കൂനന്‍ ദുബായില്‍

December 26th, 2010

koonan-manjulan-epathram

ദുബായ്‌ : കണക്ക്‌ കൂട്ടലുകളുടെ അതിരുകള്‍ ക്കുള്ളില്‍ കുടുങ്ങിപ്പോയ വര്‍ത്തമാന ഹൃദയങ്ങള്‍ക്ക്‌ ഒരു പുതിയ അനുഭവവുമായി കൂനന്‍ ദുബായില്‍ അരങ്ങേറുന്നു. പ്രശസ്ത നടനും, സംവിധായകനും, നാടകകൃത്തുമായ മഞ്ഞുളന്റെ ഏകാംഗ നാടകമായ “കൂനന്‍” ഡിസംബര്‍ 27 തിങ്കളാഴ്ച രാത്രി 8 മണിക്ക് ദുബായ്‌ ദല ഹാളില്‍ മഞ്ജുളന്‍ അവതരിപ്പിക്കും.

കൂനന്റെയും അവന്‍ കയ്യിലേന്തുന്ന പൂവിന്റെയും കുടയുടെയും സര്‍വ്വോപരി അവന്റെ വിശുദ്ധ പ്രണയത്തിന്റെയും കഥയാണ് “കൂനന്‍”

manjulan-epathram

മഞ്ജുളന്‍

പയ്യന്നൂരിനടുത്തുള്ള പെരുന്തട്ട സ്വദേശിയായ മഞ്ജുളന്‍ തൃശൂര്‍ സ്ക്കൂള്‍ ഓഫ് ഡ്രാമയില്‍ നിന്ന് അഭിനയത്തില്‍ ഒന്നാം റാങ്കോടെ നാടക ബിരുദം നേടി. കാലടി സംസ്കൃത സര്‍വകലാശാലയില്‍ നിന്ന് ക്ലാസിക്കല്‍ ഇന്ത്യന്‍ തിയേറ്ററില്‍ ബിരുദാനന്തര ബിരുദം നേടി. 1997ല്‍ കോഴിക്കോട്‌ സര്‍വകലാശാലയുടെ ജി ശങ്കരപ്പിള്ള എന്‍ഡോവ്മെന്റ് പുരസ്കാരം ലഭിച്ചു. 1998ല്‍ “കേളു” എന്ന നാടകത്തിലൂടെ മികച്ച സംവിധായകനുള്ള കേരള സംഗീത നാടക അക്കാദമി പുരസ്കാരം ലഭിച്ചു. 2000ല്‍ കേരള സര്‍ക്കാര്‍ പുരസ്കാരങ്ങള്‍ നേടിയ “ചെഗുവേര” എന്ന നാടകത്തില്‍ ചെഗുവേരയായി അഭിനയിച്ചിരുന്നു. 2002ല്‍ കുട്ടികളുടെ നാടക വേദിയുടെ ഗവേഷണത്തിന് കേന്ദ്ര സാംസ്കാരിക വകുപ്പിന്റെ ഫെലോഷിപ്പ്‌ നേടിയ ഇദ്ദേഹം ഇന്ത്യയിലെ പ്രധാനപ്പെട്ട പല നാടക ശില്‍പ്പ ശാലകളിലും അദ്ധ്യാപകനാണ്. “ഡിസംബര്‍”, “വധക്രമം” (പൂന ഫിലിം ഇന്‍സ്റ്റിറ്റ്യൂട്ട്) എന്നീ സിനിമകളില്‍ നായകനാണ്.

- കറസ്പോണ്ടന്റ്

വായിക്കുക: ,

അഭിപ്രായം എഴുതുക »

നാടകോത്സവ ത്തില്‍ ‘ആത്മാവിന്‍റെ ഇടനാഴി’ മികച്ച നാടകം

December 26th, 2010

drama-fest-best-drama-kala-team-epathram

അബുദാബി : കേരളാ സോഷ്യല്‍  സെന്‍റര്‍ സംഘടിപ്പിച്ച നാടകോത്സവം 2010 ന്‍റെ വിജയികളെ പ്രഖ്യാപിച്ചു.  മികച്ച നാടകം : ‘ആത്മാവിന്‍റെ ഇടനാഴി’ (കല അബുദാബി).
 
ഈ നാടകം സംവിധാനം ചെയ്ത അശോകന്‍ കതിരൂര്‍ മികച്ച സംവിധായകന്‍ ആയും തെരഞ്ഞെടുക്ക പ്പെട്ടു.  
 

drama-fest-best-actor-prakash-epathram

മികച്ച നടന്‍ പ്രകാശ്‌. കേളു എന്ന നാടകത്തില്‍ (ഫോട്ടോ: റാഫി അയൂബ്)

ശക്തി തിയ്യറ്റേഴ്സ് അവതരിപ്പിച്ച ‘കേളു’ മികച്ച രണ്ടാമത്തെ നാടകം ആയി. കേളു  എന്ന കഥാപാത്രത്തി ലൂടെ   പ്രകാശ്‌ മികച്ച നടന്‍ ആയി. 
 

drama-fest-best-actress-surabhi-epathram

മികച്ച നടി സുരഭി. യക്ഷിക്കഥകളും നാട്ടു വര്‍ത്തമാനങ്ങളും (ഫോട്ടോ. അജയന്‍ കൊല്ലം)

അല്‍ ഐന്‍ ഐ. എസ്. സി. അവതരിപ്പിച്ച ‘യക്ഷിക്കഥകളും നാട്ടു വര്‍ത്തമാനങ്ങളും’  എന്ന നാടക ത്തിലൂടെ  സുരഭി മികച്ച  നടി യായി തെരഞ്ഞെടുക്ക പ്പെട്ടു. 
 
അബുദാബി നാടക സൗഹൃദം  അവതരിപ്പിച്ച ‘ദി ഗോസ്റ്റ്‌’ എന്ന നാടക ത്തിലെ പ്രകടന ത്തിലൂടെ അനന്ത ലക്ഷ്മി മികച്ച രണ്ടാമത്തെ നടിയായി.  
 

ama-fest-supporting actor-actress-epathram

മികച്ച രണ്ടാമത്തെ നടന്‍ (ഷാബിര്‍ ഖാന്‍), രണ്ടാമത്തെ നടി (അനന്തലക്ഷ്മി) ദി ഗോസ്റ്റ്‌ എന്ന നാടകത്തില്‍ (ഫോട്ടോ. അജയന്‍)

മികച്ച രണ്ടാമത്തെ നടനുള്ള പുരസ്കാരം ഷാബിര്‍ ഖാന്‍ ചാവക്കാട്‌ ( നാടകം:  ദി ഗോസ്റ്റ്‌) കരസ്ഥമാക്കി.

drama-fest-supporting-actor-epathram

മികച്ച രണ്ടാമത്തെ നടന്‍ ചന്ദ്രഭാനു. നാടകം: 'ഗോദോയെ കാത്ത്‌' (ഫോട്ടോ. അജയന്‍)

ഇതോടൊപ്പം ദുബായ് കൂത്തമ്പലം അവതരിപ്പിച്ച ‘ഗോദോയെ കാത്ത്’ എന്ന നാടക ത്തിലൂടെ  ചന്ദ്രഭാനു വും  രണ്ടാമത്തെ നടനുള്ള പുരസ്കാരം നേടി.
 

drama-fest-best-child-artist-aparna-epathram

മികച്ച ബാല താരം അപര്‍ണ്ണ

അപര്‍ണ്ണ മികച്ച ബാല താരമായി തെരഞ്ഞെടുക്ക പ്പെട്ടു. യുവ കലാസാഹിതി യുടെ ‘സ്വര്‍ണ്ണ ചൂണ്ടയും മത്സ്യ കന്യകയും’ എന്ന നാടക ത്തിലെ പ്രകടന ത്തിലൂടെ യാണ് ഇത്.  ഇതേ നാടക ത്തിനാണ് മികച്ച ചമയ ത്തിനുള്ള പുരസ്കാരം.
 
മികച്ച ഭാവി വാഗ്ദാനമായി കണ്ടെത്തിയത് ഹാരിഫ്‌. തിയ്യേറ്റര്‍ ദുബായ്  അവതരിപ്പിച്ച  ‘വൊയ്‌സെക്’ എന്ന നാടക ത്തിലെ പ്രകടന ത്തിലൂടെ യാണ് ഹാരിഫ്‌ ഈ നേട്ടം സ്വന്തമാക്കിയത്.
 
മികച്ച രംഗപടം, പ്രകാശ വിതാനം എന്നിവ കല അബുദാബി യുടെ  ‘ആത്മാവിന്‍റെ ഇടനാഴി’ കരസ്ഥമാക്കി. മികച്ച പശ്ചാത്തല സംഗീതം : കേളു എന്ന നാടക ത്തിനും.
 
 
കേരളാ സോഷ്യല്‍ സെന്‍റര്‍ അങ്കണത്തിലെ ആകാംക്ഷാ ഭരിതരായ സദസ്സിനു മുമ്പാകെ, നാടക മല്‍സര ത്തിന്‍റെ വിധി കര്‍ത്താക്കളായി എത്തിയിരുന്ന  ജയപ്രകാശ് കുളൂര്‍, നാടകം എന്ത് എന്നതിനെ കുറിച്ചും,  വിജയന്‍ കാരന്തൂര്‍  ഓരോ നാടകങ്ങളിലെയും നടീ നടന്‍ മാരുടെ പ്രകടനങ്ങളെ ക്കുറിച്ചും അവതരണങ്ങളിലെ മികവുകളും പോരായ്മകളും  വിശദീകരിച്ചു.

 കെ. എസ്. സി. പ്രസിഡന്‍റ് കെ. ബി. മുരളി അദ്ധ്യക്ഷത വഹിച്ചു. ജന.സിക്രട്ടറി ബക്കര്‍ കണ്ണപുരം സ്വാഗതം പറഞ്ഞു.ഡോ. ഷജീര്‍ ( ലൈഫ്‌ലൈന്‍ ഹോസ്‌പിറ്റല്‍) മുഖ്യാതിഥി ആയിരുന്നു. കലാ വിഭാഗം സെക്രട്ടറി മാരായ ടി. കെ. ജലീല്‍, രജീദ്‌ എന്നിവര്‍ പരിപാടികള്‍ നിയന്ത്രിച്ചു.

- കറസ്പോണ്ടന്റ്

വായിക്കുക: ,

അഭിപ്രായം എഴുതുക »

നാടകോത്സവം : ഫല പ്രഖ്യാപന വും സമ്മാന വിതരണവും ഇന്ന്

December 25th, 2010

അബുദാബി :  രണ്ടാഴ്ച ക്കാലം നീണ്ടു നിന്ന കെ. എസ്. സി. നാടകോത്സവ ത്തിന് തിരശ്ശീല വീണു. വ്യത്യസ്ത തലങ്ങളിലുള്ള ഒന്‍പതു നാടകങ്ങള്‍ കാഴ്‌ചയുടെ വസന്തം സമ്മാനിച്ചു കൊണ്ട് കടന്നു പോയ നാടകോത്സവ ത്തിന്‍റെ ഫല പ്രഖ്യാപന വും സമ്മാന വിതരണവും ഇന്ന് ( ഡിസംബര്‍ 25 ശനിയാഴ്ച) നടക്കും.
 
ഇതോടനു ബന്ധിച്ച് കെ. എസ്. സി. കലാ വിഭാഗം അവതരിപ്പിക്കുന്ന ‘ഉസ്മാന്‍റെ ഉമ്മ’ എന്ന ലഘുനാടകം അരങ്ങേറും. കഴിഞ്ഞ ബക്രീദ് ദിനത്തില്‍ സോഷ്യല്‍ സെന്ററില്‍ അവതരിപ്പിച്ച് പ്രേക്ഷകരുടെ പ്രശംസ നേടിയ ‘ഉസ്മാന്‍റെ ഉമ്മ’, കാലിക പ്രസക്തി യുള്ള ഒരു വിഷയത്തെ അസാമാന്യ കയ്യടക്കത്തോടെ  സംവിധാനം ചെയ്തത്  കെ. എസ്. സി. കലാ വിഭാഗം സെക്രട്ടറി ടി. കെ. ജലീല്‍.

- കറസ്പോണ്ടന്റ്

വായിക്കുക: ,

അഭിപ്രായം എഴുതുക »

നാടകോത്സവം : വിഷജ്വരം ഇന്ന്

December 24th, 2010

dala-drama-vishajwaram-epathram

അബുദാബി : അബുദാബി കേരള സോഷ്യല്‍ സെന്‍റര്‍ സംഘടിപ്പിച്ച  നാടകോത്സവ ത്തില്‍  ഒന്‍പതാം ദിവസമായ  വെള്ളിയാഴ്ച (ഡിസംബര്‍  24 ) രാത്രി 8.30 ന്, ദല ദുബായ്  അവതരിപ്പിക്കുന്ന   ‘വിഷജ്വരം’ എന്ന നാടകം അരങ്ങേറും
 
മുഹമ്മദ്‌ പറശ്ശിനിക്കടവ് എഴുതി പി. പി. അഷ്‌റഫ്‌ – മോഹന്‍ മൊറാഴ എന്നിവര്‍ ചേര്‍ന്ന് സംവിധാനം ചെയ്ത നാടക മാണ്   വിഷജ്വരം. ഡിസംബര്‍  10  വെള്ളിയാഴ്‌ച തുടക്കം കുറിച്ച നാടകോത്സവം ഇന്ന് സമാപിക്കുക യാണ്.
 
നാളെ (ഡിസംബര്‍ 25 ശനിയാഴ്ച) മത്സര ത്തിന്‍റെ ഫല പ്രഖ്യാപന വും സമ്മാന വിതരണവും നടക്കും. ഇതോടനു ബന്ധിച്ച് കെ. എസ്. സി. കലാ വിഭാഗം അവതരിപ്പിക്കുന്ന ‘ഉസ്മാന്‍റെ ഉമ്മ’ എന്ന ലഘുനാടകം അരങ്ങേറും.

- കറസ്പോണ്ടന്റ്

വായിക്കുക: , ,

അഭിപ്രായം എഴുതുക »

‘ദ മിറര്‍’ നാടകോത്സവ ത്തില്‍

December 23rd, 2010

ksc-drama-fest-logo-epathram

അബുദാബി : അബുദാബി കേരള സോഷ്യല്‍ സെന്‍റര്‍ സംഘടിപ്പിച്ച  നാടകോത്സവ ത്തില്‍  എട്ടാം ദിവസമായ  വ്യാഴം (ഡിസംബര്‍ 23 ) രാത്രി 8.30 ന്, പ്ലാറ്റ്‌ഫോം ദുബായ്  അവതരിപ്പിക്കുന്ന  ‘ദ മിറര്‍’  എന്ന നാടകം അരങ്ങേറും. രചന : മണികണ്‍ഠദാസ്‌. സംവിധാനം :  ബാബു കുരുവിള

- കറസ്പോണ്ടന്റ്

വായിക്കുക:

അഭിപ്രായം എഴുതുക »

Page 1 of 612345...Last »

« Previous « ഡ്രൈവര്‍മാരുടെ കൂട്ടായ്മ അബുദാബി യില്‍
Next Page » ചങ്ങാതിക്കൂട്ടം ദുബായില്‍ »



ലോക മലയാളി സംഗമം കൌണ്‍സില...
സൈലന്റ് വാലി സമര വിജയ വാര...
തിരുവിതാംകൂര്‍ ചരിത്ര പഠന...
ചങ്ങമ്പുഴ അനുസ്മരണവും കവി...
സൈലന്റ് വാലി സമര വിജയം ആഘ...
കെ. വി. ഷംസുദ്ധീന് പുരസ്ക...
വോട്ടര്‍മാര്‍ക്ക്‌ പണം നല...
കേരള സംഗീത നാടക അക്കാദമി ...
സാധാരണക്കാരനില്‍ നിന്നും ...
സമാന്തര മാധ്യമ സാധ്യത അവഗ...
നൊസ്റ്റാള്‍ജിയ 2010 അബുദാ...
ആരോഗ്യ ബോധവല്‍ക്കരണം അത്യ...
എന്‍ഡോസള്‍ഫാന്‍ ഐക്യദാര്‍...
ജയ്സന്‍ ജോസഫ്‌ ഷാര്‍ജയില്...
മയില്‍പ്പീലി പുരസ്കാരം പ്...
വയലാര്‍ : സര്‍ഗ്ഗ ശക്തിയെ...
പകല്‍ കിനാവന്റെ ഫോട്ടോകളു...
സ്ത്രീകള്‍ ജോലി ചെയ്യുന്ന...
ക്രിമിനല്‍ കേസില്‍ കുടുക്...
“നിലവിളികള്‍ക്ക്‌ കാതോര്‍...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine