സാംസംഗ് ഇലക്ട്രോണിക്സ് യു.എ.ഇ. വിപണിയില്‍ ഏറ്റവും പുതിയ സീരിസിലുള്ള എച്ച്ഡി ടിവികള്‍ പുറത്തിറക്കി. 4,5,6 സീരിസുകളിലുള്ള എച്ച്.ഡി. ടിവികളാണ് ദുബായില്‍ നടന്ന ചടങ്ങില്‍ പുറത്തിറക്കിയത്. കൂടുതല്‍ വ്യക്തതയാര്‍ന്ന ചിത്രങ്ങളും കൃത്യതയാര്‍ന്ന ശബ്ദവുമാണ് ഇത്തരം എച്ച്ഡി ടിവികളുടെ പ്രത്യേകതയെന്ന് സാസംഗ് പ്രതിനിധികള്‍ വ്യക്തമാക്കി. ഇറോസ് ഗ്രൂപ്പാണ് യു.എ.ഇ.യില്‍ ഇവയുടെ വിതരണക്കാര്‍.

ഗള്‍ഫ് ഗേറ്റ് ബ്രദേഴ്സ് ഗ്രൂപ്പ് ഓഫ് കമ്പനീസിന്‍റെ ആഭിമുഖ്യത്തിലുള്ള അജ്മാന്‍ മെഡിക്കല്‍ സെന്‍റര്‍ പ്രവര്‍ത്തനം ആരംഭിച്ചു. അജ്മാന്‍ മെഡിക്കല്‍ സോണ്‍ ഡയറക്ടര്‍ ഹമദ് ഉബൈദ് ത്രയാം അല്‍ ഷംസി ഉദ്ഘാടനം ചെയ്തു. കേരളത്തിലെ വന്ധ്യതാ ചികിത്സാ രംഗത്തെ പ്രമുഖനായ ഡോ. കെ.കെ ഗോപിനാഥന്‍ മുഖ്യാതിഥി ആയിരുന്നു. മാനേജിംഗ്പാര്‍ട്ട്ണര്‍മാരായ സി.എം ഹബീബ്, സക്കീര്‍ ഹുസൈന്‍ കോക്കൂര്‍, സലീം ഐക്കപ്പാടത്ത് എന്നിവര്‍ പങ്കെടുത്തു.

ശൈഖ് ഹമദ് ബിന്‍ സുഹൈം അല്‍താനി പ്രദര്‍ശനം ഉദ്ഘാടനം ചെയ്തു. 19 രാജ്യങ്ങളില്‍ നിന്നായി 70 ലധികം സ്ഥാപനങ്ങളാണ് മൂന്ന് ദിവസത്തെ പ്രദര്‍ശനത്തില്‍ പങ്കെടുക്കുന്നത്. ഖത്തര്‍ പെട്രോളിയം, ഖത്തര്‍ നാവിഗേഷന്‍ തുടങ്ങിയ ഖത്തറിലെ പ്രമുഖ സ്ഥാപനങ്ങളും പ്രദര്‍ശനത്തിന്‍റെ ഭാഗമാണ്. ഷിപ്പ് ആന്‍‍ഡ് പോര്‍ട്ട് വിഭാഗത്തിലെ പശ്ചിമേഷ്യയിലെ ഏറ്റവും വലിയ പ്രദര്‍ശനങ്ങളിലൊന്നാണിത്. പ്രദര്‍ശനത്തിന്‍റെ ഭാഗമായി വിവിധ സെമിനാറുകളും സംഘടിപ്പിച്ചിട്ടുണ്ട്.

ഓഡിയോ രംഗത്തെ പ്രമുഖരായ സ്പീഡ് ഓഡിയോസ്, കേരളീയ പാരമ്പര്യ കലകളുടെ വീഡിയോ സി.ഡി. കള്‍ പുറത്തിറക്കുന്നു. കഥകളി, ചാക്യാര്‍കൂത്ത്, നാടോടി ന്യത്തം തുടങ്ങിയവയുടെ വീഡിയോ സി.ഡി.കളാണ് പുറത്തിറക്കുക. കഥകളിയുടേത് വരുന്ന വ്യാഴാഴ്ച്ച മാര്‍ക്കറ്റില്‍ ലഭ്യമാകുമെന്ന് സ്പീഡ് ഓഡിയോസ് എം.ഡി. റഷീദ് പറഞ്ഞു. ജി.സി.സി. രാജ്യങ്ങള്‍ക്ക് പുറമേ, അമേരിക്കയിലും യു.കെ.യിലും സി.ഡി.കള്‍ ലഭിക്കും.

കൂടുതല്‍ വിവരങ്ങള്‍ക്ക് 00971 – 6- 562 64 22 എന്ന നമ്പറില്‍ ബന്ധപ്പെടണം.