ഉടന്‍ തന്നെ ക്രീക്ക് പാര്‍ക്കിലേക്ക്‌ കുതിച്ചു. പാര്‍ക്കിലെ ഒരു സെക്യൂരിറ്റി ജീവനക്കാരന്റെ അടുത്ത് സുരക്ഷിതയായി കുട്ടിയെ കണ്ടതോടെയാണ് എല്ലാവര്ക്കും ആശ്വാസമായത്. ഇയാളുടെ മൊബൈല്‍ ഫോണില്‍ നിന്നായിരുന്നു കുട്ടി തന്റെ കൂട്ടുകാരിയെ വിളിച്ചത്.

അച്ഛനും അമ്മയും മാത്രമടങ്ങുന്ന ഗള്‍ഫിലെ കുട്ടികള്‍ക്ക് അച്ഛനമ്മമാര്‍ നല്‍കുന്ന മാനസിക പിന്തുണയും ആത്മ ധൈര്യവും ഏറെ ആവശ്യമാണ്‌ എന്ന് പ്രമുഖ മനശാസ്ത്ര വിദഗ്ദ്ധന്‍ ഡോ. ജിതേഷ് മോഹന്‍ അഭിപ്രായപ്പെടുന്നു. മുതിര്‍ന്ന ബന്ധുക്കളോ, നാട്ടുകാരോ ഒന്നും സഹായത്തിനില്ലാത്ത പ്രവാസ ജീവിതത്തില്‍ കുട്ടികളെ നേരാംവണ്ണം ശ്രദ്ധിക്കാനോ അവരുടെ ആവശ്യങ്ങള്‍ അറിഞ്ഞ് പെരുമാറാനോ ജോലി തിരക്കിനിടയില്‍ അച്ഛനമ്മമാര്‍ക്ക് കഴിയാറില്ല. തങ്ങളുടെ തൊഴില്‍ അഭിവൃദ്ധിക്കു പുറകെ പായുന്നതിനിടയില്‍ കുഞ്ഞുങ്ങളുടെ ജീവിതത്തിലെ നഷ്ടങ്ങള്‍ ആരും ഗൌനിക്കാറുമില്ല. എന്നാല്‍ പെട്ടെന്ന് ഒരു നാള്‍, പരീക്ഷയില്‍ മാര്‍ക്ക്‌ കുറഞ്ഞതിന്റെ പേരില്‍ അച്ഛനും അമ്മയും മാതാപിതാക്കള്‍ എന്ന നിലയില്‍ കുട്ടികളുടെ പഠനത്തില്‍ തങ്ങളുടെ ഭാഗം അവതരിപ്പിക്കാന്‍ ശ്രമിക്കുന്നതോടെ കുട്ടികള്‍ ആശയ കുഴപ്പത്തില്‍ ആകുന്നു. ഇത്രയും നാള്‍ തന്നെ ശ്രദ്ധിക്കാഞ്ഞവര്‍ പൊടുന്നനെ തന്നെ സംഘം ചേര്‍ന്ന് ആക്രമിക്കുന്നതോടെ കുട്ടി പൂര്‍ണ്ണമായും ഒറ്റപ്പെടുന്നു. ഒരു സാന്ത്വനത്തിന് പോലും എവിടെയ്ക്കും തിരിയാന്‍ ഇല്ലാത്ത കുട്ടിക്ക്‌ വീട് വിട്ടു എവിടേയ്ക്കെങ്കിലും കടന്നു കളയാനുള്ള തോന്നല്‍ സ്വാഭാവികമാണ് എന്നും ഡോ. ജിതേഷ് വിശദീകരിച്ചു.

പ്രവാസികള്‍ കുട്ടികളുടെ കാര്യത്തില്‍ പ്രത്യേക ശ്രദ്ധ സ്വീകരിച്ചേ മതിയാവൂ എന്നും ഡോക്ടര്‍ പറയുന്നു. നിര്‍ബന്ധമായും ദിവസേന അല്‍പ്പ നേരം കുട്ടികളുമായി സരസ സംഭാഷണം നടത്താന്‍ അച്ഛനും അമ്മയും സമയം കണ്ടെത്തണം. കുട്ടികളുടെ സാമൂഹ്യ ബന്ധങ്ങളും കൂട്ടുകാരെ പറ്റിയും ചോദിച്ചു മനസിലാക്കണം. ആരോഗ്യകരമായ ബന്ധങ്ങള്‍ മറ്റു കുട്ടികളുമായി വളര്‍ത്തി എടുക്കുന്നതില്‍ അവരെ പ്രോത്സാഹിപ്പിക്കണം. വൈകുന്നേരങ്ങളിലും അവധി ദിവസങ്ങളിലും മറ്റു കുട്ടികളുമായി ഇടപഴകാനും കളിക്കുവാനും ഉള്ള അവസരങ്ങള്‍ ഒരുക്കി കൊടുക്കണം. ഗള്‍ഫിലെ പ്രതികൂല സാഹചര്യത്തില്‍ ഇങ്ങനെയുള്ള പ്രത്യേക ശ്രദ്ധ കുട്ടികളുടെ കാര്യത്തില്‍ എടുക്കേണ്ടത്‌ ഇത്തരം ദൌര്‍ഭാഗ്യകരമായ സംഭവങ്ങള്‍ ഒഴിവാക്കുന്നതിനു അത്യാവശ്യമാണ് എന്നും ഡോക്ടര്‍ ചൂണ്ടിക്കാട്ടി.

*പേര് സാങ്കല്‍പ്പികം

-

വായിക്കുക: , , ,

1 അഭിപ്രായം »

ഇന്റര്‍ ക്വിസ്‌ 2010

October 27th, 2010

ഷാര്‍ജ : ഗള്‍ഫ്‌ ഏഷ്യന്‍ ഇംഗ്ലിഷ് സ്കൂള്‍ സംഘടിപ്പിക്കുന്ന ഇന്റര്‍ ക്വിസ്‌ 2010 ഒക്ടോബര്‍ 30ന് സ്കൂള്‍ ഓഡിറ്റോറിയത്തില്‍ നടക്കും. യു.എ.ഇ. യിലെ വിവിധ എമിറേറ്റ്സ് സ്കൂളുകളില്‍ നിന്ന് മുപ്പതോളം ടീമുകള്‍ മല്‍സരത്തില്‍ പങ്കെടുക്കും. വിജയികള്‍ക്ക്‌ എയര്‍ ഇന്ത്യ രണ്ടു റിട്ടേണ്‍ ടിക്കറ്റുകള്‍ നല്‍കും. ഷാര്‍ജ ഇന്റര്‍നാഷനല്‍ എയര്‍പോര്‍ട്ട് അതോറിറ്റി (SATA), ഐക്യൂ ദുബായ്‌, ടാന്‍ഡം ദുബായ്‌ എന്നിവരാണ് പരിപാടി സ്പോണ്സര്‍ ചെയ്തിരിക്കുന്നത്. ഒന്നാം സ്ഥാനം നേടുന്ന ടീം അംഗങ്ങള്‍ക്ക്‌ ഇന്ത്യയുടെ ഏതു ഭാഗത്തേയ്ക്കും യാത്ര ചെയ്യുന്നതിനും എയര്‍ ടിക്കറ്റ്‌ സ്പോണ്സര്‍ ചെയ്തിരിക്കുന്നത് എയര്‍ ഇന്ത്യയാണ്.

ഹെറിയോട്ട് വാട്ട് യൂണിവേഴ്സിറ്റി, എവര്‍ഗ്രീന്‍ പബ്ലിക്കേഷന്‍, ഇംപ്രിന്റ് പ്രസ്‌, ബ്ലോസം ടൈലെഴ്സ്, അല്‍ മുന്ന ബുക്ക്‌ ഷോപ്പ്, ബിര്‍ള ഇന്‍സ്റ്റിറ്റ്യൂട്ട് ഓഫ് ടെക്നോളജി, മാജിക്‌ ടച്, ടെക്നോ ടൈംസ് എന്നിവരാണ് സഹ പ്രായോജകര്‍.

-

വായിക്കുക: , ,

അഭിപ്രായം എഴുതുക »

വിദ്യാഭ്യാസ അവാര്‍ഡ് വിതരണം നടത്തി

October 25th, 2010

seethi-sahib-vichara-vedhi-scholestic-award-epathram

ദുബായ് : സീതി സാഹിബ് വിചാര വേദി യു. എ. ഇ. ചാപ്റ്റര്‍,  മര്‍ഹൂം ഹബീബ് റഹ്മാന്‍റെ സ്മരണാര്‍ത്ഥം ഏര്‍പ്പെ ടുത്തിയ വിദ്യാഭ്യാസ അവാര്‍ഡ്‌ വിതരണം ഷാര്‍ജ കെ. എം. സി. സി. ഹാളില്‍ നടന്ന ചടങ്ങില്‍ എം. ഇ.  എസ്.   യു. എ.  ഇ. ചാപ്റ്റര്‍ പ്രസിഡന്‍റ് കരീം വെങ്കിടങ്ങ്‌ നിര്‍വ്വഹിച്ചു.  പ്രസിഡന്‍റ് കെ. എച്ച്. എം. അഷ്റഫിന്‍റെ അദ്ധ്യക്ഷത യില്‍   അബ്ദുല്‍ ഖാദര്‍ അരിപ്പംമ്പ്രാ ഹബീബ് റഹ്മാന്‍ അനുസ്മരണ പ്രഭാഷണ വും,  കെ. എം. കുട്ടി ഫൈസി അചൂര്‍ ഉദ്ബോധന പ്രഭാഷണവും നടത്തി.
 
ബഷീര്‍ പടിയത്ത് മുഖ്യ അതിഥി യായിരുന്നു  ഉബൈദ്‌ ചേറ്റുവ,  സഅദു പുറക്കാട്, ബീരാവുണ്ണി തൃത്താല, ബാവ തോട്ടത്തില്‍, ബഷീര്‍ മാമ്പ്ര, അബ്ദുല്‍ ഹമീദ് വടക്കേക്കാട്‌, അലി കൈപ്പമംഗലം, തുടങ്ങി യവര്‍ ആശംസകള്‍  നേര്‍ന്നു.
 
അബുദാബി ഇന്ത്യന്‍ ഇസ്ലാഹി ഇസ്ലാമിക്‌  സ്കൂള്‍  വിദ്യാര്‍ത്ഥിനി ഷഹീന്‍‍ അലി മുഹമ്മദ്‌, സുന്നി സെന്‍റ്ര്‍ ഹമരിയ മദ്രസ്സ   വിദ്യാര്‍ത്ഥിനി  സുഹൈമ അഹമ്മദ്‌, ദിബ്ബ മദ്രസ്സ വിദ്യാര്‍ത്ഥി മുന്ദിര്‍ മുനീര്‍ എന്നിവര്‍ അവാര്‍ഡുകള്‍  ഏറ്റു വാങ്ങി. അഷ്‌റഫ്‌ കൊടുങ്ങല്ലൂര്‍ സ്വാഗതവും ഹനീഫ് കല്‍മട്ട നന്ദിയും പറഞ്ഞു.

-

വായിക്കുക: ,

അഭിപ്രായം എഴുതുക »

Page 1 of 712345...Last »

« Previous « ശക്തി യുടെ വയലാര്‍- ചെറുകാട് അനുസ്മരണം
Next Page » കലാഞ്ജലി 2010 »



ലോക മലയാളി സംഗമം കൌണ്‍സില...
സൈലന്റ് വാലി സമര വിജയ വാര...
തിരുവിതാംകൂര്‍ ചരിത്ര പഠന...
ചങ്ങമ്പുഴ അനുസ്മരണവും കവി...
സൈലന്റ് വാലി സമര വിജയം ആഘ...
കെ. വി. ഷംസുദ്ധീന് പുരസ്ക...
വോട്ടര്‍മാര്‍ക്ക്‌ പണം നല...
കേരള സംഗീത നാടക അക്കാദമി ...
സാധാരണക്കാരനില്‍ നിന്നും ...
സമാന്തര മാധ്യമ സാധ്യത അവഗ...
നൊസ്റ്റാള്‍ജിയ 2010 അബുദാ...
ആരോഗ്യ ബോധവല്‍ക്കരണം അത്യ...
എന്‍ഡോസള്‍ഫാന്‍ ഐക്യദാര്‍...
ജയ്സന്‍ ജോസഫ്‌ ഷാര്‍ജയില്...
മയില്‍പ്പീലി പുരസ്കാരം പ്...
വയലാര്‍ : സര്‍ഗ്ഗ ശക്തിയെ...
പകല്‍ കിനാവന്റെ ഫോട്ടോകളു...
സ്ത്രീകള്‍ ജോലി ചെയ്യുന്ന...
ക്രിമിനല്‍ കേസില്‍ കുടുക്...
“നിലവിളികള്‍ക്ക്‌ കാതോര്‍...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine