തിരുവനന്തപുരം : മുല്ലപ്പെരിയാറില്‍ പുതിയ അണക്കെട്ട് പണിതാല്‍ അതിന്റെ നിയന്ത്രണം തമിഴ്‌ നാടും കേന്ദ്ര സര്‍ക്കാരുമായി ചേര്‍ന്ന് സംയുക്തമായി നടത്താന്‍ കേരളം തയ്യാറാണ് എന്ന് മുഖ്യമന്ത്രി ഉമ്മന്‍ചാണ്ടി അറിയിച്ചു. ഇത്തരമൊരു സംവിധാനം ഇപ്പോള്‍ കോയമ്പത്തൂരിലേക്ക് ജലം നല്‍കുന്ന ശിരുവാണി അണക്കെട്ടില്‍ നിലവിലുണ്ട്. ഇത്തരമൊരു നിയന്ത്രണത്തിന്റെ വിശദാംശങ്ങളെ സംബന്ധിച്ച് കേരളത്തിന്‌ തികച്ചും തുറന്ന സമീപനമാണ് ഉള്ളത് എന്നും അദ്ദേഹം പറഞ്ഞു.
തമിഴ്‌ നാടിന് ഇപ്പോള്‍ ലഭിക്കുന്ന അതെ അളവില്‍ ജലം പുതിയ അണക്കെട്ട് പണിതാലും ലഭ്യമാക്കും എന്ന കേരളത്തിന്റെ ഉറപ്പിന് ലഭിച്ച അംഗീകാരമാണ് പുതിയ അണക്കെട്ട് സംബന്ധിച്ച ചര്‍ച്ചകള്‍ക്ക്‌ ഇപ്പോള്‍ ലഭിക്കുന്ന സ്വീകാര്യത എന്നും ഉമ്മന്‍ചാണ്ടി പറഞ്ഞു.
എന്നാല്‍ ഇപ്പോള്‍ ലഭിക്കുന്നതിലും പത്തു ശതമാനം കൂടുതല്‍ ജലം തമിഴ്‌ നാടിന് നല്‍കാം എന്ന് കേരളം സമ്മതിച്ചതായി ചില സൂചനകള്‍ ഉണ്ട്.
- ജെ.എസ്.
അനുബന്ധ വാര്‍ത്തകള്‍
വായിക്കുക: എതിര്‍പ്പുകള്‍, ദുരന്തം, വിവാദം
പുതിയ ഡാമിന്റെ നിയന്ത്രണം പൂര്‍ണമായും കേരളത്തിന്റെ കൈകളിലയിരിക്കണം. നമ്മുടെ രാഷ്ട്രിയക്കാര്‍ എപ്പോഴും പറയുന്ന ഒരു വാചകമുണ്ട് മുല്ലപ്പെരിയാറിലെ ഒരുതുള്ളി വെള്ളം പോലും കേരളത്തിന്‌ വേണ്ട എല്ലാം തമിഴ്നാടിനു കൊടുതെക്കാമെന്ന്.കേരളത്തിലെ ജനങ്ങളുടെ അഭിപ്രയമെന്തനെന്നും ഒന്ന് പരിശോദിച്ചാല്‍ നന്നായിരുന്നു.വലിയൊരു വിഭാഗം ജനങ്ങള്‍കുടിവെള്ളംഇല്ലാതെ കഷ്ടപ്പെടുന്ന ഒരുനാടാണ് നമ്മുടെതെന്ന് നമ്മുടെ രാഷ്ട്രിയക്കാര്‍ മനസിലാക്കണം.പുതിയകരറീല്‍ നമ്മുക്കും വേണം അല്‍പ്പം വെള്ളം.