 |
 |
 |
 |
 |
 |
 |
 |
 |
 |
 |
 |
 |
 |
ഖത്തറിലെ ലോജിക് ഗ്രൂപ്പിന്‍റേയും എം.എസ്.എം ഗ്രൂപ്പിന്‍റേയും സംയുക്ത സംരംഭമായ ലോജിക് ഹൈപ്പര്‍ സെന്‍റര്‍ ഖത്തറിലെ അല്‍ ഖോറില്‍ വെള്ളിയാഴ്ച മുതല്‍ ആരംഭിക്കും. ഇരു ഗ്രൂപ്പുകളുടേയും പ്രതിനിധികള്‍ നടത്തിയ വാര്‍ത്താ സമ്മേളനത്തിലാണ് ഇക്കാര്യം അറിയിച്ചത്. ലോജിക് ഗ്രൂപ്പ് ചെയര്‍മാന്‍ ടി.വി.എച്ച് യൂസഫ്, എം.എസ്.എം ഗ്രൂപ്പ് എം.ഡി സുദര്‍ശന്‍ തുടങ്ങിയവര്‍ വാര്‍ത്താ സമ്മേളനത്തില്‍ അറിയിച്ചു.
-
സൗദി അറേബ്യയിലെ മഹാരാജാസ് ട്രാവല്‍സ് പ്രവാസികള്‍ക്ക് പ്രയോജനപ്രദമായ പുതിയ പദ്ധതികള്‍ നടപ്പിലാക്കുന്നു. റിയാദില്‍ നടത്തിയ വാര്‍ത്താ സമ്മേളനത്തില്‍ മഹാരാജാസ് ചെയര്‍മാന്‍ അബ്ദുല്‍ ഖാദര്‍ ഹാജി, ജനറല്‍ മാനേജര്‍ ആലക്കല്‍ നിസാര്‍ എന്നിവര്‍ പുതിയ പദ്ധതികളെക്കുറിച്ച് വിശദീകരിച്ചു. മുസ്തഫ അഹമ്മദ്, സഫര്‍ അബ്ദുല്ല, റഷീദ് എന്നിവരും വാര്‍ത്താ സമ്മേളനത്തില്‍ പങ്കെടുത്തു.
-
ജിദ്ദയിലെ ദര്‍ശന ടെക്സ്റ്റയില്‍സ് സെന്‍റര്‍ സമ്മര്‍ ഫെസ്റ്റിവലിനോട് അനുബന്ധിച്ച് നടത്തിയ സമ്മാന പദ്ധതിയുടെ നറുക്കെടുപ്പ് വ്യവസായ പ്രമുഖന്‍ വി.പി മുഹമ്മദലി നിര്‍വഹിച്ചു.
ബലദിലെ ദര്‍ശന സെന്‍ററില്‍ നടന്ന ചടങ്ങില്‍ വിജയികള്‍ക്കുള്ള സമ്മാനങ്ങള്‍ വിതരണം ചെയ്തു. ജിദ്ദയിലെ സാമുഹിക രംഗത്തെ പ്രമുഖര്‍ ചടങ്ങില്‍ സംബന്ധിച്ചു.
-
ഇന്ത്യയിലെ പ്രമുഖ സ്വകാര്യ വിമാനക്കമ്പനിയായ ജെറ്റ് എയര്‍വേയ്സ് ദുബായ് സര്‍വീസുകള്‍ ആരംഭിക്കുന്നു. മുബൈയിലേക്കും ഡല്‍ഹിയിലേക്കുമാണ് ദുബായില്‍ നിന്ന് പ്രതിദിന സര്‍വീസുകള്‍ നടത്തുന്നത്. ശനിയാഴ്ച മുതല്‍ സര്‍വീസുകള്‍ ആരംഭിക്കുമെന്ന് കമ്പനി ചെയര്‍മാന്‍ നരേഷ് ഗോയല്‍ ദുബായില്‍ വാര്‍ത്താ സമ്മേളനത്തില്‍ അറിയിച്ചു. ഗള്‍ഫ് മേഖലയിലേക്കുള്ള ജെറ്റ് എയര്‍ വേയ്സിന്‍റെ ആറാമത്തെ സര്‍വീസാണിത്. താമസിയാതെ ഇന്ത്യയിലെ മറ്റ് പ്രധാന നഗരങ്ങളില്‍ നിന്നും ദുബായിലേക്ക് സര്‍വീസുകള്‍ ആരംഭിക്കുമെന്നും ജെറ്റ് എയര്‍ വേയ്സ് ചെയര്‍മാന്‍ നരേഷ് ഗോയല്‍ പറഞ്ഞു.
-
യു.എ.ഇ ആസ്ഥാനമായി പ്രവര്‍ത്തിക്കുന്ന പ്രമുഖ കമ്പനിയായ ആല്‍ഫ വണ്‍ കേരളത്തില്‍ നിക്ഷേപം ഇറക്കുന്നു. ആദ്യഘട്ടമായി 200 കോടി രൂപയുടെ മുതല്‍ മുടക്കാണ് ലക്ഷ്യമിടുന്നത്.
കണ്ണൂര്‍ പയ്യാമ്പലത്ത് 13 നിലകളുള്ള ആഡംബര ഫ്ലാറ്റ്, തോട്ടടയില്‍ ടൗണ്‍ഷിപ്പ്, മാഹിയില്‍ അപ്പാര്‍ട്ട് മെന്‍റ് എന്നിവയാണ് ആദ്യഘട്ട പദ്ധതികള്‍. ഇടത്തരക്കാര്‍ക്ക് വേണ്ടിയുള്ള ബജറ്റ് ഹോമുകളും കണ്ണൂരില്‍ വിശാലമായ വ്യാപാര വാണിജ്യ സമുച്ചയവും ആല്‍ഫ വണ്‍ ഗ്രൂപ്പ് തുടങ്ങുമെന്ന് കമ്പനി വൃത്തങ്ങള്‍ അറിയിച്ചു. ആല്‍ഫ വണ്‍ ഗ്രൂപ്പ് ജനറല്‍ മാനേജര്‍ ആര്‍.പി മുഹമ്മദ്, ട്രേഡിംഗ് മാനേജര്‍ ഉണ്ണികൃഷ്ണന്‍, അഡ്മിനിസ്ട്രേഷന്‍ മാനേജര്‍ കെ.പി. അഷ്റഫ് എന്നിവര്‍ വാര്‍ത്താ സമ്മേളനത്തില്‍ പങ്കെടുത്തു.
ലാഭത്തിന്‍റെ ഒരു വിഹിതം ജീവകാരുണ്യ പ്രവര്‍ത്തനങ്ങള്‍ക്കായി വിനിയോഗിക്കുമെന്നും ഗ്രൂപ്പിന്‍റെ 16-ാം വാര്‍ഷികാഘോഷവും ഇന്ത്യയിലെ പ്രവര്‍ത്തനങ്ങളുടെ ഉദ്ഘാടനവും ഓഗസ്റ്റ് 17 ന് കണ്ണൂരില്‍ നടത്തുമെന്നും ഇവര്‍ അറിയിച്ചു.
-
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |