സുപ്പര്‍മാര്‍ക്കറ്റുകള്‍ക്കും മറ്റ് സ്ഥാപനങ്ങള്‍ക്കുമായി ഇലക്ട്രോണിക് ഷെല്‍ഫ് ലേബലുകള്‍ യു.എ.ഇ വിപണിയില്‍ പുറത്തിറക്കി. സ്വീഡനിലെ പ്രൈസര്‍ കമ്പനിയാണ് വ്യത്യസ്ത ആവശ്യങ്ങള്‍ക്കായുള്ള ഈ ലേബലുകള്‍ പുറത്തിറക്കിയിരിക്കുന്നത്.

ഇതാദ്യമായാണ് ഇലക്ട്രോണിക് പ്രൈസ് ലേബലുകള്‍ യു.എ.ഇ പുറത്തിറക്കുന്നതെന്ന് ബന്ധപ്പെട്ടവര്‍ ദുബായില്‍ വാര്‍ത്താ സമ്മേളനത്തില്‍ അറിയിച്ചു. നിക്ലാസ് ക്ലിസ്റ്റര്‍, നൈനാന്‍ കുര്യന്‍ എന്നിവര്‍ വാര്‍ത്താ സമ്മേളനത്തില്‍ പങ്കെടുത്തു.

യു.എ.ഇയിലെ സാമൂഹ്യ സാംസ്കാരിക സംഘടനയായ സേവനം ആലപ്പുഴയില്‍ എഞ്ചിനീയറിംഗ് കോളേജ് ആരംഭിക്കുന്നു. ശ്രീനാരായണ-സേവനം കോളേജ് ഓഫ് എഞ്ചിനീയറിംഗ് ആ‍ന്‍ഡ് ടെക് നോളജിയുടെ ശിലാസ്ഥാപനം മുഹമ്മയില്‍ വെള്ളിയാഴ്ച നടക്കുമെന്ന് ഭാരവാഹികള്‍ വാര്‍ത്താ സമ്മേളനത്തില്‍ അറിയിച്ചു. അടുത്ത അധ്യയന വര്‍ഷം മുതല്‍ എഞ്ചിനീയറിംഗ് കോളേജ് ആരംഭിക്കും. സേവനം അംഗങ്ങള്‍ ഡയറക്ടര്‍മാരായ എഞ്ചിനീയറിംഗ് കോളേജില്‍ വിദേശ മലയാളികളുടെ മക്കള്‍ക്ക് പ്രത്യേക പരിഗണന നല്‍കുമെന്നും ഭാരവാഹികള്‍ വ്യക്തമാക്കി.

ഗള്‍ഫ് മേഖലയിലെ പ്രമുഖ ജ്വല്ലറിയായ ദമാസ്, ഇന്ത്യന്‍ ഉത്പന്നമായ ഫറാ കളക്ഷന്‍റെ ഡയമണ്ട് ബ്രാന്‍ഡ് ഒമാനില്‍ പുറത്തിറക്കി. പരമ്പരാഗത രീതിയിലുള്ള ആഭരണങ്ങളാണ് ഫറാ കളക്ഷന്‍റെ പ്രത്യേകത. ദമാസ് ഡെപ്യൂട്ടി മാനേജിംഗ് ഡയറക്ടര്‍ തംജീദ് അബ്ദുല്ല, ഫറാന വോഹ്റ, രജീഷ് ഗോവിന്ദ് എന്നിവര്‍ പുറത്തിറക്കല്‍ ചടങ്ങില്‍ പങ്കെടുത്തു.

ദേരദുബായിലെ അലി മെഡിക്കല്‍ സെന്‍റര്‍ കുട്ടികളിലെ ആസ്മ നിര്‍ണ്ണയം സംഘടിപ്പിക്കുന്നു. നവംബര്‍ 14 വരെ സൗജന്യ സ്ക്രീനിംഗ് പരിശോധന സംഘടിപ്പിച്ചിട്ടുണ്ടെന്ന് അധികൃതര്‍ അറിയിച്ചു. കൂടുതല്‍ വിവരങ്ങള്‍ക്ക് 04 2246566 എന്ന നമ്പറില്‍ വിളിക്കണം.

ഇന്ത്യയിലെ പ്രശസ്ത റിയല്‍ എസ്റ്റേറ്റ് നിര്‍മ്മാതാക്കളായ ബ്രിഗേഡ് എന്‍റര്‍പ്രൈസസ് ദുബായില്‍ ഓഫീസ് ആരംഭിച്ചു. ഗ്രൂപ്പിന്‍റെ ആദ്യ അന്താരാഷ്ട്ര ഓഫീസാണ് ബര്‍ദുബായ് ബാങ്ക് സ്ട്രീറ്റിലെ ആട്രിയം സെന്‍ററില്‍ ആറംഭിച്ചിരിക്കുന്നത്. ഇതിനോടനുബന്ധിച്ച് വിളിച്ചു ചേര്‍ത്ത ചടങ്ങില്‍ കമ്പനി സി.എം.ഡി എം.ആര്‍ ജയശങ്കര്‍, ജനറല്‍ മാനേജര്‍ ഇന്ദ്രാണി ശേഖര്‍ തുടങ്ങിയവര്‍ പങ്കെടുത്തു. കൊച്ചിയില്‍ അടുത്തു തന്നെ തങ്ങളുടെ പ്രൊജക്റ്റ് ആരംഭിക്കുമെന്ന് എം.ആര്‍ ജയശങ്കര്‍ പറഞ്ഞു.