തിരുവനന്തപുരം: അഡ്വക്കേറ്റ് ജനറല് കെ.പി ദണ്ഡപാണിക്കെതിരെ ശക്തമായ ഭാഷയില് വിമര്ശനവുമായി സര്ക്കാര് ചീഫ് വിപ്പ് പി.സി.ജോര്ജ് രംഗത്ത് വന്നു. മുല്ലപ്പെരിയാര് വിഷയത്തില് കേരളം ഇതുവരെ സ്വീകരിച്ച നിലപാടുകളെ ദുര്ബലപ്പെടുത്തുന്ന തരത്തില് ഹൈക്കോടതിയില് പരാമര്ശം നടത്തിയ അഡ്വക്കേറ്റ് ജനറല് കെ.പി ദണ്ഡപാണിയെ ചവിട്ടിപ്പുറത്താക്കണന്നും, അഡ്വക്കേറ്റ് ജനറല് വെറും പൊട്ടനും തൊപ്പിയാനുമാണെന്നും പി.സി.ജോര്ജ് പരിഹസിച്ചു. മുല്ലപ്പെരിയാറിലെ ജലനിരപ്പും ജനങ്ങളുടെ ആശങ്കയും തമ്മില് ഒരു ബന്ധമില്ലെന്നും ഡാം തകര്ന്നാല് ഇടുക്കി ഡാമിന് വെള്ളം താങ്ങാനാവുമെന്നും, അഡ്വക്കറ്റ് ജനറല് ഹൈക്കോടതിയിലെ സത്യവാങ്മൂലം നല്കിയിരുന്നു. ഇതിനെതിരെ ഭരണ കക്ഷിയിലെ തന്നെ പല പ്രമുഖരും രംഗത്ത് വന്നിരുന്നു.
എന്നാല്, താന് തെറ്റൊന്നും ചെയ്തിട്ടില്ലെന്നും സര്ക്കാരിന്റെ അഭിപ്രായം അതേപടി കോടതിയില് അറിയിക്കുക മാത്രമാണ് താന് ചെയ്തതെന്നും അതിനാല് താന് തെറ്റുകാരനല്ലെന്നും ഇതിന്റെ പേരില് രാജിവെച്ചു പോകില്ലെന്നും അഡ്വക്കറ്റ് ജനറല് കെ.പി ദണ്ഡപാണി വ്യക്തമാക്കി.
-
അനുബന്ധ വാര്ത്തകള്
വായിക്കുക: എതിര്പ്പുകള്, കേരള രാഷ്ട്രീയം, പരിസ്ഥിതി, വിവാദം
