കേരളത്തിൽ ഓട്ടോ-ടാക്സി നിരക്ക് വർദ്ധിക്കും

November 11th, 2026

തിരുവനന്തപുരം : സംസ്ഥാനത്തെ ഓട്ടോ റിക്ഷാ, ടാക്‌സി നിരക്കുകൾ 2027 ജനുവരി മുതൽ വർദ്ധിക്കും.

നിരക്ക് പരിഷ്കരണം ആവശ്യപ്പെട്ട് ഓട്ടോ-ടാക്സി സേവനങ്ങളുടെ 24 മണിക്കൂര്‍ പണി മുടക്ക് നടത്തും എന്നുള്ള ഓട്ടോ-ടാക്സി യൂണിയനുകളുടെ പ്രഖ്യാപന ത്തിനു പിന്നാലെ ഗതാഗത വകുപ്പു മന്ത്രി സി. പി. ജോണ്‍, യൂണിയൻ നേതാക്കളുമായി നടത്തിയ ചര്‍ച്ചയുടെ അടിസ്ഥാനത്തിലാണ് നിരക്ക് വർദ്ധന തീരുമാനം എടുത്തത്. ഇതോടെ ഓട്ടോ-ടാക്സി പണിമുടക്ക് പിന്‍ വലിക്കാന്‍ തീരുമാനിച്ചിട്ടുണ്ട്.

ഓട്ടോ റിക്ഷയുടെ നിരക്ക് നിലവിലെ മിനിമം ചാർജ്ജ് 30 രൂപയിൽ നിന്നും 50 രൂപയാക്കി ഉയർത്തണം ടാക്സിയുടെത് 250 രൂപയില്‍ നിന്നും 300 രൂപയാക്കണം എന്നുമാണ് തൊഴിലാളി യൂണിയനുകളുടെ ആവശ്യം.

എന്നാൽ നിരക്ക് വർദ്ധന പഠിക്കാൻ സർക്കാർ കമ്മിഷനെ നിയോഗിക്കും. അവർ നൽകുന്ന റിപ്പോർട്ടിന്റെ അടിസ്ഥാനത്തിൽ ജനുവരി ഒന്ന് മുതൽ എത്ര രൂപയാണ് വർദ്ധിപ്പിക്കുക എന്ന കാര്യത്തിൽ തീരുമാനം എടുക്കും.

നിരക്ക് വർദ്ധന കൂടാതെ ഓട്ടോറിക്ഷാ, ടാക്‌സി ഡ്രൈവർമാർക്ക് ഇ. എസ്‌. ഐ. അനുവദിക്കുക, മഞ്ഞ ബോർഡ് വെക്കാതെ ഓടുന്ന ടൂ വീലർ ടാക്‌സികളെ നിയന്ത്രിക്കുക, ഹോട്ടലുകളിലും മറ്റും ഡ്രൈവർ മാർക്ക് വിശ്രമ മുറി ഒരുക്കുക തുടങ്ങി തൊഴിലാളി യൂണിയനുകൾ മുന്നോട്ടു വെച്ച ആവശ്യങ്ങളും സർക്കാർ അംഗീകരിച്ചു.

- pma

വായിക്കുക: , , , , ,

അഭിപ്രായം എഴുതുക »

വയോജനങ്ങൾക്ക് ബസ്സിൽ റിസർവ്വേഷൻ ഉറപ്പാക്കും

October 14th, 2026

തിരുവനന്തപുരം : കെ. എസ്. ആർ. ടി. സി. ബസ്സുകളിൽ വയോജനങ്ങൾക്കായി റിസർവ്വ് ചെയ്ത സീറ്റുകൾ അവർക്ക് ലഭ്യമാക്കുന്നതിനുള്ള കർശ്ശന നടപടികൾ സ്വീകരിക്കും എന്നും ബസ്സുകളിൽ നിലവിലുള്ള ഓൺ ലൈൻ രജിസ്ട്രേഷനുകളിൽ വയോജനങ്ങൾക്കായി സീറ്റ് റിസർവ്വ് ചെയ്യുന്നതിനുള്ള സംവിധാനം ഒരുക്കും എന്നും കെ. എസ്. ആർ. ടി. സി. മാനേജിംഗ് ഡയറക്ടർ ഡോ. പ്രമോജ് ശങ്കർ ഉറപ്പു നൽകി.

വയോജന സൗഹൃദമായി സ്വീകരിക്കേണ്ട പരിഷ്‌കരണ നടപടികളെ സംബന്ധിച്ച് സംസ്ഥാന വയോജന കമ്മിഷനുമായി നടത്തിയ ചർച്ചയിലാണ് ഡോ. പ്രമോജ് ശങ്കർ ഈ ഉറപ്പ് നൽകിയത്.

കെ. എസ്. ആർ. ടി. സി. ബസ്സുകളിൽ വാതിൽ പ്പടികളുടെ ഉയരം കുറക്കുക, ബസ്സുകളിൽ വയോജനങ്ങൾക്കായി റിസർവ്വ് ചെയ്തിരിക്കുന്ന സീറ്റുകളുടെ സ്ഥാനം ടയറിനു മുകളിൽ നിന്നും മാറ്റുക എന്നീ നിർദ്ദേശങ്ങൾ പരിശോധിക്കും എന്നും അധികൃതർ വ്യക്തമാക്കി. P. R. D.

- pma

വായിക്കുക: , , , , , , , ,

അഭിപ്രായം എഴുതുക »

മഴ വീണ്ടും ശക്തമായി : ജാഗ്രതാ നിർദ്ദേശവുമായി അധികൃതർ

September 21st, 2026

heavy-thunder-storms-expected-in-kerala-with-summer-rain-ePathram
തിരുവനന്തപുരം : ഒരു ഇടവേളക്കു ശേഷം സംസ്ഥാനത്ത് വീണ്ടും മഴ ശക്തമായി. ഞായറാഴ്ച വൈകുന്നേരം മലയോര മേഖലകളിൽ തുടർച്ചയായി പെയ്ത മഴ മൂലം മലവെള്ളപ്പാച്ചിലും മണ്ണിടിച്ചിലും അടക്കമുള്ള മഴക്കെടുതിയില്‍ ഇടുക്കി, കോട്ടയം, മലപ്പുറം ജില്ലകളിൽ ആളപായവും കനത്ത നാശ നഷ്ടങ്ങളും ഉണ്ടായി. ഒൻപതു മരണം റിപ്പോർട്ട് ചെയ്തു. മലയോര മേഖലകളിൽ യാത്രാ നിയന്ത്രണം ഏർപ്പെടുത്തി.

ബംഗാൾ ഉൾക്കടലിൽ രൂപപ്പെട്ട ന്യൂന മർദ്ദമാണ് സംസ്ഥാനത്ത് മഴ ശക്തമാകുവാൻ കാരണം. സെപ്റ്റംബർ 24 വ്യാഴാഴ്ച വരെ മഴ തുടരും എന്നും മലയോര മേഖലകളിലും തീര പ്രദേശങ്ങളിലും ഉള്ളവർ കൂടുതൽ ജാഗ്രത പുലർത്തണം എന്നും കേന്ദ്ര  കാലാവസ്ഥാ വകുപ്പ് മുന്നറിയിപ്പ് നൽകി.

കോട്ടയം, ഇടുക്കി, എറണാകുളം, തൃശ്ശൂർ, പാലക്കാട്, മലപ്പുറം ജില്ലകളിൽ വരും ദിവസങ്ങളിലും ഒറ്റപ്പെട്ട യിടങ്ങളിൽ ഇടി മിന്നലോടു കൂടിയ മഴ പെയ്യാനും മണിക്കൂറിൽ 40 കിലോ മീറ്റർ വരെ വേഗതയിൽ ശക്തമായ കാറ്റിനും സാദ്ധ്യതയുണ്ട്. പത്തനം തിട്ട, ആലപ്പുഴ, കോഴിക്കോട്, വയനാട്, കണ്ണൂർ ജില്ലകളിൽ നേരിയ മഴക്കും സാദ്ധ്യത എന്നും കാലാവസ്ഥ വകുപ്പ് അറിയിച്ചു.

- pma

വായിക്കുക: , , , , , , ,

അഭിപ്രായം എഴുതുക »

യാത്രക്കാർ പതിവിലും നേരത്തെ എത്തണം : വിമാന ത്താവളത്തിൽ കൂടുതൽ സുരക്ഷ

August 13th, 2026

nedumbassery-airport-epathram
കൊച്ചി: സ്വാതന്ത്ര്യദിന ആഘോഷങ്ങളുടെ ഭാഗമായി കൊച്ചി വിമാനത്താവളത്തിലെ സുരക്ഷാ ക്രമീകരണ ങ്ങളിൽ മാറ്റം ഉണ്ടാവും. സുരക്ഷാ പരിശോധന കൂടുതൽ ശക്തമാക്കും എന്നതിനാൽ യാത്രക്കാര്‍ പതിവിലും നേരത്തെ എയര്‍ പോര്‍ട്ടില്‍ എത്തണം. യാത്രക്കാരുടെ ബാഗേജുകളും കാർഗോ പരിശോധനകളും കൂടുതൽ കർശ്ശനമാക്കും.

പതിവ് പരിശോധനകൾക്കു പുറമെ വിമാനത്തിൽ കയറുന്നതിന് തൊട്ടു മുമ്പ് ലാഡർ പോയിന്റിൽ യാത്രക്കാർക്ക് അധിക സുരക്ഷാ പരിശോധന (സെക്കൻഡറി ലാഡർ പോയിന്റ് ചെക്ക്) ഏർപ്പെടുത്തും. ബ്യൂറോ ഓഫ് സിവിൽ ഏവിയേഷൻ സെക്യൂരിറ്റി യുടെ (ബി. സി. എ. എസ്) നിർദ്ദേശ പ്രകാരമാണ് നടപടികൾ.

ഇതിന്റെ ഭാഗമായി വിമാന ത്താവള പരിസരത്ത് വാഹന പരിശോധനയും ശക്തമാക്കും. രാജ്യത്തെ എല്ലാ വിമാന ത്താവളങ്ങളിലും ഏർപ്പെടുത്തുന്ന പ്രത്യേക സുരക്ഷാ ക്രമീകരണങ്ങളുടെ ഭാഗമായാണ് കൊച്ചിയിലും സുരക്ഷ വർദ്ധിപ്പിക്കുന്നത്.

ആഭ്യന്തര-അന്താരാഷ്ട്ര ടെർമിനലുകളിൽ ആഗസ്റ്റ് 20 വരെ സന്ദർശകർക്ക് പ്രവേശനം അനുവദിക്കില്ല. സുരക്ഷാ പരിശോധനകൾക്ക് കൂടുതൽ സമയം വേണ്ടി വരും എന്നതിനാലാണ് യാത്രക്കാർ പതിവിലും നേരത്തെ വിമാന ത്താവളത്തിൽ എത്തിച്ചേരണം എന്ന് അധികൃതർ ആവശ്യപ്പെട്ടിരിക്കുന്നത്.

- pma

വായിക്കുക: , , , , ,

അഭിപ്രായം എഴുതുക »

കർക്കിടകം പെയ്തിറങ്ങി : ദുരിത ജീവിതം തുടരുന്നു

August 5th, 2026

heavy-thunder-storms-expected-in-kerala-with-summer-rain-ePathram
തിരുവനന്തപുരം : കാലവർഷം വീണ്ടും ശക്തി പ്രാപിച്ചതോടെ സംസ്ഥാനത്ത് മഴക്കെടുതി രൂക്ഷമായി. അതി ശക്തമായ മഴയിലും വെള്ള പ്പൊക്ക ത്തിലും മരിച്ചവരുടെ എണ്ണം 26 ആയി. നാലു പേരെ കാണാതായി. വിവിധ ജില്ലകളിലെ 418 ദുരിതാശ്വാസ ക്യാമ്പുകളിലായി 18,000 ത്തോളം ആളുകളെ താമസിപ്പിച്ചിട്ടുണ്ട്.

അതിതീവ്ര മഴ തുടരുന്നതിനാൽ ഇന്ന് (ബുധൻ) ഒൻപത് ജില്ലകളിൽ ഓറഞ്ച് അലർട്ട് പ്രഖ്യാപിച്ചിട്ടുണ്ട്. പത്ത് ജില്ലകളിൽ വിദ്യാഭാസ സ്ഥാപനങ്ങൾ അവധി നൽകി. ദുരിതാശ്വാസ ക്യാമ്പുകളായി പ്രവർത്തിക്കുന്ന എല്ലാ വിദ്യാഭ്യാസ സ്ഥാപനങ്ങൾക്കും ക്യാമ്പ് തീരുന്നതു വരെ അവധി നൽകിയിട്ടുണ്ട്. മുൻകൂട്ടി നിശ്ചയിച്ച പൊതു പരീക്ഷകൾ, അഭിമുഖങ്ങൾ എന്നിവക്ക് മാറ്റമില്ല.

മലയോര മേഖലകളിലും ചുരങ്ങളിലൂടെയും യാത്ര ചെയ്യുന്നവർ ജാഗ്രത പാലിക്കണം. മണ്ണിടിച്ചിൽ, റോഡിലേക്ക് പാറ പൊട്ടി വീഴുക, വെള്ള ക്കെട്ട് എന്നിവയാൽ ഗതാഗത തടസ്സം നേരിടാൻ സാദ്ധ്യതയുണ്ട്.

കള്ളക്കടൽ പ്രതിഭാസത്തിന്റെ ഭാഗമായി കടൽ ക്ഷോഭം രൂക്ഷമാകും. മത്സ്യ ബന്ധനത്തിന് പോകുന്നവരും കടലിൽ ഇറങ്ങുന്ന വിനോദ സഞ്ചാരികളും ജാഗ്രത പാലിക്കണം.

മലമ്പ്രദേശങ്ങളിലും കടൽക്കരയിലും നദീ തീര ങ്ങളിലും അടക്കം അപകട സാദ്ധ്യതയുള്ള മേഖല കളിൽ നിന്നും അധികൃതരുടെ നിർദ്ദേശം അനുസരിച്ച് മാറി താമസിക്കണം എന്നും മുന്നറിയിപ്പുണ്ട്.

കർക്കിടകത്തിന്റെ അവസാന പാദത്തിലേക്ക് കടക്കുന്നതോടെ ഒറ്റപ്പെട്ടയിടങ്ങളിൽ അതി ശക്തമായ മഴക്ക് ഉള്ള സാദ്ധ്യതയാണ് കാലാവസ്ഥാ നിരീക്ഷണ കേന്ദ്രം പ്രവചിച്ചത്. വരും ദിവസങ്ങളിലും ശക്തമായ കാറ്റോടു കൂടിയ മഴ തുടരും.

- pma

വായിക്കുക: , , , , ,

അഭിപ്രായം എഴുതുക »

1 of 1612310»|

« Previous « ജൂബിലി മിഷൻ ആശുപത്രി നഴ്സസ് സമരം ഒത്തു തീർന്നു
Next Page » യാത്രക്കാർ പതിവിലും നേരത്തെ എത്തണം : വിമാന ത്താവളത്തിൽ കൂടുതൽ സുരക്ഷ »



  • കേരളത്തിൽ ഓട്ടോ-ടാക്സി നിരക്ക് വർദ്ധിക്കും
  • പെൻഷൻ പ്രായം ഉയർത്തൽ സർക്കാരിന്റെ പരിഗണനയിൽ ഇല്ല : മുഖ്യമന്ത്രി
  • ടോമിന്‍ ജെ. തച്ചങ്കരി ജയില്‍ മോചിതനായി
  • തുലാവർഷം എത്തുന്നു: ഇടി മിന്നലോടു കൂടിയ അതിശക്ത മഴ പെയ്യും
  • പത്മശ്രീ ചെറുവയൽ രാമൻ അന്തരിച്ചു
  • വയോജനങ്ങൾക്ക് ബസ്സിൽ റിസർവ്വേഷൻ ഉറപ്പാക്കും
  • വയോജന ക്ഷേമ ബില്ല് സഭയിൽ അവതരിപ്പിച്ചു
  • സാമ്പത്തിക ഇടപാട് : പിണറായി വിജയന്‍ ഒന്നാം പ്രതിയായി വിജിലന്‍സ് എഫ്. ഐ. ആര്‍.
  • ദേശീയ ആയുർവ്വേദ ദിനാചരണം : തൃശ്ശൂരിൽ പരിപാടി സംഘടിപ്പിച്ചു
  • മഴ വീണ്ടും ശക്തമായി : ജാഗ്രതാ നിർദ്ദേശവുമായി അധികൃതർ
  • അനധികൃത സ്വത്ത് സമ്പാദനം : ടോമിന്‍ ജെ. തച്ചങ്കരിക്കു നാല് വർഷം തടവു ശിക്ഷ
  • സി. പി. എം. നേതാവ് ബേബി ജോൺ അന്തരിച്ചു
  • യാത്രക്കാർ പതിവിലും നേരത്തെ എത്തണം : വിമാന ത്താവളത്തിൽ കൂടുതൽ സുരക്ഷ
  • കർക്കിടകം പെയ്തിറങ്ങി : ദുരിത ജീവിതം തുടരുന്നു
  • ജൂബിലി മിഷൻ ആശുപത്രി നഴ്സസ് സമരം ഒത്തു തീർന്നു
  • വെര്‍ച്വല്‍ ക്യൂ ദര്‍ശന സൗകര്യം ആരംഭിച്ചു
  • ആരോഗ്യ വകുപ്പിലെ ക്രയ വിക്രയങ്ങളിൽ സമഗ്രമായ അന്വേഷണം നടത്തും : മന്ത്രി കെ. മുരളീധരൻ
  • ആഘോഷങ്ങളിലും മത ചടങ്ങുകളിലും യൂണി ഫോമിൽ പങ്കെടുക്കരുത് : ഡി. ജി. പി.
  • വിഴിഞ്ഞം അദാനി ഓഹരി കൈമാറ്റം: സർക്കാർ പരിശോധിക്കുമെന്ന് മുഖ്യമന്ത്രി
  • എഫ്‌സിആർഎക്കെതിരെ കേരളം



  • മരട് ഫ്ലാറ്റുകൾ പൊളിക്കാ...
    ഐഐടി വിദ്യാര്‍ഥിനി ഫാത്തി...
    ഗുണ നിലവാരം ഇല്ലാത്ത വെളി...
    വിദ്യാർത്ഥി കൾക്ക് സ്കൂളി...
    പഴങ്ങളില്‍ നിന്നും വീര്യം...
    സമ്മേളന വേദിയില്‍ ശ്രീമതി...
    കൊച്ചി മെട്രോ : അഴിമതിയുട...
    മുല്ലപ്പെരിയാര്‍ : സംയുക്...
    ലൈംഗികപീഢനം: സന്തോഷ് മാധവ...
    മന്ത്രി മോഹനനൊപ്പം വനിതാ ...
    കേരളാ കോണ്‍ഗ്രസ്സ് (ബി) പ...
    പ്ലാച്ചിമട കൊക്കക്കോള കമ്...
    മുല്ലപ്പെരിയാര്‍: വരാനിരി...
    കൊച്ചുബാവ കഥാലോകത്തെ വലിയ...
    ‘നോക്കുകൂലി’ ലോഡിറക്കാത...
    സാമ്പത്തിക അസമത്വം കര്‍ഷക...
    സ്ക്കൂളിലെ ക്യാമറ : വിദ്യ...
    ആര്‍. ബാലകൃഷ്ണ പിള്ളയുടെ ...
    മിതഭാഷിയായി കര്‍മ്മ കുശലത...
    മന്ത്രി ഗണേഷ്‌ കുമാറും മു...

    Click here to download Malayalam fonts
    Click here to download Malayalam fonts
    Your Ad Here
    Club Penguin


    ePathram Magazine