സൈലന്റ് വാലി സമര വിജയ വാര്‍ഷികം

December 22nd, 2010

prerana-silent-valley-epathram

ഷാര്‍ജ : പ്രേരണ യു. എ. ഇ. ഷാര്‍ജ എമിരേറ്റ്സ് സമിതിയുടെ നേതൃത്വത്തില്‍ ഡിസംബര്‍ 17വെള്ളിയാഴ്ച ഷാര്‍ജ ഏഷ്യന്‍ മ്യൂസിക് ഇന്‍സ്റ്റിറ്റ്യൂട്ട് ഹാളില്‍ വച്ച് സൈലന്റ് വാലി സമര വിജയത്തിന്റെ ഇരുപത്തി ആറാം വാര്‍ഷികം ആചരിച്ചു.

സൈലന്റ് വാലി പദ്ധതി പ്രഖ്യാപിക്ക പ്പെട്ടതിന്റെ ആദ്യ നാളുകളില്‍ തന്നെ സൈലന്റ് വാലി സംരക്ഷി ക്കേണ്ടതിന്റെ ആവശ്യകത ജനങ്ങളെ ബോധിപ്പിക്കാന്‍ തിരുവനന്തപുരം മുതല്‍ കാസര്‍കോഡ് വരെ താന്‍ വരച്ച ചിത്രങ്ങളുടെ പ്രദര്‍ശനവുമായി സഞ്ചരിച്ച ഷംസുദീന്‍ മൂസ തന്റെ അനുഭവങ്ങള്‍ പങ്ക് വച്ചു. അതിന്റെ ഭാഗമായി പരിസ്ഥിതിയും വികസനവും എന്ന വിഷയത്തില്‍ കേന്ദ്രീകരിച്ച് നടന്ന സെമിനാറില്‍ വേണു മൊഴൂരിനും (കേരള ശാസ്ത്ര സാഹിത്യ പരിഷത്ത്‌), ഡോ. അബ്ദുള്‍ ഖാദറും (പ്രേരണ യു. എ. ഇ. പ്രസിഡന്റ്) എന്നിവര്‍ ഓരോ പ്രബന്ധങ്ങള്‍ അവതരിപ്പിച്ചു. തുടര്‍ന്ന് കബീര്‍ കറ്റ്ലാറ്റ് പ്രബന്ധങ്ങളോട് പ്രതികരിച്ച് സംസാരിക്കുകയും അതിനെ തുടര്‍ന്ന് സദസില്‍ നിന്നുമുള്ള പൊതു ചര്‍ച്ചയും ഉണ്ടായി.

ശാസ്ത്രം പരിസ്ഥിതി പ്രശ്നം പരിഹരിക്കും എന്നത് തെറ്റായ ധാരണയാണ്. എന്‍ഡോസള്‍ഫാന്‍ പോലുള്ള ഒരു കീടനാശിനി ഇറങ്ങി കുറച്ച് സമയത്തിനുള്ളില്‍ ആ കീടം പ്രതിരോധ ശേഷി ഉള്ളതായി മാറും. അപ്പോള്‍ മറ്റോരു കീടനാശിനി ഉണ്ടാക്കുക എന്നതാണ് ശാസ്ത്രത്തിന്റെ വഴി. അത് അതിനേക്കാള്‍ മാരക പ്രശ്നങ്ങളുണ്ടാക്കും. അതു കൊണ്ട് തന്നെ ഇതൊരു പൊളിറ്റിക്കല്‍ വിഷയമാണ് എന്ന് ഡോ. അബ്ദുള്‍ ഖാദര്‍ പറഞ്ഞു. പക്ഷേ ഇന്ന് നടക്കുന്ന ചര്‍ച്ചകള്‍ എല്ലാം എന്‍. ജി. ഒ. കളുടെ നേതൃത്വത്തില്‍ അരാഷ്ട്രീയമായ റൊമാന്റിസിസ ത്തിന്റെ തലത്തിലാണ് എന്നത് ദുഖകരമാണെന്ന് അദ്ദേഹം കൂട്ടി ചേര്‍ത്തു. പരിസ്ഥിതി പ്രശ്നം വികസന പരിപ്രേക്ഷ്യത്തില്‍ ചര്‍ച്ച ചെയ്യേണ്ടതും പരിഹരിക്കേണ്ടതുമാണ് എന്ന് അദ്ദേഹം തുടര്‍ന്ന് പറഞ്ഞു.

യോഗത്തില്‍ സുരേഷ് സ്വാഗതം പറഞ്ഞു. രാജീവ് ചേലനാട്ട് അദ്ധ്യക്ഷത വഹിച്ചു.

- കറസ്പോണ്ടന്റ്

വായിക്കുക: , , ,

അഭിപ്രായം എഴുതുക »

ശാസ്ത്ര പ്രതിഭ കളെ ആദരിക്കുന്നു

October 11th, 2010

sif-press-meet-epathram

അബുദാബി : സയന്‍സ് ഇന്ത്യാ ഫോറം യു. എ. ഇ. (എസ്. ഐ. എഫ്.)  ശാസ്ത്ര പ്രതിഭ കളെ ആദരിക്കുന്നു.  യു. എ. ഇ. യിലെ ഇന്ത്യന്‍ സ്കൂളു കളിലെ വിദ്യാര്‍ത്ഥി കള്‍ക്ക് വേണ്ടി  നടത്തിയ ‘ശാസ്ത്ര പ്രതിഭാ’ മത്സരത്തില്‍ സമ്മാനം നേടിയ ശാസ്ത്ര പ്രതിഭ കളെ യാണ് ആദരിക്കുന്നത്.
 
ഒക്ടോബര്‍ 15 വെള്ളിയാഴ്ച, അബുദാബി ഇന്ത്യാ സോഷ്യല്‍ സെന്‍റ്റില്‍ വൈകിട്ട് 5.30 മുതല്‍ നടക്കുന്ന പരിപാടിയില്‍ ഐ. എസ്. ആര്‍. ഒ. മുന്‍ ചെയര്‍മാന്‍ ജി. മാധവന്‍നായര്‍ 16 ശാസ്ത്ര പ്രതിഭകള്‍ക്ക് അവാര്‍ഡുകള്‍ സമ്മാനിക്കും.  2009 ലെ മത്സര പരീക്ഷ യില്‍ സമ്മാനം നേടിയ വിദ്യാര്‍ത്ഥി കളെയാണ് 15 ന് ആദരിക്കുക. യു. എ. ഇ. യിലെ 50 വിദ്യാലയ ങ്ങളില്‍ നിന്നുള്ള 17,000 കുട്ടികളെ പങ്കെടുപ്പിച്ച് നടത്തിയ പരീക്ഷ യില്‍ നിന്നാണ് 16 ശാസ്ത്ര പ്രതിഭകളെ കണ്ടെത്തിയത്. 36 പേരെ ‘എ പ്ലസ്’ ഗ്രേഡു കാരായും ‘എ’ ഗ്രേഡു കാരായും പരിഗണിച്ച് പ്രോത്സാഹന സമ്മാനവും നല്‍കും.
 
സൂപ്പര്‍ കമ്പ്യൂട്ടറിന്‍റെ ഉപജ്ഞാതാവും ഇ. ടി. എച്ച് റിസര്‍ച്ച് ലാബ് ചെയര്‍മാനു മായ ഡോ. വിജയ്   ഭട്കര്‍, യു. എ. ഇ. ഉന്നത വിദ്യാഭ്യാസ വകുപ്പ്‌ മന്ത്രി ശൈഖ് നഹ്യാന്‍ ബിന്‍ മുബാറക് അല്‍ നഹ്യാന്‍, വ്യവസായ പ്രമുഖരായ ഡോ. ബി. ആര്‍. ഷെട്ടി, സിദ്ധാര്‍ഥ ബാലചന്ദ്രന്‍, എം. എ.  യൂസഫലി എന്നിവരും യു. എ.  ഇ.  യിലെ വിവിധ ഇന്ത്യന്‍ വിദ്യാലയ ങ്ങളിലെ പ്രിന്‍സിപ്പല്‍ മാരും മുന്‍വര്‍ഷ ങ്ങളിലെ ശാസ്ത്ര പ്രതിഭകളും ‘എ പ്ലസ്’ വിജയി കളും അവാര്‍ഡു ദാന ചടങ്ങില്‍ സംബന്ധിക്കും. ചടങ്ങിനോട് അനുബന്ധിച്ച് വിവിധ കലാ പരിപാടികളും അരങ്ങേറും.
 
പരിപാടികളെ ക്കുറിച്ച് വിശദീകരിക്കാന്‍ വിളിച്ചു ചേര്‍ത്ത വാര്‍ത്താ സമ്മേളനത്തില്‍ സയന്‍സ് ഇന്ത്യാ ഫോറം യു. എ. ഇ. ഭാരവാഹികളായ ടി. എം. നന്ദകുമാര്‍ (പ്രസിഡന്‍റ്),കെ. രാമചന്ദ്രന്‍ (ട്രഷറര്‍), നാരായണന്‍ നായര്‍ (വൈസ്‌ പ്രസിഡന്‍റ്), കൃഷ്ണ കുമാര്‍ (ജനറല്‍ സിക്രട്ടറി), സുധീര്‍കുമാര്‍ ഷെട്ടി (അഡ്വൈസര്‍),  സോമന്‍ അമ്പാട്ട് എന്നിവര്‍ പങ്കെടുത്തു.

ശാസ്ത്ര സാങ്കേതിക വികസന ങ്ങളെ ക്കുറിച്ച് ഇന്ത്യന്‍ വിദ്യാര്‍ത്ഥി കളില്‍ അവബോധം ഉണ്ടാക്കുക, ഇന്ത്യന്‍ ശാസ്ത്ര മേഖല യിലെ  വിപ്ലവ കരമായ ചലനങ്ങള്‍  കുട്ടികള്‍ക്കും സമൂഹത്തിനും പരിചയ പ്പെടുത്തുക, ഭാരത ത്തിന്‍റെ മുന്‍ പ്രസിഡന്‍റ് എ. പി. ജെ.  അബ്ദുല്‍കലാമിന്‍റെ വിഷന്‍ 2020 ന് ഇന്ത്യന്‍ വിദ്യാര്‍ത്ഥി സമൂഹത്തെ സജ്ജരാക്കുക എന്നിങ്ങനെ യുള്ള ലക്ഷ്യങ്ങളുമായി സയന്‍സ് ഇന്ത്യാ ഫോറം 2007 മുതലാണ് യു. എ. ഇ. യിലെ വിദ്യാലയ ങ്ങളില്‍ നിന്നുള്ള കുട്ടികളില്‍ നിന്നും ശാസ്ത്ര പ്രതിഭകളെ  കണ്ടെത്തി ആദരിക്കുന്നത്.
 
 
ശാസ്ത്ര പ്രതിഭാ പുരസ്കാര ദാന ചടങ്ങിനോട് അനുബന്ധിച്ച് ഒക്ടോബര്‍ 14 വ്യാഴാഴ്ച വൈകീട്ട് 7 മണിക്ക് ഇന്ത്യന്‍  എംബസി ഓഡിറ്റോറിയ ത്തില്‍ നടക്കുന്ന പരിപാടിയിലും ജി. മാധവന്‍ നായരും ഡോ. വിജയ്  ഭട്കറും പ്രഭാഷണം നടത്തും.
 
ഒക്ടോബര്‍ 16  ശനിയാഴ്‌ച  ഇന്ത്യന്‍ എംബസി യില്‍ ശാസ്ത്രജ്ഞരും ശാസ്ത്ര പ്രതിഭകളുമായി ആശയ വിനിമയ പരിപാടി നടക്കും. ഇതില്‍ കഴിഞ്ഞ മൂന്നു വര്‍ഷങ്ങളിലെ സയന്‍സ് ഇന്ത്യാ ഫോറം ശാസ്ത്ര പ്രതിഭകള്‍ സംബന്ധിക്കും.

-

വായിക്കുക: ,

അഭിപ്രായം എഴുതുക »

ചങ്ങാതി ക്കൂട്ടം ശ്രദ്ധേയമായി

July 23rd, 2010

changaathikoottam-2010-epathram-ഷാര്‍ജ : ശാസ്ത്രവും കലയും സംസ്കാരവും വിനോദവും സമന്വയി പ്പിച്ച് ഫ്രണ്ട്സ് ഓഫ് കേരള ശാസ്ത്ര സാഹിത്യ പരിഷദ് സംഘടിപ്പിച്ച ചങ്ങാതി ക്കൂട്ടത്തില്‍ നൂറോളം കൂട്ടുകാര്‍ ആവേശ ത്തോടെ പങ്കു ചേര്‍ന്നു. ഷാര്‍ജ യിലെ എമിരേറ്റ്സ് നാഷണല്‍ സ്കൂളില്‍  നടന്ന പരിപാടി ക്ക് നിര്‍മ്മല്‍ കുമാര്‍ നേതൃത്വം നല്‍കി.
 
വെള്ളിയാഴ്ച പകല്‍ മുഴുവന്‍ ആര്‍ത്തുല്ലസിച്ച കൂട്ടുകാര്‍ക്ക് സുകുമാരന്‍ മാസ്റ്റര്‍, ദിവാകരന്‍, നിര്‍മ്മല്‍ കുമാര്‍, ഗണേഷ് എന്നിവരെ കൂടാതെ ഫ്രണ്ട്സ് ഓഫ് കെ. എസ്. എസ്. പി.  പ്രവര്‍ത്ത കരും നേതൃത്വം നല്‍കി. കുട്ടികളോ ടൊപ്പം രക്ഷാകര്‍ത്താ ക്കളും ചങ്ങാതി ക്കൂട്ടത്തിന്‍റെ രസം നുകര്‍ന്നു. നാലു വിഭാഗങ്ങളി ലായി സംഘടിപ്പിക്ക പ്പെട്ട പരിപാടി വിനോദം എങ്ങിനെ വിജ്ഞാന പ്രദമാക്കാം എന്നതിന്‍റെ മനോഹര മായ ഒരു രേഖാചിത്രം ആയിരുന്നു.
 
kssp-changathi-koottam-2010-epathram

കളിമൂല യിലെ കൊച്ചു കൊച്ചു കളി കളിലൂടെ നിരീക്ഷണ പാടവം എങ്ങിനെ വളര്‍ത്തി എടുക്കാം എന്ന് കൂട്ടുകാരെ ബോദ്ധ്യ പ്പെടുത്തി. അറിവും വിജ്ഞാനവും നിത്യ ജീവിത ത്തില്‍ പ്രയോഗി ക്കേണ്ട താണെന്ന തിരിച്ചറിവ് പകര്‍ന്ന് നല്‍കിയ ശാസ്ത്ര പരീക്ഷണ ങ്ങള്‍ ശാസ്ത്ര മൂലയെ ശ്രദ്ധേയ മാക്കി. 
 

kssp-changathi-koottam-epathram

ശാരീരിക മാനസീക ഭാവങ്ങള്‍ എങ്ങിനെ വ്യക്തിത്വ ത്തെ സ്വാധീനിക്കുന്നു എന്നും നടന ത്തിന്‍റെ പ്രായോഗിക സാധ്യത കള്‍ എന്താണെന്നും അന്വേഷിച്ച അഭിനയ മൂല വ്യക്തിത്വ വികാസ ത്തിന്‍റെ പരീക്ഷണ ശാലയായി. 
 
fkssp-changathi-koottam-epathram

ശാസ്ത്രത്തെ പരിപോഷിപ്പിച്ച, പുനര്‍ നിര്‍മ്മിച്ച ശാസ്ത്രജ്ഞ രേയും അവരുടെ സംഭാവന കളെയും പരിചയ പ്പെടുത്തിയ പ്രദര്‍ശനം കൂട്ടുകാര്‍ക്കും രക്ഷിതാക്കള്‍ക്കും പുതിയ ഒരനുഭവമായി.
 
ഷാഹുല്‍, ഭൂഷണ്‍, ഗണേഷ്, സുനില്‍ എന്നീ കലാകാര ന്മാര്‍ ചേര്‍ന്ന് വരമൂല യെ അര്‍ത്ഥ വത്താക്കി. തികച്ചും ശാസ്ത്രീയ മായ ഒരു പാഠ്യ പദ്ധതി യിലൂടെ മാത്രമെ ആരോഗ്യ പരമായ ഒരു സമൂഹ ത്തെ വളര്‍ത്തി എടുക്കാനാവൂ എന്നും അപരന്‍റെ സ്വാതന്ത്ര്യ ത്തെയും വിശ്വാസ ത്തെയും ബഹുമാനി ക്കുന്നവര്‍ക്കു മാത്രമേ സ്വന്തം വിശ്വാസത്തിന്‍റെ മഹത്വം ബോദ്ധ്യപ്പെടൂ എന്നും രക്ഷാകര്‍തൃ സദസ്സില്‍ സുകുമാരന്‍ മാസ്റ്റര്‍ നിരീക്ഷിച്ചു. ശാസ്ത്രീയ മായൊരു പാഠ്യ പദ്ധതി രൂപ പ്പെടുത്തുന്ന തിന്‍റെ ചില ഉദാഹരണ ങ്ങള്‍ മാത്രമാണ് ഇത്തരം ചങ്ങാതി ക്കൂട്ടങ്ങള്‍ എന്ന് മാസ്റ്റര്‍ കൂട്ടിച്ചേര്‍ത്തു.

(അയച്ചു തന്നത്:  ഐ. പി. മുരളി)

-

വായിക്കുക: , , ,

അഭിപ്രായം എഴുതുക »

ചങ്ങാതിക്കൂട്ടം 2010 ഷാര്‍ജയില്‍

July 5th, 2010

changaathikoottam 2010ഷാര്‍ജ : ജൈവ വൈവിധ്യത്തിനും പരിസ്ഥിതി സംരക്ഷണത്തിനും പ്രാധാന്യം നല്‍കി ക്കൊണ്ട്, ഫ്രണ്ട്സ് ഓഫ് കേരള ശാസ്ത്ര സാഹിത്യ പരിഷത് കൊച്ചു കൂട്ടുകാര്‍ക്കായി ഒരുക്കുന്ന ചങ്ങാതിക്കൂട്ടം ഷാര്‍ജ എമിറേറ്റ്സ് നാഷണല്‍ സ്ക്കൂളില്‍ ജൂലായ്‌ 12 മുതല്‍ 16 വരെ നടക്കും.

ഭാഷയും സംസ്ക്കാരവും ജീവവായു പോലെ പ്രധാനപ്പെട്ട താണെന്ന തിരിച്ചറി വിലൂന്നിയ ഈ ചങ്ങാതി ക്കൂട്ടത്തിലൂടെ അറിവും നിരീക്ഷണവും ആയുധമാക്കി, വിജ്ഞാന ത്തിന്റെയും ചിന്താ ശേഷിയുടെയും പുത്തന്‍ ചക്രവാളങ്ങളിലേക്ക് ഒത്തൊരുമയോടെ മുന്നേറാനുള്ള അവസരമാണിത് എന്ന് ഭാരവാഹികള്‍ അറിയിക്കുന്നു.

സമയം :

ജൂലായ്‌ 12 മുതല്‍ 15 വരെ വൈകീട്ട് 4 – 7 മണി വരെ

ജൂലായ്‌ 16 വെള്ളി – രാവിലെ 9 മുതല്‍ വൈകീട്ട് 5 മണി വരെ

വിവരങ്ങള്‍ക്ക് ബന്ധപ്പെടുക :

ഷൈലജ : 050-3672876
ശ്രീകുമാരി ആന്റണി : 050-3097209
മനോജ്‌ : 050-6598442
അജയ് സ്റ്റീഫന്‍ : 050-7207371
ബിജു : 050-2192473

ഷാര്‍ജ എമിറേറ്റ്സ് നാഷ്ണല്‍ സ്കൂളിന്റെ ലൊക്കേഷന്‍ കാണുവാന്‍ ഇവിടെ ക്ലിക്ക് ചെയ്യുക.

-

വായിക്കുക: , , ,

അഭിപ്രായം എഴുതുക »

ബാലവേദി പ്രവര്‍ത്ത നോദ്ഘാടനം

May 21st, 2010

kssp-logo-epathramഷാര്‍ജ: ഫ്രണ്ട്സ് ഓഫ് കേരള ശാസ്ത്ര സാഹിത്യ പരിഷത്ത് ഈ വര്‍ഷത്തെ ബാലവേദി പ്രവര്‍ത്ത നങ്ങള്‍ക്ക് തുടക്കം കുറിച്ചു കൊണ്ട് മെയ്‌ 21 വെള്ളിയാഴ്ച  ഉച്ചക്ക് 2:30 ന് ഷാര്‍ജ എമിറേറ്റ്സ് നാഷ്ണല്‍ സ്കൂളില്‍ വെച്ച് നടക്കുന്ന പരിപാടിയില്‍ കവിയും ഗാന രചയിതാവു മായ പി. കെ. ഗോപി,  കേരള ശാസ്ത്ര സാഹിത്യ പരിഷത്ത് മുന്‍ ജനറല്‍ സെക്രട്ടറി ടി. ഗംഗാ ധരന്‍ എന്നിവര്‍ മുഖ്യ അതിഥികളായി എത്തുന്നു. കുട്ടികളില്‍ ശാസ്ത്രാ ഭിരുചിയും, പാരി സ്ഥിതികാ വബോധവും, സാമൂഹ്യ ബോധവും, രാജ്യ സ്നേഹവും വളര്‍ത്തി ഉത്തമ പൌരന്മാരാക്കുക എന്ന ലക്ഷ്യത്തോടെ യാണ് പരിഷത്ത്, ബാലവേദി രംഗത്ത് പ്രവര്‍ത്തി ക്കുന്നത്.  ഷാര്‍ജ യില്‍ കഴിഞ്ഞ ആറു വര്‍ഷ ങ്ങളായി ഫ്രണ്ട്സ് ഓഫ് കെ. എസ്. എസ്. പി.  കുട്ടികള്‍ ക്കായി  ചങ്ങാതി ക്കൂട്ടം,  പരിസ്ഥിതി ക്യാമ്പ്, ഉപന്യാസ രചന തുടങ്ങിയ വിവിധ ങ്ങളായ പ്രവര്‍ത്തങ്ങള്‍ നടത്തി വരുന്നു.  കൂടുതല്‍ വിവരങ്ങള്‍ക്ക്  050 30 97 209 , 06 57 25 810 എന്നീ  നമ്പരു കളില്‍ വിളിക്കുക.

-

വായിക്കുക: , , ,

അഭിപ്രായം എഴുതുക »

Page 1 of 212

« Previous « ശ്രീഭൂവിലസ്ഥിര ഐ. എസ്. സി. യില്‍
Next Page » ‘ഹൃദയ സ്വരങ്ങള്‍’ അബുദാബിയില്‍ »



ലോക മലയാളി സംഗമം കൌണ്‍സില...
സൈലന്റ് വാലി സമര വിജയ വാര...
തിരുവിതാംകൂര്‍ ചരിത്ര പഠന...
ചങ്ങമ്പുഴ അനുസ്മരണവും കവി...
സൈലന്റ് വാലി സമര വിജയം ആഘ...
കെ. വി. ഷംസുദ്ധീന് പുരസ്ക...
വോട്ടര്‍മാര്‍ക്ക്‌ പണം നല...
കേരള സംഗീത നാടക അക്കാദമി ...
സാധാരണക്കാരനില്‍ നിന്നും ...
സമാന്തര മാധ്യമ സാധ്യത അവഗ...
നൊസ്റ്റാള്‍ജിയ 2010 അബുദാ...
ആരോഗ്യ ബോധവല്‍ക്കരണം അത്യ...
എന്‍ഡോസള്‍ഫാന്‍ ഐക്യദാര്‍...
ജയ്സന്‍ ജോസഫ്‌ ഷാര്‍ജയില്...
മയില്‍പ്പീലി പുരസ്കാരം പ്...
വയലാര്‍ : സര്‍ഗ്ഗ ശക്തിയെ...
പകല്‍ കിനാവന്റെ ഫോട്ടോകളു...
സ്ത്രീകള്‍ ജോലി ചെയ്യുന്ന...
ക്രിമിനല്‍ കേസില്‍ കുടുക്...
“നിലവിളികള്‍ക്ക്‌ കാതോര്‍...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine