 |
 |
 |
 |
 |
 |
 |
 |
 |
 |
 |
 |
 |
 |
ഒക്ടോബര്‍ 17 മുതല്‍ കുവൈറ്റില്‍ ഏഴക്ക മൊബൈല്‍ നമ്പറില്‍ നിലവില്‍ വരും. ഇതിന്‍റെ ഭാഗമായി മൊബൈല്‍ കമ്പനികള്‍ക്ക് പുതിയ ലൈനുകള്‍ അനുവദിച്ചതായി കമ്യൂണിക്കേഷന്‍ മന്ത്രാലയം അറിയിച്ചു. സെയ്ന്‍ ടെലികോമിനും പുതിയ കമ്പനിയായ ടെലികമ്യൂണിക്കേഷനും പത്ത് ലക്ഷം വീതവും വതാനിയക്ക് 13 ലക്ഷം പുതിയ ലൈനുകളാണ് നല്‍കുന്നത്
-
പ്രമുഖ സ്വര്‍ണ്ണാഭരണ ശാലയായ മലബാര്‍ ഗോള്‍ഡ് ജുവലറിയുടെ രണ്ടാമത്തെ ശാഖ ഖത്തറിലെ അല്‍ ഖോറില്‍ പ്രവര്‍ത്തനം ആരംഭിച്ചു, ബാങ്ക് ഓഫ് സദറത്ത് ഇറാന്‍ മനേജര്‍ മുഹമ്മദ് ഫര്‍ഹാനി ഉദ്ഘാടനം നിര്‍വഹിച്ചു.
-
പ്രശസ്ത ജര്‍മ്മന്‍ ഇലക്ട്രോണിക് ബ്രാന്‍ഡായ ജി-ഹാന്‍സ് കേരളത്തിലെത്തുന്നു. ആദ്യഘട്ടത്തില്‍ ടിവികളും ഡിവിഡി പ്ലെയറുകളുമായിരിക്കും കേരള വിപണിയില്‍ എത്തിക്കുകയെന്ന് ബന്ധപ്പെട്ടവര്‍ ദുബായില്‍ വാര്‍ത്താ സമ്മേളനത്തില്‍ പറഞ്ഞു.
കേരളത്തിലെ എല്ലാ നഗരങ്ങളിലും ഉടന്‍ തന്നെ ഷോറൂമുകളും സര്‍വീസ് സെന്‍ററുകളും ആരംഭിക്കും.
ഉപഭോക്താക്കള്‍ക്ക് മികച്ച വില്‍പ്പനാനന്തര സേവങ്ങളും ലഭ്യമാക്കുമെന്ന് കേരള ഡിസ്ട്രിബ്യൂട്ടര്‍ അബ്ദുല്‍ മനാഫ് പറഞ്ഞു. ജി-ഹാന്‍സ് സി.ഇ.ഒ യു.കെ.ബി ഘോഷ്, ജനറല്‍ മാനേജര്‍ ഇന്‍ഗോ ഷ്വിറ്റ്സര്‍ എന്നിവരും വാര്‍ത്താ സമ്മേളനത്തില്‍ പങ്കെടുത്തു.
-
ഷാര്‍ജയില്‍ വന്‍ പോള്‍ട്രി ഫാം പദ്ധതി വരുന്നു. കോഴിമുട്ടകള്‍ ഉത്പാദിപ്പിക്കുന്ന എന്ന ഉദ്ദേശത്തിലാണിത്. ഷാര്‍ജയിലെ സീഹ് അല്‍ ലെബ്സ പ്രദേശത്താണ് 120 മില്യണ്‍ ദിര്‍ഹം ചെലവില്‍ ഈ പദ്ധതി വരുന്നത്. രണ്ട് വര്‍ഷം കൊണ്ട് നാല് ഘട്ടങ്ങളിലായാണ് പദ്ധതി പൂര്‍ത്തിയാക്കുക. ഒരു മില്യണ്‍ ചതുരശ്ര അടി വിസ്തീര്‍ണത്തിലാണ് ഷാര്‍ജ അഗ്രികള്‍ച്ചര്‍ ഡവലപ് മെന്‍റ് കോര്‍പ്പറേഷന്‍ ഈ സംവിധാനം ഒരുക്കുന്നത്. പദ്ധതി പൂര്‍ത്തിയാകുന്നതോടെ ദിവസവും 3500 കാര്‍ട്ടണ്‍ കോഴിമുട്ടകള്‍ ഇവിടെ ഉത്പാദിപ്പിക്കാനാവും.
-
ജെ.സി.എ റിയല്‍ എസ്റ്റേറ്റ് അജ്മാനില്‍ പുതിയ റസിഡന്‍ഷ്യല്‍ ടവര്‍ നിര്‍മ്മിക്കുന്നു. ദുബായില്‍ നടന്ന ചടങ്ങില്‍ ടവറിന്‍റെ മോഡല്‍ അധികൃതര്‍ പുറത്തിറക്കി. 252 മില്യണ്‍ മുതല്‍ മുടക്കിലാണ് ഈ ഫ്രീ ഹോള്‍ഡ് പ്രോപ്പര്‍ട്ടിയുടെ നിര്‍മ്മാണം. 11 ശതാനം റിട്ടേണ്‍ ഗ്യാരണ്ടി നല്‍കുമെന്നും അജ്മാന്‍റെ ചരിത്രത്തില്‍ തന്നെ ഇതാദ്യമാണെന്നും നിര്‍മ്മാതാക്കള്‍ അവകാശപ്പെടുന്നു. കേരളം ഉള്‍പ്പടെയുള്ള ഇന്ത്യന്‍ സംസ്ഥാനങ്ങളില്‍ മുതല്‍ മുടക്കാനും ജെ.സി.എ റിയല്‍ എസ്റ്റേറ്റിന് പദ്ധതിയുണ്ട്.
-
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |